غصبوني بلمارحم بيه

البارت الثامن

السلام عليكم اسفه عالتاخير كلللش بس سوية عملية وبناتي فوكاي وتعبانه الله يشهد ان شاء الله باجر هم انشر و اعوضكم💗

ورئ هاي الايام الكئيبه والمزعجه تعبت وصارة مشاكل بيني وبين عباس ،وحتئ اهل عباس صارة بينه مشاكل وكلها اعصابها نار من الي شفنا ولحد هسه نعاني من التهديدات والخوف الي صار بيه ، بس عباس يوميه يتقربلي يكول اريد طفل لازم اصير اب بلكت اتغير واغير كل شي جنت اكوله الله كريم واصبر وان شاء الله يصير عدنه كووومه اطفال ، هو يجر نفس ويكلي ياااريت فاطمه ياريت ،حتئ ويا اهله جان يتعارك وميتحمل كلمه من ايي احد واعصابه نار.

جنت كاعده صادف يوم الاربعاء ،وعمتي راحت للسوك وتشتري كم غرض للبيت ، وسلفتي كالت نقسم الشغل بينه لان احنا سوه سوه جنه نشتغل ، كتلها اي قسمي بعدني مامكمله وحسيت بدوخه كلش قووويه وبطني توجعني ، كتلها يصير تاجلين تقسيم الشغل لان احس روحي تعبانه ونفسي تلعب مابيه حيييل حتئ اكوم ، كالت بدينه ويا جذب الجهال لاعيني هسه نقسمه وبلا مكر كاافي ، ردت اكووم شو تعبت بالزايد وكعت بالكاع مابيه حيييل حتئ احجي جان تصيح كومي هم الج عين باقيه وابوج جتال علي!!!!!

بقيت بالكاع شويه وردت هم اكوم شو هم وكعت بالكاع وحسيت بالم فد مرة تعبت كمت اووون اريد بس احد يساعدني وجان تروح وتخليني مدده بالكاع كمت ابجي علئ حالي وادعي بس الله ينطيني القوئ والصبر حتئ اكووم.

طبت عمتي وشافت وضعي جان تصيح شبيج فاطمه شكووو؟؟؟
واني مابيه حيييل اجاوبها جان تصيح سلفتي ودكوللها الحكي تعاي بساع وووينج؟؟؟

جان تجي سلفتي تركض وتسوي روحها متفاجاه وتصيح شبيج بس احجي ؟؟؟
واني مابيه ارد ودكت عمتي علئ عباس وكلتله الحك يمه مرتك ماندري شبيها، شوي واجا عباس يركض .
كال لبسوها بساع خل نوديها للمستشفئ والتكسي برئ ينتظر ، لبسوني وطلعنه للمستشفئ وشافوني الدكاترة كالو عدها نقص دم وهبوط حاد، واجتي الدكتورة وهما طلعو جان دكول ألف مبروك حامل بس لازم نسويلج ربط للرحم مالتج وماييصير تتحركين من مكانج ابداً.

طلعت وكالت العباس والعمتي مبروك حامل بس لازم نسويلها ربط للرحم ، عباس حيييل فرح وعمتي بس كالتلهم لازم ماتتحرك ابداً ولاتسوي ايي شي لان هيه بعدها صغيره ورحمها تعبان مو مال تحبل بس الحمدلله والله يكومها بالسلامة ان شاء الله.

للعصر كملت سوتلي ربط للرحم وعلاج وعباس تبرعلي ابطل دم ، وطلعنه للبيت وشايلني عباس علئ كيفو يخاف لااتاذئ ، وجان تسال ها شون صارة وحجتلها عمتي كل شي وكالتلها حامل ، وكالت ايي الف مبروك بس هيه متاكل ومتعتني بصحهتا ومن هل سوالف ووووو......الخ

شويه وصار المغرب عباس راح سبح وبدل وطلع يجيبلي عشا تكه وكباب علئ مود دمي وحتئ استعدل شويه واصحصح واصير زينه ، مرة الايام وفتت بشهر الرابع والطفل كام يتحرك ابطني ، وعباس مرات ينام يمي ويكول افز علئ صوت دفرات الي ابطنج 😂😂

ومعتني بيه حيييل ويسبحني ويساعدني هووووايه واخذني للدكتورة علئ مود اخذ سونار بس اني عادي عندي لان جربتها قبل بس شويه جنت تعبانه ، وكالت الدكتورة مبروك حامل بولد ، فرحة حيييل وطلعت علئ عباس وكتله ولد فرح حيييل ووكفني يم المرطبات واني تاكيه نفسي عليه لان مايصير امشي شربت عصير واكلت كيك وطلعنه للبيت ، من طبينه و عمتي سالت ها يمه بشر ؟؟؟

كاللها يمه فاطمه حامل بولد جان تهلهل خطيه وفرحت حيييل ، ومرت ايام واسابيع وشهرين طبيت بشهر السابع ثالث يوم الي بي وجان اصرخ فجاه وكلت الحكوووووووني راح اموووت وابجي من الوجع الي اجاني اجتي عمتي تركض خطيه وسلفتي وياها وفراشي كله مي ، وبساع عمتي دكت علئ عباس وكلتله ، كاللها تحضرو بين ماجي

لبسوني بس شنو جنت ميته والطم من الالم واصيح وارجع اون ، لشويه وطب عباس وشاف حالي بانت عليه ملامح القلق والخوف لايفقد ابنه الخ، شالني وطلعنه للمستشفئ واني بالسيارة اغمئ عليه ، وصلنه للطوارئ وتلكوني الممرضات واجتي دكتورة تركض طببوني للغرفه حتئ يفحصوني وجان تطلع الدكتورة و دكول العمتي والعباس ...

ولادة لازم تولد بس حالتها خطرة احتمال يموت الطفل وهيه تموت لأزم توقعون عالخطر حتئ نسويلها عملية باسرع وقت قبل لاتروح منا المريضه ....