جنت انا ماحابه يصير عندي اطفال فجنت اشرب مانع بدون احد يدرب وضليت على هاي السالفه لحد ماتخرجت
بهاي السنه صارت مصيبه وصلت بيني وبين عبد العزيز للانفصال لولا امي وخالتي ام عبد العزيز
وره مااعرف اني اشرب حبوب منع الحمل
بس ماوداني لهلي طبعا وداني بيت اخو عدهم مشتمل سوه حتى ياجرو كعدني هناك لمده شهرين مايجي حتى يسال بس امه تجي علما خلصت هاي السنه بس بحفله التخرج اجه وياي بس ماحجه ولاحجايه ولاكلمه ورجعني لبيت اخو وضلت هاي الحاله مثل ماكتلكم لسهرين استلمت نتيجه
وره ماشافت امي طول الزعل دخلت وبالكوه اقتنعنا انو نرجع وطبعا رجعني بشرط انو ماادوام وظيفه
قنعتني امي ورجعت بس مو مثل الاول هم ضليت مده يالله وجع يحاجيني ضل مايجي للبيت اله باليل وجنت ابدل واتحضر بس جان مايشوفني
———————-
عبد العزيز /مااغفرلها الي سوته ليش حرمتني من الجهال وانا جنت اتمنى جاهل كتلها انا اخليج تكملين بس هي انانيه حبت بس روحها
وديتها مشتمل بيت اخوي حتى مااريد احد ياثر عليها وترجع لعقلها
بس مانسيت عيد ميلادها وديتلها احلى بدله وعقد مكتوب عليه اسمي
وبهاي الشهرين زوج اخوي وسوو فقرات بالعرس ندخل انا وياها وجانت لابس بدله بس الله يعلم شلون طالعه حلوه ومرتبه وعيون الناس عليها ولابسه العقد الي جبته الها بس مافاد جان گلبي كلش ياذيني وماتقبلها غلطتها ماتغتفر رجعتلها لمشتمل بيت اخويه
سمحتلها طلع براحتها بس ماتوصل لبيتنه
دزلي استاذ حكمت دعوه لحضور مناقشت الدكتوراه صار صديقي كلش فستحيت ارفضله طلب
عبد العزيز /الو
جميله /اهلا
عبد العزيز /تحضري باجر اجي اخذج لمناقشه حكمت
جميله /ان شاء الله
عبد العزيز سد التلفون بدون ما يكول مع السلامه
رحت لغرفتنه احضرلي هدوم حتى باجر مااتاخر
صار
رحت اخذتها من بيت اخويه طبعا كالعاده تاخرت
ضعفانه كلش بس زايدها جمال وهنا ماكدرت الزم لساني شنو هاي الاناقه
جميله /شكرا
————————-
جميله يالله بالكت راح يحاجيني تعبت من الانتظار هسه انا شنو سويت
لا جموله ماسويتي شي والله لو من عنده جان طلكج بساعتها بس انت وعنادج
رحنه للمناقشه وطبعا وصلنه متاخرين بس جان حكمت حاجزلنه مكان مقابيله كلش من دخلنه وكف المناقشه وصلنه لمكانه ورجع كمل زوجته اجتلي وبيدها بنيه كالت ماما سلمي على خاله
عبد العزيز /الله يخليها ودنه يمي ويرزق المحروم
جميله /مو وكتها
خلصت المناشه وعزمنه حكمت على الغده ورحنه وتغدينه وسوالف بس جان عبد العزيز صحته تعبانه فما بقينه هواي
عبد العزيز /الف مبروك استاذ وان شاء الله باجر معزوم على الغده
حكمت /لا شنو هاي الزحمه
جميله /لازحمه ولاشي
وانتبه حمت على العقد اليلو وعقد ثاني اسم زوجها
حكمت /يالله انت فرحينه وخلصي الماجستير
عبد العزيز /نترخص والف مبروك مره ثانيه
ورجعني لبيت اخو ولاحتى التفت
كلي باجر نعزمهم بمطعم اجي عليج الساعه ١١كو تتاخرين ودار وجه حتى مع السلامه مارجع علليه
دخلت البيت وراح
اخو عبد العزيز /يابه حللتك مرتك بعيده ترى اعذرني اريد ااجر البيت
عبد العزيز /طبعا هاي امك كلتلك
اخو عبد العزيز /والله بعد بكيفك حدك لهذا الاسبوع
