غصبوني بلمارحم بيه

البارت التاسع

السلام عليكم💗💗

هنا عباس بقئ قلق وحيييل خايف ، بس وافق ووقع عالخطر انو هو يتحمل المسؤليه اذا صار ايي شي بس بالو بقئ يمي يكول بذيج اللحظه من كل شي خفت ،واني فقدت دم هووايه وحالتي صارت كلش خطر بحيث اتوقعو يفقدوني واروح من يدهم ، وطلعو الممرضات يركضن ركض ويصيحن علئ دكتورة ثانيه ، وعباس يسالهم يكوللهم بس كولو شنو حالتها شبيها؟؟؟

ومحد يرد عليه بس حس اكو خبصه ، ورئ فترة مجان تطلع الممرضه وبيدها طفل وخلو بالخدج حالتو ابد مو زينه لان نولد بشهر السابع وبعده اكو اشياء ماكامله بي وكلش صغير وناعم الطفل ، وراها بنص ساعه طلعوني من العمليات وخلوني تحت المراقبه بس اني فاقده الوعي وضليت ساعه فاقده واجا الدكتور كال اذا بقت هيج نتخذ غير اجرائت بس راح تبقئ احتمال يومين بالمستشفئ لان وضعها حرج وهيه صغيره وفقدة دم هوووايه .

وراها بنص ساعه بديت افتح عيوني وارمش بس احس الدنيا تغوش وماشوف زين ، احس راسي يموتني والم ابطني كلش قوووي، من فتحت عيوني كمت ابجي حيييل من الالم وسالت عباس عالطفل وينه؟ ؟؟؟

عباس: الحمدلله عالسلامة الطفل بخير لاتشيلين هم وهسه مخلينه بالخدج،لايظل بالج بس كومي بالسلامة

اجت الدكتورة وصاحت عمتي وعباس يشوفون الطفل ويطمنون علئ وضعه ، راحو وشافو الطفل بس وضعه جان كلش تعبان وسمحو العباس يكبر باذنه وسما علي علئ اسم اخو.

وراها اجوي وكالو شفنه الطفل وعباس كال سميته علي واني مابيه حيييل حتئ احجي من الالم ....

ومر اليوم هذا طبيعي وكعدت ثاني يوم الصبح وفحصوني الدكاترة وكالو وضعج زين بس نتاكد من وضع الطفل تكدرين باجر تطلعين وماعندج الا العافيه ان شاء الله، وعباس راح للبيت يسبح ويجيبلي ملابس ويجي لان كلما ابدل انزف وارجع اغير ملابسي وفد مرة كمت انزف ، وخلولي هم بطل دم وكالو اشربي عصير واكلي لحوم شويه شويه حتئ تعوضين وتكدرين تمشين ،كتله ان شاء الله دكتور وراح.

والله وعلئ كيفي بدلت وغسلت واكلت شويه وشويه كدرت امشي كمت ماحتاج العربانه ،شويه شويه مشيت وصلت للحمام وجان اوكع بالكاع مباشرةً اغمئ عليه من الالم بس اسمع صووت عمتي تصيح الحكوني ،خطيه الدكاترة اجوي ركض علئ صوت عمتي ،وعمتي تبجي وتصيح راحت منه راحت واسمع صوت عباس يكول كلنه لاتمشين لاتمشين بس مايفيد بيها وجابو قريوله ولكو دم بالكاع ، بساع الدكتور كال ودوهاالغرفه العمليات عمليتها مفتوحه ، وركضو بيه بس شنو خيطوني بدون بنج متت من الالم وبس اصرخ بحيث من الالم الشفته ادعي واكول ياارب اخذني واصرخ بكل صوتي يارب موتني الئ ماكملو العمليه روحي راحة من الوجع نمت وصارة ورئ الظهر وكعدت بس حسيت شون شي راح مني ودوب احجي من الوجع كلت العمتي اريد اشوف ابني شو كلبي يوجعني عالطفل.

عمتي: يمه بس صيري زينه والله العصر اجيبه وشوفي

فاطمه: عمه الله يخليج بس اشوفه ورجعي

عمتي: يمه الطفل كلش تعبان وماييصير يطلع من الخدج ابد بس لايظل بالج ان شاء الله يتحسن انتي بس ارتاحي

وطب عباس وكال : انتبهي النفسج بعد مانكدر يصير ايي شي بيج لان وضعج تعبان ونريد بس نطلع

فاطمه: ان شاء الله ،ان شاء الله

شو صار العصر عباس وعمتي كالو نشوف الطفل ونجي منتاخر شو ماجوي وصار المغرب وماجوي وبدا الليل وماجوي كلبي يوجعني من الخوف انوب متت خوف ووحدي بس بالغرفه اريدهم بس يجون...........