رحت لغرفتي وهليت راسي على المخده وتمن ماكعدت اله. الساعه ١١يااا وين انا شمنومني لهجي ساعه
ايه /جمول كومي عبد العزيز يريدج
جميله /اهاا هسه اروح انا عبالي بالتلفون رحت للميز مال التلفون حتى وجهي مامغسلته
واتفاجىء بي كاعد يم امي
جميله 😲
عبد العزيز /الحلو حلو حتى لو يكعد من النوم
ايه تاشرلي من بعيد تعالي تعالي
وانا احتاريت ايقه وله اروح شنو هاي
جميله /العفو عبالي دا تتصل اترخص خلي اغير ملابسي واجي
عبد العزيز لا لا انا هسه رايح
امي اخليكم بحدكم
عبد العزيز /تعالي يمي جمول شوفي شنو جبتلج
جميله ضليت واكفه بمكاني لااتحرك جرني من ايدي وكعدني
عبد العزيز /والله تخبلين
شعرها نازل على عيونها وبجامتها مخصره جسمها وطالعه كل انوثتها جنها بنيه صغيره كاعده من النوم والحلك وركبتها بيها اثر عظه شمسوي بيها انا خطيه ترفه ماتتحمل
جميله /جريت ايدي وكتله بس خلي غسل وجهي
ورحت للحمام غسلت وباوعت شكلي بالرايه الوجه منعس والحاله يرثى لها كمت بدلت ملابسي وعدلت نفسي وتعطرت وطلعت
عبد العزيز /والله تجنين
تفضلي هاي الهديه لان اليوم عيد ميلادي فجتلج هديه
جميله /عيد ميلادك وتجيبلي هديه هههههههه
عبد العزيز /هاي حتى اذكرج
جميله /والله اسفه
عبد العزيز خليت ايدي على حلكه ولفيت ايدي على خصرها وخليتها على حضني على شنو الاسف حب البارحه سويتلي كعده ملوكي
حاولت افك ايده من على خصري ماكدرت
عبد العزيز /شبيج خايفه
جميله /اذيتني
عبد العزيز /لعد شسوي هاي كله من نار گلبي
اليوم العصر نروح للبتنه كملو شغل حتى نبدي نختار الاثاث
جميله /تدلل بس فكني عورتني
عبد العزيز /يالله ماتجين وياي نروح نتغده
جميله /لا حبيبي عندي شغل ثم لي هسه ماشفت الجنط شنو بيهن
وراح عبد العزيزورحنه انا واختي وماما فتحنه الجنط كله جايبلي فساتين واحد احلى من الثاني
اتصل عبد العزيز /الو جميله
جميله /هلوو عيني
عبد العزيز /كولي حبيبي مثل مساع عفيه
جميله /نعم عزيزي تفضل
عبد العزيز /راح يجيلكم هسه اخويه ويا جنطه فتحيها ويارب تعجبج
جميله /والله دا تخجلني كلش شكرا
عبد العزيز/صدك شو انا نسيت انطيج مصرف
جميله /لا شكرا مامحتاجه
عبد العزيز /الله كريم نلتقي العصر
ندك الباب ودخل اخو عبد العزيز الجنطه فتحتها ولكيت بدله بيضه مالت العرس بس شنو من بدله ملوووووووكي تحفه
ايه /يابختج الله يهنيج
ماما /ودمعتها بعيونها الله يحفظج انت سهله يابنيتي
جميله /لاتبجيني
والتهيت اكدر الملابس واشوف الشغلات
ايه /جميله شنو هذا الباكيت
جميله /ياا تدرين جايبلي هديه لان اليوم عيد ميلاده بس حتى يذكرني هههههههه
فتحتها وبيها محبس مكتوب عليه اسمي وبي كله زمرد احمر
اجه العصر وطبعا كل العاده بقى ينتظر علما اخلص لبسي وكلساع اسمع صوته يصيحلي
عبد العزيز لماما /عمه خلي اروحلها لغرفتها
ماما /لاعيني حد للاستقبال
عبد العزيز /خلي اصيحها ماتخلص بسرعه خلي اشوفها شدا تسوي
طلعت وانا بكامل اناقتي وعطري يشتمه سابع جار
ومسويه حجابي توربان وتنورتي عريضه ومنفوشه وقميص وستره والستره ردانه قصيره
والتراجي طالعات ولبست المحبس الي جابه الي وكلاده سلاسل طويله
عبد العزيز /يابه شدعوه خلي شويه للعيد للعرس
جميله /حلووو
عبد العزيز /قل هو الله احد
ماما/يحفظكم الرحمن ويبعد عنكم كل عين
طلعنه وركبنه السياره وعبد العزيز بدت تتغير ملامحه وعصب انا مو كتلج ديري بالج على لبسج شنو هذا الي لابسته
جميله وبهدوء /هذا لبسي حبيبي انت حبتني لان هذا شكلي
عبد العزيز /اخاف عليج والله
جميله /سبع زلم انا
عبد العزيز/شلونك اخويه
وشويه هدء وصلنه لبيتنه ودخلنه كلشي مخلص حتى الاثاث وحتى المطبخ ومنظف
