طلع الصباح والنور لاح حكمت شافها اجت
وهي تضحك ويه صاحباتها ومن تمشي ماتاذي الكاع اوي والحجاب وردي بلون الخد
———————-
جميله احجيلي شافج اقارب عفيفه
خلود /اي خيه شفته يشبه عفيفه
عفيفه /ياصباح الله خير شبيها عفيفه
خلود /تخبل -بشري شنو كالو تحظري باجر يجوكم النسوان كلولي اخذ رقم امج
جميله /مبروك ياروحي الله يتممها على خير
يالله نشوفلنه يوم نروح لسوك بس كون مانتاخر لان اذا تاخرنه هالمره بعد مايخليني بابا اجي حتى لجامعه
خلود /خلي نشوف وين تكضي
عفيفه /على خير ان شاء الله
حكمت /صباح الخير دكتورات
صباح الخير
جميله /ممكن احاجيج
خلود /اي استاذ ليش لا
جميله /والله اعتذر مابقه شي على المحاضره
حكمت شاف الساعه /اي والله خليها وره المحاضره
دخلنا المحاضره وجانت انسجه وطويله وممله
وكتب هواي بحيث حتى بالوقت الي بين المحاضرتين التهينه نكتب ومن دوخت المحاظره نسيت حكمت
وبسرعه رحنه للقاعه الثانيه حتى ناخذ المحاضره الثانيه حتى مااكلنه ولاشربنه
وطلعنه وره المحاضره للحقل ورجعت الريحه عيع شفت حكمت واكف باب الكليه معصب لكلك مضيعله سالفه
بس تعديت ولا هتميت ماجني اشوف ليش انا منو حتى اسأل ارتاحينه شويه واجه الباص ورجعنه للبيت حتى مادغديت ميته من التعب
كعدت الساعه ٨باليل
امي /صح النوم تعالي اريد احاجيج
جميله كليلي وانا على الفراش مابيه اكوم
امي /اجولج خطابه
جميله /ذكرت حكمت وكلت هذا اخلي معلك
امي /اجالج عبد العزيز وهو خوش ولد وهو اجهه خطبج ورايح لابوج
جميله /مابيه افكر هسه
امي /يازعطوطه هو مال مابيه
جميله /مدري خلي ارجع انا والله احس روحي تعبانه جنه بيه فلاونزا
امي /يالله نامي
انا مانمت ضليت افكر وراسي راح ينفجر
صار الصبح بدلت ورحت للكليه وتريكت بسرعه حتى لحد يسألني
وصلت للكليه
خلود /باركيلي اتفقوا والخميس مهري
جميله /الف مبروك
وحسيت نفسي دايخه ومامسيطره على روحي كتلها عفيه جيبيلي جاي دايخه كلش حسيت نفسي مخنوكه شربت الجاي بس ماحسيت نفسي مرتاحه
دخلنه الكليه وبدت المحاضرات بس حتى ماكتبت محاضراتي
خلصنه وكفت انتظر الباص شفت حكمت راكب بالسياره وتذكرت من شفت السياره ياا هاي نفسها والله بس حتى ماشافني ولانتبهلي
ركبت الباص وانا افكر شلون اوافق لو لا انتظر بس شنو يعني اخلي على الشحن
نسيت بتول يمته داوم ياربي حتى اسألها على حكمت
وخلص اسبوع وحكمت يجيلي بوقت قريب من المحاضره فحتى مانكدر نسولف هواي واصلاحتى مايكلي ممكن من وقتج
بس مره تاخر الباص وضليت انتظر فتعدى فضليت انتظر هواي مااعرف شلون صدفه هو هم تاخر وشافني واكفه فدار بالفلكه وانتبه انو انا واكفه رجع دار وكف كلي خلي اوصلج لان مااعتقد باصكم يجي مو
جميله /والله مدري خاف بيها احراج
حكمت يااحراج تعالي بسرعه الوكت تاخر
وصلني بس حسيته معصب ولاحجه شي
تدرون ليش لان انا كعدت وره
ستحيت ياناس بحدي وكاعده كدام ثم الدنيا نعار وهو يوصلني للبيت ماحبيت الفكره
وعدت الايام وانا ملتهيه بالدراسه وقتربت الامتحانات
وامي يوميه تكلي شكلتي على عبد العزيز وانا ااخرها واكلها ملتهيه
يتبع
