وره يومين من زواج سرى سافرت شهر عسل هي وزوجها وصلناها للمطار ابوها تعب كلش رجعنه للبيت
جميله /عبد العزيز باجر نروح نسوي تحاليل جديده وضعك ماعاجبني
عبد العزيز /جميله سدي الضوه والباب وخليني انام
جميله والله كتلني بهدوءه
ومرت الايام وهي حالته سوء بس هو مكابر واتفقت ويه سرى تبقى بالبنان علما اجيب ابوها حتى يسوي تحاليله
وبعد فتره سافرنا للبنان وسويتله تحاليل طلع ضغطه كلش مامستقر ويحتاج راحه
فقررنا نبقى وبقينه لمده شهر
بس سرى وحميد رجعوا لان كليتها بدت وحميد لازم يرجع لسويد
تحسنت حالته شويه ورجعنه للعراق
سرى /اهلا اهلا ياعرسان
عبد العزيز /ههههههههه
جميله /اي مع وقف التنفيذ
عبد العزيز /شكرا ست جميله
حسيت بدوخه مو طبيعيه وحسيت جسمي يرجف من البرد
بس مابينت خفت عليهم يلتهون بيه والصراحه كلما استفر وارجع يسير بيه هجي الظاهر من الطياره
وصلنه لبيتنه الله ياريحته وياهدوءه رحت لغرفتي بدلت هدومي ونمت نومه عميقه
استقرت الاوضاع ومرت الايام وخلصت سرى الكليه وطبعا صار عدها بنوته حلووه وضلينه انا وعبد العزيز بحدنه
مانحجي هواي بس من تخابر سوى ونحجي ويه جنه بتها
ضلينه نروح الها كلما تسمح ضروفنه او هجي تجي
عبد العزيز /ليش مانروح يم بتنه واحفادنه
جميله /مااكدر مامتعلمه على حياتهم
عبد العزيز /خذه الجوازات وراح ورجع كال يومين ونسافر
حسيت هاي المره راح نروح بس مانرجع لان هو صمم حسبت حساب الغياب وقفلنه بابنا ورحنا بس بعد فتره كلش وضع عبد العزيز تخربط وماحب يضل فقرر نرجع
رجعنه وهنا بدت حالته كلش كلش تدهور حد ماخسرته ضليت عايشه على ذكراه اذكره بكل دقيقه ولحظه ومااكدر انسى دلاله الي حتى مرضى جان سهل ماححسسني يوم هو مريض
الله يرحمك ياعبد العزيز وامي توفت فمابقه شي عندي هنا
سوى اصرت علي اجي واعيش يمها فسافرت واستقريت هناك التقيت باصدباء جدد وجنه نروح ندوات ولقاءات واجتماعات ثقافيه
افتقدت عبد العزيز هواي رجعت للعراق ازور اهلي واخواني
بس رجعت رحت زرت قبره وضليت ابجي حد مااغمي عليه مانسيته ولا لحظه احس طيفه وياي بكل مكان
صار بيه سكر من ورى هاي الزياره حبيت عمري يخلص واروح يمه اشتاقيتله هواي
اجت سرى للعراق واصرت ارجع وياها كالت ماارتاح اذا بقيت بحدي هنا رجعت وياها حبيت جهالها وجانوا كل حياتي كملت دراستها واخذت حتى الدكتوراه وتوظفت وصارت سيده اعمال واله اسمها
كيروا جهاله وكبرنا وياهم
سرى /ماما اشوفج مو على بعضج
جميله /اي ياماما اريد ارجع للعراق مابيه بعد على الغربه واولادج وبنوتج كبروا ماتحتاجوني
ضلت تبجي وتتوسل بس بعد انا ماتحمل من المطار رحت ازور قبر عبد العزيز حسيت نفسي محتاجتله اكثر من الاول لكن هذا القدر
كلما ارجع من قبره اكون منهاره وتعبانه
ضلت سرى بتواصل وياي وكل شهر تجي قنعتها وكتلها بت خالتج تجي يمي لايضل بالج قنعت بت ايه تجي وتكعد بالمشتمل يمي واجت هي وزوجها يمي تمر علي وداريني
ضليت ادرس بالكليه تحت اسم دكتور مشرف
وضليت ويه صاحباتي نطلع ونسوي جمعيات انسانيه
وبلحظه حسيت محتاجه بنتي حجزت ورحت يم بنتي وضليت مااعرف انام اله هي يمي وقررت استقر بس جان حنيني لعبد العزيز يجرني بس مااكدر اعرف بناي وهي بعز نجاحها وزوجها حنون مثل عمه ولطيف بس ماجانت تخلو حياتهم من المشاكل لان جانت مشغوله بنجاحاتها
وجنت دائما اسولف ويه رجلها
حبيت الحياه بالسويد وجانت عندي علاقات ويه الجاليه العراقيه
بعد كبرت كلش وخفت اموت مو يخلوني يم عبد العزيز فرجعت للعراق
وضليت معتكفه بالبيت لا اطلع ولااروح
كبرت وازدت ايامي وضل بس الحنين كدامي
اشتهي اشم عطره
نجح بحثي الي سويته وبعد ٤٠سنه ودعوني لعده مناسبات
تمنيت وكتها عبد العزيز يمي
سرى /بعد ملل امي وتعبها توفت وعافتني وحيده لاام ولااب رجعت للعراق بس ردت اتخبل ريحتهم بكل مكان رجعت لسويد وهناك استقريت
وخلصت حكايتنه
و
