حكمت رحت وافتريت بالسياره
وصلت للبيت سمعت التلفون يدك ركضت عليه كل بالي جميله
شلت التلفون
ام حكمت /شلونك يمه اليوم ماكو وينك صارلي شكد اخابر عليك
حكمت اذكرت جميله منيلها رقمي
حكمت /هله بيج يمه اي والله امي لتهيت اليوم عدنه عرس صاحبي
امي/يو الي الك يمته افرح بيك
وهاي اسطوانتها مال كل مره
حكمت /يوم والله نعسان وتعبان كلش
امي /الله وياك بس لاتخلي بالي عليك
حكمت /الله وياج
سديت التلفون ورحت نزعت هدومي وسبحت وتمددت على الجربايه اتذكرت جميله ودلع جميله ورجعت لستره بالكت اشم عليها ريحه جميله
والله يمته يجي باجر واشوفها واحجيلها بعد هاي هي
صار الصبح وطلعت الشميسه وانا مستعجل اروح حتى افتح المكتب وانتظر طلتها البهيه الي تشرح الشمس
وصلت لاكليه وانتظر وانتظر ماكو اليوم ضل بالي بس لا تاذت من الطيحه خاف ماقبلوا اهلها لان انا وصلتها والافكار تودي وتجيب
وخلص عليه اليوم وانا بحيره وكله معصب تعودت على وجههاا
—————————————-
جميله /صباح الخير ماما
ماما /هله بيج شو مامبدله
جميله تعبانه اليوم ومابيه حيل اروح
ماما /لعد ليش كعتي من وكت جان كملتي نومج
ايه /اي طبعا تدلل الدكتوره اكو خدامه عدكم يالله انا طالعه جميله ديري بالج
ماما /بس التمن طبخي
جميله /اوك تدللون شنو تردون اليوم اسوي
ضليت بحدي بالبيت رجعت تمددت وانا افكر شلون العرس البارحه وشلون طحت ياويلي والله فشله وضليت اضحك على روحي فتحت الراديو وطالعه اغنيه اغنيه كاظم الساهر هل عندك شك وغنيت وياها وكمت بديت شغل
____________________
صار العصر مانمت ولاطلعت ولاخابرت لاامي سويتلي جاي وكعدت افكر منين ابدي بيها اذا صارت حلالي وفتريت باللبيت هنا اسوي غرفت النوم وهنا اخلي ميز اكل واخليها هي تختار اووي شبيه ياربي خلي اروح اقرالي كتاب والتهي وجنت اقره كتاب حب في زمن الكوليرا
صار الليل كلت خلي اطلع افتر شويه خلي اخابر عمر يروح وياي
اتفقنه ورحت خذيته ولتهينه نسولف مااعرف شلون شفت روحي يم باب بيتهم
عمر /رايحين وين
حكمت /مدري شدخلني هنا
عمر /اي احنه مو رايحين للمطعم
حكمت /على اساس
وانا افكر شجابتي وجان المحها طالعه وهي وبنات ولابسه تنوره عريضه بس مو طويله وقميصها ابيض يخبل والحجاب بس ذابته وطالعه الركبه وانا بسرعه حركت السياره ماريدها شوفني
——————————————-
جميله يالله ماما خلي نطلع شويه نتمشه للحديقه ونرجع يالله ايه خوشخلي اكول لمياء صاحبتي تجي ويانه خطيه ماعدها اخت كتلها يالله بس مو سنه
فتحت باب بيتنه ولمحت سياره ياربي وين شايفتها من قبل مدري هواي سيارات ما هتمييت رحنه وتمشينه واشترينه عشه ورحنه للحديقه وتونسنه ياربي شلون مرتاحه اليوم
