كعدت الصبح وبدلت وتريكت ورحت للامتحان اول يوم امتحان ومرتبكه وخايفه مااحب اخسر اي تحدي بحياتي وتذكرون من كال حكمت انت كدها وكدود
دخلنه قاع الامتحان اوي ياربي شلون بيه حيل خايفه
وبتول اجت اول يوم امتحان من شفتها ذكرت حكمت ياربي اهووو وهذا لازم هم افكر بي
وامتحان وره امتحان وهوسه وتفكير واحس روحي قلقه كلش
بس طول هاي المده ماشفت حكمت وضل بالي يمه
بتول /دريتوا استاذ حكمت خطيه امه توفت وباقي هناك
جميله /يااا الله يرحمها
خطيه انقهرت حيل بس همزين جانت اخر يوم امتحان وضليت محتاره عليه العطله كلها ماصدكت خلصت العطله حتى اارووح واشوفه
رجعنه لدوام
خلود /هلووو بنات
بتول /هلوو ابشركم انا حامل
احنه الف مبروك حبيبتي
جميله ويني وين الحمل لبست الحجاب اسود وخليتلي بروش اسود وصبغت اضافري اسود ماغير حزنانه هههههه
شفته وجان مخلي لحيته ومامزين ومبهذل
جميله /بنات خلي نروح نعزي استاذ حكمت
خلود / يالله اكيد عن عليج
جميله /هههههههه
حكمت كاعد بالمكتب
دكينه الباب وكتلهم دخلو اول وانا اخير وحده
دخلن البنات وكلمن كعدت على كرسي فمن دخلت
فبقيت واكفه
حكمت /تفضلي هنا دكتوره
خلود /البقيه بحياتك واخر الاحزان ولو جنه نندل مكان بيتكم جان اجينه
حكمت /جان شرفتونه بس بقهر وبضوجه
كعدنه وسولفوا البنات هواي بس انا جنت بس اراقبه لان هو تقريبا منطيني ظهره لان كعدت وره الميز بمكانه فهو واكف بصف الميز بجانبي
طلعوا البنات وكمت وياهم وصلت للباب كال دكتوره
خلود تفضل استاذ
حكمت /لا عفو اريد دكتوره جميله
انا مالتفتت وكلت يارب وصلت للمكتب
طلعوا البنات وكعدت بكرسي اشرلي عليه وطلب من العامل يسويلنه جاي كلي اليوم ماشربتي جاي شعجب فدرت على الشباك كلت هذا يراقبنه منا
جميله /نعم التهينه بسوالف العطله
حكمت /اثر بيه وفات الوالده هواي
وكام وكعد بكرسي مقابيلي
ودنك وصتني الوالده ازوج بنت خالي بس انا تعبان ومااريدها شنو رائيج
جميله /وبصوتي غصه وقهر وحزن الله يرحمها الوالده ويغفر ذنوبها
وسكتت وضلت عيوني تلمع ومااعرف مادنكت وشفت عيونه هو هم تدمع
جميله /استاذن استاذ صار وقت المحاضره
حكمت /ليش الوقت بسرعه يخلص
دخل صادق /العفو قاطعتكم
جميله /لا استاذ بس اجيت اعزي بوالدته ورحت
دخلت الحمام وبجيت وبجيت
خلود /هاي وين راحت جميله
عفيفه /خلي نسوي روحنه متعدين على المختبر ونشوفهم
خلود /خوش فكره
رحنه وماشفنه جميله ياربي وين راحت هاي البنيه خلي نروح لغرفه الطالبات ماشفناها رحنه للحمام سمعنه وحده تبجي حيل
خلود/جميله جميله
جميله /هاي انا دقيقه بصوت عصبي ومنهار
كملت محاضراتي بعيون حمره ومليانه دموع
ورجعت للبيت
امي /حبيتي شبيج
جميله /عندي درجه موزينه وضجت لان جنت زينه بيها
امي /تعالي اكلي
جميله /مااريد
غيرت ملابس وتمددت على فراشي وبس ابجي
ايه /ها حبيبتي عافج
جميله /منو هذا
ايه /الي تحبينه وتردينه وهاي العيون الغركانه دموع ماكو احد يستاهل وشبكتني وضليت بس ابجي
ماما /بنيتي حبيبتي لاتزعلين باجر تحصلين الي احسن منه
جميله /منين جبتو هاي المعلومات
ماما /قابل مخليج بكيفج ومرتين وسياره نفس السياره تجيبج
جميله 😲😭
خلوني بحدي ونمت كعدت الصبح كتلهم مااروح اليوم للكليه خلوني ارتاح
ايه احنه طالعين ديري بالج على البيت
جميله /تمام
وعدت اسبوع وانا مارحت للكليه
ورجع انطرح موضوع عبد العزيز وانا بديت اميل لهذا الكلام بس اريد انسه
وسولنه سفره العائله كلها والاقارب وحتى بيت عبد العزيز واعتقد متفقين ههههههه
كاعده يم البنات وسوالف جان يجون يمنه الشباب كلولنه منو تعرف تلعب طاولي
جميله /انا وخلي اشوف منو منكم يغلبني
الشباب /عبد العزيز ملك الطاولي
عبد العزيز /منو هاي الي تريد تغلبني
وبدينه نلعب وتونسنه وانغلبت مرتين يافشله
كتلهم خلاص خلي اروح اتمشه حتى انسه
كمت وكامن البنات والشباب واريد اعبر الشارع جان اشوف عبد العزيز وراي بالضبط ويغني يتبغدد علينه واحنه من بغداد
وره ماخلص الاسبوع رجعت لدوام وكلت يالله وكشخت ذيج الكشخه ولبست حذاء عالي وتنوره بيها كصر وبيها جاكه وحجاب على بنفسجي والمكياج كانو رايحه لعرس
وصلت للكليه كتلهم خلي نغير مكانه خلي نروح بالصفحه الثانيه نكعد وبطلت اشرب جاي
واحنه كاعدين ودا نسولف اجه العاامل وجاب باكيت بي كيك وكال
العامل / هذا كيك خطوبه استاذ حكمت
خلود /اي شكرا
بتول /ماحبينه نكلج
عفيفه /لا هي كدها وكدود
بتول /هو خطب من ذاك الاسبوع ليش هسه يالله اذكر يجيب الكيك
جميله /ههههه والدموع بعيوني اي مو هاي حصتي
وكمت بسرعه ومشيت وركضت وراي خلود كتلها عفيه حبيبتي خليني بحدي
ورحت يم باب غرفته اريد ادخل تالي تراجغت انا حتى احاجي اخته امه خطيبته حتى هو ماكلي احبج ولاتمسك بيه
رجعت وكعدت يم البنات وكتلهم محد يمد ايده على الكيك هاي حصتي وانا ابجي بحركه
كملت اليوم ورجعت
