خلود /يالله نجمع بالمطار
جميله /اجي عليج
خلود /لا زوجي يوديني
جميله /يالله باي
حظرت جنطي ووصلني عبد العزيز لامطار بس حسيته متوتر ومرتبك
جميله /عبد العزيز اكيد انت زين والله مااروح صدكني
عبد العزيز /حبيبتي الله وياج تونسي ولاتنسيني
جميله /اكو واحد ينسه عمره
دخلنه المطار وكمل اجرا ءات الدخول لطياره ودعني وراح بس انا مامرتاحه حسيته تعبان وكبران
ركبنه الطياره وجانت السفره ممتعه يوميه احاجي سرى واوضيها على باباتها
رجعت وانا متلهفه لعبد العزيز اجت سرى خذتني من المطار وانا متعجبه اسألها عن ابوها تكلي مشغول دخلت البيت ولكيت خالتي ام عبد العزيز كاعده على حرسي الصلاه تبجي وتندعي
اول مادخلت صحتله عبد العزيز عبد العزيز
رحت لغرفتنه لكيته متمدد ونايم واخوانه يمه
حسيت الدنيا فترت بيه وماحسيت بشي بعد فنحت عيني وانا بالمستشفى وامي تقره علي ادعيه وهي تعبانه ووجها شاحب
جميله /عبد العزيز
ماما /موجود هسه طلعين وترحين يمه
سرى /دكتور طمنه
الدكتور /مجرد تعب وهاي مقويات وتكدرون طلعونها
جميله /يالله وديني سرى خلي اشوف ابوج
سرى /حاضر يانظر عيني
ماما /خليج اليوم ترتاحين يااحبيبتي
جميله /لا اطلع
وصلنه للبيت ورحت بسرعه على غرفتنه دنكت عليه
جميله /بيه ولابيك شبيك
عبد العزيز /شوفي روحتج سوت بيه لاتخليني بعد
جميله /انت كبرت
سرى /ماما خلي ابدلج اليوم تعبت لاترجعين تتخربطين
عبد العزيز /شبيها امج مثل الورده مفتحه
مادره شصار بيه
خذتني سرى ودخلنه لغرفتها
جميله /شبي ابوج
سرى /هسه رتاحي وتالي احجي
جميله /احجيلي لااضل اكثر واتخربط
سرى /دخل بمشروع جديد بس خسر وجانت خساره عظيمه
جميله /يابعد عمري
سرى /هالكد تحبينه
جميله /هذا روحي ونظر عيني
خذيتوا لدكتور
سرى /ماقبل يروح بس جابوله دكتور للبيت وكال عنده هبوط بالضغط
جميله /بحيل الله من الصبح اقنعه يروح لدكتور
سرى /ان شاء الله ماما هواي اشتاقيتلج
جميله /ويمته صارت هاي السالفه
دخلت ام عبد العزيز /من يوم رحتي وعفتي
بيبي /ماما تعبانه
ام عبد العزيز /اعتذر ست سرى
جميله /ان شاء الله يتحسن ويكوم على حيله
ام عبد العزيز /سرى طلعي شويه اريد احاجي امج
سرى /حاضر بيبي تدللين
جميله /تفضلي خاله
ام عبد العزيز /شفتي يابنيتي رجلج وبيتج وانت مالكم غيرنه والنا غيركم لاتفرقين الاخوان
جميله /ان شاء الله خاله وسرى بنيتي انسانه عاقله وتفتهم
ام عبد العزيز /ادري بيها بس ماصير الامور وتمشي عدل اله بموافقتج
جميله /بس خلي نخلص هاي المحنه وتددلين
سمعت صوت عبد العزيز صاحلي
جميله /نعم ياعمري
عبد العزيز /الله يسلم عمرج اشتاقيتلج حيل
جميله /وكتك ياشيبوب
عبد العزيز /راح افوتها الج لان مابيه اتحرك
تعالي كعدي يمي و
جميله /تدلل
عبد العزيز /خسرت هواي
جميله كله يتعوض مدام انت سالم
عبد العزيز/تسلم عيونج شلونها تركيا بدوني
شبكته وكتله مابيها طعم
عبد العزيز /حيل تعبان
جميله /ههههههه كلش مابيها مجال لصبح
عبد العزيز سديلنه الضوه وتعالي
كعدنه الصبح بدلنه ورحت انا وعبد العزيز للمستشفى سويلنه تحاليل بين علينه الكبر بس هو حتى ماساق السياره وكله متمدد بالسياره ومايحجي اله كلمات بسيطه
والعصر رحنه لدكتور وطمنه الدكتور وكال مجرد تعب وارهاق ولازم تنتبهون لان هاي بدايه الخطر
جميله /راح اعزمك على كهوه
وخذيته للمطعم الي اول مره التقينه بي وذكرنه ايام زمان
عبد العزيز /شنو كلتلج سرى على ابن عمها حميد
جميله /ان شاء الله خير
كملنه الگهوه ورجعنه للبيت
وبعد كم يوم
سرى /ماما انا موافقه
جميله /اكيد وحبج الي بالكليه
سرى /هاي حجه جنت اريد اخلي بابا يبعد الفكره
جميله /المهم انت مقتنعه بي
سرى /الحمد لله
جميله /بس انا مااكدر اسافر وياج ولااكدر اعيش هناك تدرين امي وخواتي مااكدر اعوفهم وانا امرلج كلما اكدر
سرى / الله كريم ومنا للزواج
عبد العزيز /صباح الخير
سرى وجميله /صباح النور
جميله /شلونك اليوم شخبارك
عبد العزيز /زين من اشوفكم اتحسن هواي
جميله /عبد العزيز يمته نرجع خبر لاابو حميد
عبد العزيز /هذا قرارج الاكيد
سرى هزت راسها اي
عبد العزيز /العصر اخابرهم بس ترى هو مستعجل خطوبه وعرس
جميله /ادري خليها خطوبه وتالي العرس يمته مايصير وين الحك اجهزها
عبد العزيز /خلي نرجع خبر وهمه بعد يتفقون
سرى /بابا يصير اليوم يجي حميد اريد اطلع وياه
جميله /هههههههه
عبد العزيز /اذكرتي نفس الشي امج سوتلي وانطتني شروطها وانا بدون شعور قبلت بكلشي
جميله /لان شروطي كلها مقبوله
عبد العزيز /كليله بابا هذا بيته
سرى بست بابا وطلعت
——————————
سرى هلووو حبايبي انا سرى عبد العزيز طالبه جامعيه احب عائلتي هواي مدلله البابا مايرفضلي طلب حبيت حميد من انا صغيره وجانت بناتنه علاقه صداقه قويه ومن سافروا ظلت علاقتنه وهواي جنه نطلع سوه
ماما جانت حاسه بالموضوع بس ماتبين
لان مو هالكد جانت تحب حميد واهله تحسهم متكبرين بس انا كتلها مقتنعه
كعدنه وسولفنه انا وحميد. كتله اكمل دراستي وتالي نزوج بس طبعا بيبي ماقبلت وكالت تزوجين هسه وماكو تاخير فقترح بابا نزوج ونسكن بالمشتمل لان ماما جانت رافضه الفكره كلش فماقبلت نسكن وياهم بس بابا انطه الحل الوسط
هههههه خليتهم مايزعلون هسه امي وين تروح من تزعل
