وره فتره بدت امتحانات نهايه السنه وهنا قلت الطلعات والمقابلا بيناتنه
عبد العزيز /راح اسافر عندي شغل هاي الفتره
جميلهً/هههه والله احسن لان ماعندي وكت
عبد العزيز /خلاص كل امتحانات انا اسافر
جميله /لا يابه بس هالمره وتالي رجلي على رجلك
عبد العزيز /حيل حبيتج
جميله /يالله كوم كافي رومانسيه ماعندي وكت اريد ادرس
عبد العزيز /طرديني
جميله /لا زعلت مو تربيتي
عبد العزيز /لعد لازم اصالحج ولازم
جميله /هو يحجي وانا ادفع يالله روح اخرتني دار علي ولزم ايدي ودفعني للحايط شلون بالله ويه الامتحانات
عبد العزيز /باجر العصر اجي اخذج تعدليلي جنطتي
جميله /تدلل
يالله مع السلامه وسديت الباب عليه وهو وره الباب هجي يابت الاصول
جميله /اي هجي ودخلت للبيت رجعت بسرعه لدراستي هواي متاخره ومااعرف منين ابدي سهرت ذاك اليوم ورحت للكليه عيوني تعبانات والهلات بس غطيتهن بالمكياج
طبعا ضليت مااروح بالباص عبد العزيز يوصلني
عبد العزيز /وهو كلش تعبان ومريض
جميله /اسم الله شبيك شغلتني
عبد العزيز /طبعا هليتيني بالشارع البارحه وانا تمرضت
جميله /الله الله انا السبب
عبد العزيز /هسه طبت من شفتج بس هو كوه يحجي خطيه
جميله /وانا اگلب باوراق المراجعه خاف مااتكدر تجي علي ترى ارجع بالباص
عبد العزيز /ماكو باص بعد يجي عليج اخوي تمام
جميله /تمام ونزلت
دخلنه للامتحان وجان يوميه حكمت يومف على القاعه مراقب بس جني مااشوفه ولااعرفه بس صراحه مانسيته
اجه عبد العزيز اخذني وداني لبيتهم حضرتله جنطته وهو جان متلفلف بالغطه ومتمدد على الجربايه خطيه والصخونه
جميله /اجل السفره انت ماللكً خلك
عبد العزيز /كلش مهمه هاي السفره وان شاء الله اروحلها
طلعت لمطبخهم سويتله عصير ليمون وانطيته دوه
حد ماطلعت الحمد لله رجعني لبيتنه وانا بسرعه على غرفتي اقره وهم مانمت بس ساعتين
بدلت وكعدت انتظر انتظر نسيت اليوم عبد العزيز مسافر
ياا عزه لازم الحك الباص ماعندي سياره توصلني فتحت الباب لكيت اخو عبد العزيز ينتضرني
وصلني للكليه وانتظرني اخلص امتحان ورجعنه ويوميه على هذا الحال الى ان خلصنه امتحانات
رجع عبد العزيز من السفر وكبله على بيتنه وحايب وياه حنطتين كال هاي الج وبالعافيه
جميله /خلصت امتحانات
عبد العزيز /الحمد لله اليوم لعد نطلع
جميله /لا اليوم عازمتك بالبيت على اكلهتاكل اصابعك وراها
عبد العزيز لعد خلي اكعد من هسه
جميله /لا روح لخالتي هسه دا تنتظرك خطيه وتعالي باليل
عبد العزيز /يالله اروح
حضرتله الاكله وجانت مقلوبه دجاج سمعت من خالتي ام عزيز هو كلش يحبها ويه زلاطه ولبن
وحضرت بغرفه الاستقبال كعده رومانسيه هاي اول مره راح نكعد بالبيت بحدنه لان جنه كله نطلع
لبست بدله تركوازي وياها حذاء عالي وفتحت شعري وسويته تسريحه بسيطه وخليتلي ورده حمره وره ذاني وصبغت اظافري انا شفت نفسي كلش حبيت شكلي
وصار الليل واجه عبد العزيز
تفاجىء من لبسي وترتيبي ودخلته بغرفه الاستقبال
——————-
ماكدرت على حسنها وجمالها وفاتحه موسيقى هادئه كمت ومديتلها ايدي وكتلها سمحيلي بالرقصه
وضميتها على صدري وشميت ريحتها مدري منين تطلع ريحه ورد ورد وين جنت عايش انا هسه الحياه صارت تخبل ياربي لاتحرمني
—————————-
ركصنه وخلصنه وسولفنه كلش تونسنه صراحه وماخلص الوكت اله الساعه ب٣الفجر واحنه بعدنه بغرفه الاستقبال
كتله نعست
عبد العزيز /نامي على صدري
جميله وبخجل /لا عفيه صدك نعست
عبد العزيز /شفتي الجنط
جميله /تدري نسيتهن ولافتحتهن التهيت والله بالتحضيرات باجر اشوفهن
عبد العزيز /فرشيلي فراش خلي انام مابيه اروح لبيتنه
جميله /دقيقه واجيبلك احلى فراش
عبد العزيز /لا اروح هسه اكيد وجهي ملطخ من حمرتج عادك اليل يستر والله يسوني مزق هواني
جميله /اجيبلك هدوم اسبح وبدل
عبد العزيز /لازحمه خلي اروح وباجر اخلص شغلي ونطلع
جميله /لا خليها العصر لان اريد انام وتعبانه حيل بعدها دوخت الامتحانات براسي
عبد العزيز /يدلل الحلو
وراح عبد العزيز والطريق كله اشمشم بهدومي اشم ريحتها بيهن وفتحت الباب وكبلي على الحمام واشوف وجهي بالمرايا هاف باقي اثر وله اخواني ماافتك منهم
