كبرت سراوي وخلصت الاعداديه وجانت موكلش تحب الدراسه بسبب ابوها لان جان مو حازم وياها
جابت معدل دخلها كليه العلوم ماجانت راغبتها بس عادك مو كله بكيفها تونست وفرحت كلش
وسويتلها احلى حفله بمناسبه دخولها الكليه
عبد العزيز /السلام عليكم
سرى /باباتي حياتي هله بيك
جميله /هله باابو سراوي
عبد العزيز /باجر راح يجون عمال للبيت اريد ابني مشتمل بالحديقه الخلفيه
جميله /مشتمل (وذكرت زعلاتي بشتمل اخو )
ليش عيني مشتمل
عبد العزيز سكت وماجاوبها
اجو العمال وكمل المشتمل بحذافيره من اثاث ومستلزمات
——————
طول فتره البناء مايجاوبني ولاكلي
وره ماخلص كال بيت اخوي باعو بيتهم فبعد ماعدنه مشتمل
جميله /مانحتاجه شلنه بي المشتمل وانا اضحك
حسيت اكو سالفه براسها وضل بالي يودي ويجيب
بس تالي كانت المفاجئه
سرى /هلووو ماما
جميله /هلوو ياعزيزتي يالله احجيلي على السريع شنو صار عدكم بالكليه
سرى /وليش العجله
جميله /راح نروح لبيت بيبتج وعما مج
سرى /تمام خلي ابدل
وجان لبس سرى مثل لبسي بشبابي
عبد العزيز /هلو جمول
جميله /جمول ههههههههه
عبد العزيز /تبقين طول عمرج جمول وشبكني وضل يبوس بيه
سرى/احم احم
عبد العزيز /تعالي باباتي تفضلي
سرى /لا خاف ازعجكم
جميله /ههههه لا ماكو ازعاج كملتي تبديل
عبد العزيز /شفتي بتي بسرعه تبدل مو مثل بعض الجماعه
جميله /يالله طلعو خليني اكمل تبديل
سرى /ماما شنو هاي بعدج
عبد العزيز /تعالي سراوي خلي نروح للمشتمل نشوفه ونرجع لماما
راحوا للمشتمل بس رجعت سرى بسرعه وتبجي وسدت باب غرفتها بقوه
رحت ركضت /شبيج ماما سرى فتحي الباب
عبد العزيز شبيها بنتي ليش ضلت تبجي
عبد العزيز /تعالي جميله اكلج قبل لانطلع وحاولي تفهمين سرى
على شنو خوفتني
عبد العزيز /ماادري منين افتحلج الموضوع
سرى /طلعت من الغرفه لا ماتكول موضوع خذيت قراره ومااتراجع ابد كلت لا يعني لا
جميله /شنو الموضوع فهموني
سرى /زوجج
جميله /تادبي
سرى /اي زوجج لان بعد مااحبه واذا اصر على قراره اترك البيت واطلع واروح يم بيت عمتي
عبد العزيز /انطيتج هواي مجال
جميله وضليت بس اسمع عفتهم ورحت كملت تبديلي وخلصت وهمه بعدهم يناقشون بس مااعرفت اصل المشكله
عبد العزيز /جميله تعالي
جميله /تتدلل تفضل ابدي كلامك
سرى /مايبدي مااريد مااريد
جميله /تاخرنه خلي نروح ونرجع
عبد العزيز /الطلعه متعلقه بقرارها
جميله / كعدت على الكرسي وحطيت ايدي على خدي بس اريد اعرف اصل المشكله
وليش سرى ماتريدني اعرف
عبد العزيز /اليوم اريد اروح اودي جوازاتنه ونهاجر من العراق
جميله /شنو
عبد العزيز /خليني اكمل وبنت يريدها ابن عمها بالسويد احنه شنسوي بعد هنا ضالين
جميله /سرى وانت ليش رافضه من الاول عدكم علاقه صداقه ويه بيت عمج
سرى /راح اكول بس سمعوني وماتعصبون علي انا احب شخص دخل بالي واريده
جميله /وهذا الي تردينه ليش ماتقدم
سرى /دا يدرس الماجستير
جميله /ليش هو يشتغل وان فيز مايعرف يسوي شغلتين
سرى /انا كتله تكمل يالله
عبد العزيز /الله الله ولاجني كاعد وانا موديج حتى تحبين
سرى /بابا انت علمتني كلشي احجي وبادب حجيت شي. غلط
عبد العزيزمن طبعه هادء بس هالمره شفت عيونه حمر
دك التلفون /الوو
ام عبد العزيز /هله وليدي تاخرتو
عبدالعزيز /هسه بالطريق دقايق ونكون عدكم
مع السلامه وليدي
عبد العزيز /يالله نكمل نقشانه بالسياره
جميله /اي نقاش واننت وبتك كلمن بقرار ولاجني موجده عبد العزيز سفر ماكو
سرى /يعني ابن عمي ماكو
عبد العزيز /وزواجج من فارس احلامج ماكو
جميله /هذا موضوع ثاني نجحجي بي
وصلنه لبيت اهل عبد العزيز وكلهم موجودين حتى بيت عمهم الي بالسويد هم جاين
سرى /بيبي حياتي شلونج
ام عبد العزيز/حياتج وصارلج شهر ماجايه ياقاسيه
