وره ماخلص ذاك اليوم رجعت للبيت ضايجه ومقهوره على الي صارلي ياربي منين اجالي هذا وليش مايقبل يتقرب يالله يجي باجر والله كريم
صار الصبح
امي /صباح الخير دكتوره
جميله /هله والله وصباحو ياامي شو اليوم وجهج منور شنو البارحه عيد انت وبابا
امي /جميله لج عيب
جميله /لعد عاي هيه معيدين صدك
امي /يالله تريكي وروحي لكليتج وكابلي خريفاتج
جميله اي شعندي غيرهن
عادك شلون جانن خريفات مخلصات من كد التجارب الي نسويهن عليها
ايه /ها ام الخرفان شلونه المحصول
جميله /مع السلامه تالي اجاوبج
ايه /شنو جاوبيني هي هاي الحقيقه
طلعت بره والكه منتظر واكف يم بابهم
جميله /ياصباح ياستار
منتظر /صباح الخير
عبد العزيز /ياصباح المغثه خير المن هذا الصباح
يالله فكيتني ياعبد العزيز
بس شو هذا عبد العزيز يوميه هنا يالله يمكن رايح لشغل
وضلت الكليه والورد بالحديقه ياخلاته افيش والحديقه راشينها وريحه الماي والتربه فد شي مريح للعين والنفس
وانا داامشي شفت الاستاذ الي حجه ويه حكمت اتبسم وتعده وكال صباح الخير جميله
جميله /صباح الهير استاذ
الاستاذ ها مستعده للكوز
جميله😲 /نعم استاذ
بس انا اكول ياكوز مانطانه البارحه شي حتى نمتحن بي
عبر الاستاذ واجت خلود
خلود /صباح الخير شبيج وجهج مصفر وحالتج حاله شنو جان يحجي وياج الاستاذ
جميله /مدري يكول عدنه امتحان
خلود /ياااا واحنه شخذينه حتى يمتحنه
خلي نسأل فهرس المعلومات ست عفيفه
صدك هي وين
عفيفه مااجت اليوم متاخره مو عوايده كلش يالله خلي نكعد بالحديقه شويه خلي نجيبلنه من الكافتريا جاي
خلود يالله
جميله /شلونك ابو محمد
ابو محمد /هله بنيتي
جميله /فد كوبين جاي خلي نصحصح
ابو محمد /وهاي الكوبين وتدلل الدكتوره
وشربنه الجاي وتونسه وصحصحنه بس عفيفه مااجت
خلود /شو هاي مااجت
جميله /الغايب حجته وياه ومن ارجع للبيت اخابرها ونشوف شبيها
خلود /اي البارحه ماشفتها هواي خاف مريضه
دخلنه الكليه وانا بالي يم الكوز
جميله /اكلج خلود هو اصلا اليوم ماعدنه هذا المختبر بعد منيلنه كوز
خلود /هههههه صدك مبين هذا الاستاذ متيه وماخذته الدنيا
دخلنه المحاضره الاولى وجانت وراثه ويالله شكد احب هاي المحاضره جنها حزوره محاضراتها حلووه كلش
وبين الفرصتين شفت حكمت جاي علينه وهالمره معصب كلش معرف ياربي شبي وسلم وفاتنه هاي اول مره يسلم
خلود /شبي هذا وجهه مكلوب
جميله وانا محتاره مدري احاجي خلود مدري لا
جميله /يالله الله يستر على الجميع شبيدنه عليه
صارت المحاضره الثانيه وجانت عدنه محاضره تشريح ياربي شلون صعب وكله انكليزي وملازمه هواي وكلهن حفظ اوي ياربي
واحنه بالمحاضره دخل حكمت وقاطع استاذ التشريح ورزلنه رزاله عدله ليش على الزي الحمد لله مااخالف الزي جنت كلش احب الزي يحسسني مختلفه وحاسبنه على الصداري وحتى الاظافر فتشهن مثل ماجنه بالابتدائيه.
انا جنت احب الاظافر الطوال ومااحب اكص اظافري حلوات يصيرن ومن تصبغيهن وبالاصبع المحبس ايباه شلون حلوات جنت معتنيه بيهن حيل
وصل
حكمت /لو سمحتي دكتوره المره الثانيه مااشوف هاي الاظافر وتنزعين الذهب
جميله /زفعت راسي واجت عيني بعينه بس هو احسه يريد يلزم ايدي سحبتها بسرعه وكتله باابتسامه هاي صعبه استاذ
حكمت /والتفت على الطلاب ماريد معارضه والكل يسمع الكلام كمل تفتيش بس حتى البنات البقيه ماشافهن
خلود /شو هذا جنه جايلج الج
جميله /منين جيبين هذا الحجي مو فتش القاعه
خلود /لا والله مافتش
بس سويت نفسي ماسمعت
وخلصت المحاضره انا بس مبتسمه وعيوني
تلمع
