رجعنه للبيت وره الفر بالسوك والتعب دخلت للبيت لكيت ام عبد العزيز بالبيت
جميله /السلام عليكم
ام عبد /هله بيج خاله شنو محاضراتكم لهذا الوكت
جميله /لاوالله بس صاحبتي عرسها الاحد وعدها شغلات فطلعنه وياها اترخص خاله خلي اغير ملابس
دخلت سبحت وبدلت ملابسي لبست بنطرون مخصر وتشيرت ردان قصيره كلش يعني هذا لبسنه باللبيت ورحت ي
م امي سولفنه وسوينه عشه وام عبد العزيز طلعت ماقبلت تتعشه
ورحت لغرفتي حطيت راسي ونمت وكعدتني اختي
ايه /جميله كعده شجاج اتاخرني اليوم بسرعه بدلت وشفت الباص صارله فتره واكف ينتظرني
وصلنه المحاضره وجانت عدنه اول محاضره مختبر استاذ حكمت
فتحنه الدفاتر ودانبدي نكتب شفت استاذ حكمت يفترعلينه وصل يمي هز راسه وراح
كلت هي هاي ماافكر بعد بي حتى مايهتم ضليت مركزه بالدرس طلعنه من المحاضره صاحلي استاذ حكمت
دكتوره جميله لو سمحتي ممكن من وقتج دقيقه خلود /روحي مبينه هيه
جميله /اندعيلي
رحت يمه كلي ممكن نروح للحديقه
ذكرت انا حتى ماسألت بتول عليه يووو ياربي حتى نسيت هسه هذا اذا يسألني شنو اجاوبه والمن اكول
حكمت /تفضلي هنا دكتوره
جميله /شكرا لان حركلي الكرسي
حكمت /شونج اليوم شلونه جان المختبر
جميله /كلش لطيف
حكمت /بس يرادله هواي تحضير بس انا اعرفج كدها ووكدود
جميله /شكرا استاذ
حكمت /صيحيلي حكمت
جميله /ابتسامه خفيفه لااستاذ مااكدر اجاوز
—————————————-—
حكمت عمري ٣٠سنه اجيت لهاي المحافظه كملت دراستي وتوضفت بنفس المحافظه اجرتلي بيت وحاليا اريد استقر بيها فدا ادور على سكن مناسب اشتري وابدي حياتي حبيت هاي المحافظه مريحه كلش وحلووه
امي اناسنه متعلمه واويه معلم واخواني كلهم كبار ومزوجين ماعدنه بنيه حتى احفادنه ولد
امي ماتقبل تريدني يمها بس انا بعد اخذت قرار تعودت وشفت فتاه احلامي بس يارب تقبل جنت اشوفها يوميه ورده وتتفتح كدامي مو من طبيعتي اجي على وكت للكليه بس خلتني اجي هههههه وخلتني اشرب جاي الصبح واباوع عليها من الشباك وتغيرت خياتي ملها صار عندي واهس
للحياه وحتى بالجنه تفتيش الزي هم وكفت بالرغم مالي علاقه بس حتى اشوف ايديها ياربي شلون ترفه اخخخ يمته تصير حلالي
——————————————
شجعت ورحت حاجيتها بس ماطلعت مني غير اسأل ماتجرأت اسئلها على اي شي
جميله /العفو استاذ صار وقت المحاضره
حكمت /هاااا اي تفضلي بس ممكن اعزمج على غده
جميله /لا عذرا مااكدر استاذ
حكمت /لعد نبقى نحجي هنا
رحت من يمه شنو نبقى نحجي هنا شنو غده شو هذا خذه ميانه زايده
اجه يوم الاحد ورحنه ويه بتول للصالون وطلعت حلوه وفستان امها مرتب وبدلنه واحنه نغني ومتونسين
وصلنه للقاعه وكلمن كعد بمكانه تفاجئت مخليتنه يم الاساتذه
خلود /والله طلعت هالبتول محترمه شوفي ماخلتنه ويه المعازيم
جميله /اي والله بس انا ادور على حكمت
ورحنه يم العروسه وكصينه صور ونزلناه وضلينه نغنيلها وزوجها متونس بس انا كلساع التفت بالكت اشوف حكمت
————————-
حكمت رحت لعرس بتول وشفت جميله بس كعدت بااخير القاعه حتى اباوع براحتي ياربي شلون طالعه حلوه ومكياجها يخبل وشفايفها رمان واظافرهااا ههههههه ماكاصتهن والبدله لنص الساق وعريضه ومبين الحجل وجنها فص كلاص هاي شلون بيه يوم عرسي شراح يصير بيه ومسويه لفت الحجاب طالعه التراجي وشويه من الرقبه شنو هالحسن شنو هالدلال وهي مرشقه روحها ياربي شيصبرني على هاي البنيه شلون دخلت بالي
كلمن كعد بمكانه وزعوا العشه بس انا مااكلت ملتهي انبصص على جميله والاساتذه يحجون بس انا اباوع ضحكتها ومن تاكل اويلي والنزاكه راحت بتول وطلعت من القاعه وطلعن صاحباتها ورجعت مبدله البدله وجميله هم لبست بدله حمرا ضيكه شويه وبيها جاكه من وره مطلعه ساقها كلها ياربي هاي شلون من صير حلالي اله ماخليها تطلع هجي وغيرت تراجيها ولبست حمره طكن على الخدود مدري شلون اوصفها
————————————