سرى /يابعد عمري حياتي والله دراسه ودوام
ام عبد العزيز/رايدتج بحجايه
سرى /بس لا موضوع حميد (ابن عمها الي بالسويد)
ام عبد العزيز /تعالي وياي
دخلو الغرفه وره فتره طويله طلعت سرى وهي ضايجه ومقهوره
جميله /شبيج ماما سرى
ام عبد العزيز /مابيها اله العافيه
سرى /مابيه شي
تغدينه وخلصنه وصار المغرب كلمن راح لبيته
بالسياره
سرى /بابا انا موافقه على حميد
عبد العزيز /اي هو هذا الحجي الزين وراد يتصل
جميله /لاتتصل هسه خلي افهم شنو الموضوع طابخينه انت وامك وانا وبتي ضحيت خططكم
عبد العزيز وبكل برود / جميله لزمي حدودج
جميله /عبد العزيز كافي بعد ضجت من تدخل اهللك بحياتي
سكتت طول هاي السنين كافي كافي
وصلنه للبيت وبدون شعور رحت للمشتمل عرفت ليش بناه لان جان يخطط لهاي المساله هو وامه من زمان ضليت بالمشتمل حتى بنتي ماخليتها تفوت تعبت من التفكير بنتي تحب خليها تعيش حياتها
وذكرت ايامي بالكليه وتالي يطلع مثل حكمت ماكدر يزعل الماما وعافني
بس هالمره خلص شهر حتى ماشفت عبد العزيز ولااجه يمي ولاصار اي حديث بس سرى تجي بس مااخليها تدخل عافوني وره ظهرهم
عبد العزيز /سرى بابا روحي لاامج وشوفيها
سرى /والله خايفه عليها يابابا ماتقبل تفتح واليوم رحت ماشفت الاضويه مفتوحه ولاسيارتها موجوده
عبد العزيز /خلي اخابرها واشوفها
سرى /اي بابا والله ماادري هجي راح يصير ليش ماكتلها من الاول
عبد العزيز /اعرفها راح تتاخر بالقرار وتدرين بالباقي
سرى /بابا راح تظلمني
علد العزيز /مراح اغصبج اخذي قرارج بالتفكير
عبد العزيز /الووو
جميله /نعم تفضل
عبد العزيز /وينج وين طلعتي
جميله /دقيقه واوصل
عبد العزيز /مو كافي زعل
جميله /لا ومع السلامه
شفت عبد العزيز ينتظرني يم المشتمل نزلت من سيارتي وانا اسوي نفسي مالشرفه فتحت الباب ودخلت وعفت الباب مفتوح دخل وسد الباب
عبد العزيز /يوميه اباوعلج من الشباك واانام حتى تنامين
جميله /شكرا وسويت فضل
عبد العزيز /ليش زعلانه والله احس روحي بلياج مااعرف اشتغل
جميله /هههه اي اشوفك ماطلعت
عبد العزيز /تراقبيني تحبيني
جميله /حب اي نعم بتك ماحبيتها وماحترمت رغبتها
عبد العزيز /اجه الولد وبكل ادب خطبها وانا اعرفه واعرف طموحه وشاغول وحالته فوق الجيده ولي هسه انا مارديتله خبر
جميله /وسرى يمك كل هاي المده اكيد ماقصرت وياها ودخلت الموضوع
عبد العزيز /قبل شوي نتناقش وكتلها ماراح اجبرج اكول عوفينه من سرى شنو هاي الكشخه عيني وين جان الگمر رايح
جميله /ومنو مقدره الگمر
عبد العزيز /شفتي المشتمل شلون حلووو بنيته حتى لاتروحين بعيد عني
جميله /ههههههه
عبد العزيز /المهم ماكتيلي وين جنتي رايحه
جميله /رحت شفت صاحباتي والتمينه وكعدنه سولفنه واتفقنه على سفره لتركيا
عبد العزيز /سفره
جميله /نعم سفره وسرى راح تروح وياي فااريد جوازاتنه
عبد العزيز /وتعوفوني
جميله /لا راح اخليك يم امك واكعد وياها واشبع سوالف وسويلك بعد جم خطه
سرى /هله هله الظاهر زعلانين علي وانا شنو مخليني هناك
عبد العزيز /اي تحظري امج تريد تاخذ لتركيا
سرى /يمته ماما
جميله /الاسبوع الجاي
سرى /لا عندي امتحانات
جميله /اااجلها
سرى /لا ماما روحي انت وبابا انا اروح يم بيبي
عبد العزيز /لاعيني تريد تروح ويه صاحباتها
سرى /لعد توكلي وبابا احطه بعيوني
جميله /معدله مثل امج
عبد العزيز /يالله تعالي ويانه
جميله /يعني هجي راضيتني
عبد العزيز /لابعدني خلي نرجع وارويج معنى الرضا
سرى /عيني عيني. بابا انا رايحه يم بيبي
جميله /اريدج قبل لاترحين
عبد العزيز /راح اطلع للمكتب شويه وارجع
الله وياك لااتاخر
جميله /سرى شنو حاجتج بيبتج وگلبت عقلج
سرى /قنعتني
جميله وحبج واحلامج
سرى /هم عندي ميول لاابن عمي
جميله /والله سرها باتع بيبتج