رجعت لبيتنه وانا راسي راح ينفجر وبيتنه موحش مابي ضحكتها ولاحركتها غيرته كليا وسوته جنه من النزاكه
ليش هجي ياجميله خليتني اوصل وياج لهاي المرحله
اجه خذاني واول مره يلكاني مخلصه ركبت السياره ورحنه تغدينه كانو واجب علينه
برجعتنه بالسياره كال باجر اجي اخذج حضري هدومج
جميله /وين تريد توديني هالمره
عبد العزيز /مااريد اعصب
هو حتى بعصبيته هادء انقهرت عليه كلش صراحه
اجه ثاني يوم وخذاني بس حتى السلام عليكم ماكلت ولاهو كال
ضليت منتبه لطريق الحمد لله وداني لبتتنه لكيت هناك خالتي وامي
كعدنه وهمه بدوا محاضرات بس ريحت الاكل تخبل صبينه غده وراح وصلهم
وراح ومثل ماتعرفون هم ضلينه فتره مايحاجيني
حد مافد يوم اجه لكه البيت اظلم وبس شموع مفتوحه وكعده رومانسيه واكل طيب ووجه مليح
كال السلام عليكم
جميله /وعليكم السلام
عبد العزيز /شنو هاي شنو هاي الرمانسيه
جميله /كل عام وانت بخير
عبد العزيز /اليوم مو عيد ميلادي
جميله /مالومك الي يكدر على هذا البعد يكدر ينسى عيد ميلاد زواجنه بسهوله
عبد العزيز /تتعوض ان شاء الله
جريته من ايده وكعدته على الميز وكعدت كباله وبسم الله اكلنه وبدينه حجي وصياح وهوسه مره ضحكه ومره بجي ومره كلام جارح علما خلصنه اكل كمت الملم الميز لزمني من ايدي كلش احبج
جميله /هههههه مااعتقد
عبد العزيز /اله اراويج
تعالي يمي وسحبني لحظنه وباسني وسوالي طبعه على ركبتي
كعدنه الصبح واحنه مثل العرسان كمت نظفت البيت وحضرت الريوك
جميله /الوو نعم
ام عبد العزيز /هلو خاله شخبارج ان شاء الله مرتاحين
جميله /الحمد لله
ام عبد العزيز /يمه خاله ديري بالج على رجلج شوفي شلون ضعفان وتعبان لخاطري البارحه اجالي وضل يبجي
جميله /بجه عندج وتونس عندي
ام عبد العزيز /هاي الام تستحمل ولدها يمه وتهدي بالرحمن ونريد نشوف وليدكم
جميله /ان شاء الله
وسوالف لمده ساعه كعد عبد العزيز صباح الخير وبوسه
جميله /صباح الخير
عبد العزيز /عندج جواز
جميله /نعم عندي
عبد العزيز /طلعي وخلي يم ساعتي حتى اخذه وياي وحضري نفسج راح نسافر
جميله وين
عبد العزيز /بكيفي
جميله /براحتك المهم كلي الطقس حتى اعرف شنو اخذ وياي ملابس
عبد العزيز /من هسه اكلج اصغر جنطه مابيه اشيله
جميله /ليش راح نروح مشي هي طياره
عبد العزيز /اويلي كولي راح تاخذين الكنتور
جميله /والله انت الي ماخذ روحي وعقلي
وسافرنه طلعت السفره لمصر وتونسه
رجعنه وره تقريبا شهر هم رجعني بيت اخوه لان تعاركنه بس عركه يومين لان كتله اريد اكمل دراسه وره كل هاي الفتره ماصار عدنه اطفال
رجعني بس هالمره بكل حنان وعطف
كتله بعد مااكد هجي تعاملني ومع دموع الانثى قبل ارجع وكملت جدولي
وصار يتقدم بشغله وصارت عنده شركه جبيره وبدلنه بيتنه بقصر بس ضلينه ١٠سنوات بدون اطفال بس ضل يراقبني دائما ويفتش بهدومي عباله بعدني اشرب حبوب
وره عشرسنوات الله رزقنه بطفله سميناها سرى وجان ابوها يحبها الى درجه حاولت عدت محاولات حتى صير عندي بعد اطفال الله ماقسم واعتقد عقاب الله الي لان حرمته باول سنوات
استمر الشك عنده بهذا الموضوع رغم حبه واهتمامه
اشترالي سياره وصار عندي عياده صغيره وكملت دراستي
خلاصه (الخير فيما يختاره الله )
