جميله /عبد العزيز سويت الي براسك ولا جني امها وعندي راي
عبد العزيز /كولي يالله ياعمري
جميله /كايلين يالله على شنو مستعجلين خلي تخلص دراستها وتزوج منو كال لاتزوج
عبد العزيز /انت مو خلصتي دراستج وره مازوجتي
جميله /انا وضعي غير انت ماتريد تسافر وتخليني
هاي حميد يزوج وره اسبوع يسافر شلون تتعلق بيه ويبقه رجل هنا ورجل هناك
والله خلص عمري وانا اشرح وهو الي براسه براسه
عبد العزيز /ماكو احد براسي غيرج
جميله /همزين هبالي اكو والله
مرت الايام وزوجت سرى وسويتلها حفله جبيره كلش واجو صاحباتها وتونست ماخليت شي ماسويتلها
بس جان وضع عبد العزيز ابدا ماعاجبني واحس صحته مو زينه احتاريت شلون اقنعه نسافر ونسوي تحاليل
يوم عرس بنته كلش جان مو على بعظه وحسيته مقهور كلش شلون راح تبعد عنه وانا احاول الهي بالطلبات واشاقه وياه بس هو كلش تعبان وبس تجي بنته يمه يشبكها ويبجي ذكرت بابا من تزوجت حيل تاذى
حميد /هلوو خاله
جميله /هله بيك وليدي
حميد /اذا امكن احاجيج بحدنه
جميله /طبعا وين تحب نكعد
حميد خليها بالاستقبال
جميله /تدلل
حميد /خاله اعرف انت موكلش قابله على زواجنه بس صدكيني انا احب سرى وراح ادللها مثل ماجانت هنا وراح احاول على كد مااكدر اكون موجود يمها هنا علما تخلص دراستها وهسه اريد اسمع موافقتج
جميله /هسه جاي تطلب موافقتي
حميد /صحيح تااخرت هواي
جميله /الله يهنيكم ياابني
حميد وكمت بستها على راسها وكتلها شكرا ياامي
من كلي ياامي حسيت ارتاحيتله الله يسعدهم ويهنيهم
طلعت سرى مثل القمر ماشاء الله ونازكه وحلوه وراحوا لبيتهم وضلينه انا وابوها نشوفهم من الشباك الى طفوا الضوه حظنت عبد العزيز وانا اجي وحسيت دمعه احر من دمعتي نزلت على خدي وضلينه طول الليل بس نبجي بس هاي نهايه كل بنيه
صار الصبح ههههه واجت سرى كعدتنه انا وابوها ولاجنها عروسه
سرى /كوموا عرسان لي هسه نايمين وفتحت الشباك وهي تبوسنه وتحضنه واحنه ماصدكنه اجت
جميله /ماما ليش اجيتي وعفتي حميد
سرى /لا ماعفته جبته وياي هو بره بالاستقبال حتى سويلنه ريوك
عبد العزيز /ولج بابا انت عروسه عيب
سرى بخجل /هجي جنت سوي باامي
جميله وانا دا احضر ملابسي وين اكو مثل ابوج بالحركات بس هسه كبر وخرب
عبد العزيز /سرى روحي يم رجلج خلي اعلم امج الحركات
سرى رايحه بس مو تتاخرون
جميله /تعاي تعاي ترى تعب من الحجي ابقي ديري بالج عليه
عبد العزير /هههههههههه
وضحك وهو مرتاح
جميله /سرى تعالي وياي
عبد العزيز /طمنيني وياج
سرى /طمن بابا
عبد العزيز /ولج استحي
رحت ويه سرى وانا اسألها شنو صار وشنو وشنو
والحمد لله كلشي تمام
