حكمت /ليش يايوم خليتني بهاي الورطه
وين رحتي ياجميله ليش ماداومتي بس لامريضه
خابر اخوي /الو شلونك عيني
حكمت /هله بيك اخويه الغالي
اخويه /ترى باجر لازم تجي وصيت امك قبل اربعينها تريدك خاطب
حكمت /الله كريم ان شاء
وينج ياجميله خلي اشوفج حبوبه
رحت لصاحباتها وسالتهم كلولي مريضه بدون شعور جاوبتهم بيه ولابيها
خلود /مايحتاج شكرا اتمرضت من القهر
بتول /كسر الخواطر صعب
حكمت /شكرا الكم
وركبت السياره ورحت رجعت لمحافظتي وهناك شفت خواني كلهم وتحضروا للحفله جانت سنطه لان احنه بعدنه حزنانين
اخويه/بعد عليمن الطواله زواجك الاسبوع الجاي
حكمت /خلي ارجع لشغلي اكمل وارجعلكم
ركبت السياره ورجعت طاير شنو هالورطه يايمه منين جبتيها عليه
رجعت للكليه وانا محتار كون بس اشوفها وعلى شنو اشوفها اقهرها بالزايد
وفات الاسبوع الثقيل
وشفتها نزلت وهي جنها عروسه والمكياج اويلي ياربي شنو هاي البنيه مو بشر
استغفر الله ياربي شو كامو ليش وين راحو ماشربو جاي يااا وين وين
فغيروا مكانهم بعد حتى شوف ماشوفها
خلي ادزلهم الكيك مال خطوبه ودزيته بيد العامل
شميت ريحتها يم الباب بس مادخلت كمت اريد افتح الباب فتحته شفتها راجعه اكيد اجت تبجي اكيد كبريائها منعها يالله هاي هيه الله يوفقها الله يرحمج ياامي
——————————
عبد العزيز /شمسوي لهاي البنيه ليش راح اصبر عليها لان حبيتها حيل
امي /ها يمه صافن وساكت
عبد العزيز /اي مابقه شي على بيتي اخبصه وشويه مضايك بالفلوس
امي /عيوني الك هاي ذهاباتي وروح بيعهم وكمل وليدي
عبد العزيز /ياروحي ياامي دا اشاقه وياج الحمد لله مستوره
امي /شو هذولي ماردو خبر
عبد العزيز /خليهم براحتهم انا بعدني علما اخلص بيتي
امي /براحتك ياوليدي
لازم اروح اشوفها بالكليه صدك ليش لي هسه مارجعولي خبر
ثاني يوم لبست وتهندمت وعلى سنكت عشره ركبت سيارتي ورحت للكليه
رحت وشفتها شنو الاناقه شنو النزاكه انا اريد وحده نفسها ركنت سيارتي ونزلت وسلمت عليها وكعدت وعرفتني على صاحباتها
جميله وانا بعدني مقهوره /شو اليوم بالكليه
عبد العزيزهمزين جنت لابس نظارتي الشمسيه جان فضحتني عيوني /صديقي هنا ومريت عليه شفته بالمحاضره وذكرتج
خلود يالله بنات خلي نروح للمختبر
جميله /اي يالله اعتذر عبد العزيز بس وقت المحاضره
جان حلكها ناعم وحمرتها بدون شعور كتلها انتظرج
جميله /رحت بس ماسمعته شنو كال
خلصت محاضرتي ورجعت شفته بعده كاعد
خلود /ياا شو اقاربج بعده كاعد
جميله /اي يريد نول المراد
خلود /مبروك لو انا ماارفضه
جميله /صدك
عفيفه /بعد شنو تنتظرين سمعي كلامي ولاتخسرين الله عوضج
عبد العزيز /خلصتوا زين ممكن اوصلكم
خلود لا طريقي مو على طريقكم
جميله /الباص راح يجي شكرا
خلود /وهسه على شنو دوخت الراس
جميله بخجل /هم صدك اذا ماعندك شي وتكدر خلي نروح
عبد العزيز وگلبي فاز من الفرح /لا ماعندي شي
رحنه يم السياره وجات سيارته كشخه فتحلي الباب الكدام وانا جنت مقرره اكعد وره
وعلى طول الطريق فاتح اغاني حب وغزل وكلهن صراحه جانت حلوات
وصلنه للبيت نزلت وكلي بالخدمه اذا حاله يوميه اوصلج
جميله /شكرا مايحتاج اتعبك
عبد العزيز /تعبج راحه تدللين
مع السلامه ودخلت للبيت شفت خالتي ام عبد العزيز /هله بعروستنه
شنو اليوم متفقين عليه هي وابنها
جميله /اهلا وسهلا وتعديت
سمعت ماما تكلها بعد مااطول عليكم اليوم باليل ارجعلج خبر
راحت ام عزيز واجتلي ماما تركض
يالله هسه ترديلي خبر
جميله /اريد احاجي الولد
ماما/يعني شنو اكول للمره
جميله /كليلها موافقه وتريد تحجي ويه الولد
ماما /اها
———————
ام عبد العزيز /اهلا وسهلا ام ايه
ام ايه /الحمد لله وافقت جميله بس عدها طلب
تريد تشوف الولد وتحجي وياه تعرفين شباب ويردون يرتبون مستقبلهم
ام عبد العزيز /اي تدللين راح ابلغه وشايفين كل الخير وان شاء الله مانقصر وياكم
ام عبد العزيز /الو يمه عبد العزيز وينك
عبد العزيز /شنو هاي الهوسه يمج يما
ام عبد العزيز /هاي خوانك دا يغنون فرحانين الك جميله وافقت
ماخذتني كعده كملت شغلي ودقيقينين وانا بالبيت
هله يمه شنو هالخبر الحلو وخواني التصفك والغنه هاي بس كالت نعم هجي شيسون بالعرس
ام عبد العزيز /بس البنيه تريد تشوفك مدري شنو هاي الفيكه الجديده
عبد العزيز /ها يمه من هسه
ام عبد العزيز /وشكلت انا بدينه من هسه ابن مرتك صرت
وضحكنه وتونسنه
اجه الصبح وتهندمت ولبست احله هدومي مريت على شغلي شطبته ورحت للكليه
نزلت بس جني واحد مهبول قريت المعوذات وكلت خلي اكون رزن
عبد العزيز /السلام عليكم
جميله ومديت ايدي اسلم
عبد العزيز مد ايده بس حسيته شد عليها هواي
بنات اليوم راح اطلع فعفيه سجلولي المحاضرات
خلود /تدللين
وركبت السياره ويه عبد العزيز نزلت الجامع شفت حكمت كانو عيوني دا تودعه درت راسي ولبست نظارتي الشمسيه ورحنه