كتله تكول بس الاثاث
عبد العزيز /خاف مايعجبج
جميله /كلش لطيف بس يحتاجله بعض اللمسات
وسمعت عبد العزيز سد الباب وقفله
انا كلش خفت وصرت ارجف رحت للمطبخ بسرعه اريد اشرب ماي
عبد العزيز شنو عندج بالمطبخ تعالي اراويج غرفه النوم
جميله /لا خليها مفاجئه عفيه
عبد العزيز شبيج خايفه ستوج تكولين سبع زلم
وهو يجرني وصلنه للغرفه فتح الباب وشفتها بس ماخطيت خطوه حس عليه عبد العزيز وكلي تعالي اراويج الصاله والحمام وتمشينه بالبيت هوحلو وجبير مو مثل ماكلي صغير لا حلو ومرتب
عبد العزيز /حسينها مرتبكه واصلا ماشافت شي كتلها يالله نطلع
جميله /اي يالله
سديت الكهرباء وقفلت الباب ونطيتها المفتاح وكتلها باجر تعالي وشوفي على راحتج انت وامي
وامج
جميله /لا كلشي بي حلو
عبد العزيز /اخذي وباجر تعالي
ورحنه للمكتب مالته وتالي رحنه للمكتبه نختار كارتات العرس
جميله /عبد العزيز شويه خلي بعد مو هسه الزواج
عبد العزيز /اي طبعا مو هسه لان عندي هواي التزامات فبشهر ١٠يناسبج
دنكت راسي وماجاوبت
بس اختارينه الكارتات واتفقنه على الموديل
وكتله عفيه رجعني للبيت مااعرف احس روحي تعبانه
عبد العزيز /شبيج حبي وهو يبوس ايدي
جميله /اهتقد فلاونزا
بس انا حسيت بيها من دخلنه لبيتنه هي وجها صار اصفر وضلت تعرك هواي
وصلت لبتهم جميله /تفضل ادخل
عبد العزيز /لا حب عندي جم شغله اخلصهن
دخلت للبيت وانا رحت وافكر بيها كملت شغلي بالمكتب ورجعت للبيت خابرت عليها طلعتلي اختها كلتلي نامت شفت الساعه ب١٢ كالت خلي اكعدها كتلها الوقت متاخر
وعدت الايام ورحت انا وياها استلمت نتيجتها وجانت ناجحه وانا فرحتلها كلش وكتلها خلي نروح لسوك نفتر يتحبها لسوك واختياراتها متناسقه بس صعبه كلش
بس تشتري بحساب وبدقه وماتبذر ابدا وصلنه يم المكياج كتلها انا لااحب المكياج ولااطيقه
جميله /لازم تحبه ههههههه
عبد العزيز /روحي انت واختج واشتري تمام
جميله /جنك تعبت بس انا منو مايتعب وياي بالسوك كلش ممله واطول وصعب اقتنع بالاشياءبس هو ماحجه وذوقنه متقارب والحمد لله
اجه شهر العاشر وانا اخرت العرس لل١كتله مااحب الحر بس انا جنت خايفه بس هو مايعترض
واجه شعر ١وحجزالقاعه
رحت للكليه وعزمت صاحباتي وسويت بطاقه خاصه للحكمت وديتها شخصيا كان بناتنه بس النظرات العتب
وكتله حابه اشوف زوجتك وياك
وصار يوم الحنه وسوينه حفله بالبيت وتنونسنه ولبست البدلات وحده احلى من الثانيه
واجه اليوم الموعود ورحت لصالون وصديقاتي وركصنه وهوسنه لعبنه جوله
واجه خذاني بسيارته وهو طالع ماشاء الله
واخذنه صور ورجعني لبيت اهلي وتالي اجت الزفه وللقاعه
هناك بدت الاغاني والحركات بس هو مامقتنع باللقاعه مختلطه فجان مو كلش يخليني اكوم ويه صاحباتي
وانا دا اسولف شفت حكمت وياه بنيه كلش حلووه وانيقه اتقربو من عدنه وسلم حكمت على عبد العزيز وباركله على العرس وسلم عليه وعيونه وعيوني غركانات وجان هذا قصدي من العرس يكون مختلط حتى يجي ويشوفني بدلت العرس واقهره
رحت لغرفه تبديل الملابس وبدلت بدلتي شفت عليه فتحتها بيها عقد ليلو وكارت مكتوب عليه الولو خلق لك ومكتوب من عائله الاستاذ حكمت
بدلت بدلتي ولبست العقد من طلعت شفت صديقاتي مسوياتلي دخله مميزه وجانت وياهم زوجت استاذ حكمت واتفاجء شفت حكمت واكف يم عبد العزيز مثل ماجان منتظر يشوفني ويشوف العقد ايتسم ابتسامه عريضه وراح
وعبد العزيز /شنو هذا العقد شلون حلو يمته اشتريتي نسيت اهديلج هجي عقد حلو عليج اليلو
وانا بدي يسكت او يحجي على العقد ويكول مو حلو حتى انزعه حسيته خنكني
صاو وقت الزفه
