غصبوني بلمارحم بيه

البارت السادس عشر

ماعدتُ انتظرُ منك شيئاً فقد خالفت كل العهود ....💔

.................................................................

مرت الايام واختي بعد ابداية عرسها و لاشافت كل شي من عيالها ،والوضع كلش طبيعي واحنا بالنجف فا جنت كاعده الدنيا عصر وداحجي ويا اهلي وطب عباس وكال ويا منو تجين كتله ويا اهلي بس شكله جان كلش متعصب.

شو عباس كلب وجها عليه وكال كومي سويلي اكل كمت حميتله الاكل ورتبت الصينيه واخذتها العباس
عباس من خليت الصينيه يمه شالها ورزتها بالكاع
كتله ليش ؟؟؟؟؟

كام يصيح ويغلط انعل ابوج والله بلاني بيج وان شاء الله تموتين واخلص منج ،بعدني ماكتله شكو عباس؟ ؟؟؟

مسكني دك كتل كتلني كتله بحيث كسرني تكسر وبالكاع صرت يم المواعين المكسره حسيت شي طب بحاجبي ، وحاجبي من يم عيني نشك والدم بس يجري ماابطل من كثر ضربه متت طلعت روحي اخرشي من كد ماكتلني خنكني يريد يموتني يكول اليوم اذبحج خلاص كمت اصيح بلكت احد يسمعني شي خله يده علئ حلكي وسده ويضرب بيه وجهي من ألضرب احس بي نار جسمي موتني بحيث اشهك جوه يده واتوسل بي بس حتئ يعوفني واخر شي الئ ماتعب يالله عافني ،اني بالكاع بقيت مدده احس راسي موتني من الالم والوجع اجا دفرني برجله وكالي كومي بيدج خمس دقايق تسويلي اكل...

رحت اركض بدون تغسيل بس دموعي وعيوني يحجن الصار ويكولن شبيه ،شافتني عمتي بس كل شي ماحجت وكان الوضع طبيعي وعادي عدها بسرعه سويتله اكل ووديتله خليته ورحت للحمام ابجي واباوع الروحي وليش هيج سوه شسويتله اني بحيث جروحي كلهن طلعن بقيت ابجي بالحمام الحد ماتعبت ولميت جروحي وطلعت من الحمام ،شفته هو ماكو لميت الصينيه الي وكعها والي وديتها اله وتمددت وخليت يدي علئ عيوني وابجي ماكدر اسكت.....

حسيت بي صدك ماينحمل اكثر لليل وطب يخابر بنات ويضحك وياهن ويريدني اسلم عليهن غصبن عني واني هم حتئ اتكفئ الشر اسلم عليهن غصبن عني واني مابيه حيييل حتئ احجي واكوله لا ويدزن العباس صورهن بدون ملابس صدك عباس طغا ذيج الفترة بعد ماينحمل واني يوميه انكتل واشبع كتل من عنده بعد ما الي طاقه انكتل وانضرب منه

بحيث ذيج الفتره خلصت وضعفت كلش وتعبت هوووايه وحتئ اهلي مر شهر واني محاجيه وياهم صغرت الدنيا بعيني وبعد ماهتم الشي بس في سبيل لا انضرب وانكتل بعد وجان يتقربلي غصبن عني واني ماكدر اوخره لان يزيد بالضرب على وجهي مرن شهرين بالموت عليه وحييييل تعبت وتعذبت من عباس........

جنت كاعده وحسيت بدوخه قووويه وراسي ثكيل
عرفت روحي حامل بس ردت اروح للدكتورة حتئ اتأكد ،وجنت كلش متردده من ورئ عباس ماريد اكسب خطا طفل وياي واعذبه وياي لان اباوع علئ
حالي مامرتاحه ابد ، كلت العمتي اريد اروح للدكتورة
واشوف روحي حامل لو لا ؟؟؟؟؟

رحت للدكتورة وشافتني خلصانه خطيه شبعت قهر عليه وعلئ حالتي ،وفحصتني وكالت الف مبروك حامل !!!!

طبعاً مافرحت هوووايه لان مادري شصارلي من كالت الدكتورة انتي حامل حسيت هم راح يروح مني الطفل وهم ماراح تكمل فرحتي ضليت خايفه وانطتني علاج ومقويات وكالت استمري عليهن ومن طبين شهر الثالث هم لازم نسويلج ربط للرحم.

رجعت للبيت وجنت اعرف ماراح افرح لان عباس جان كدامي تقرب عليه وضربني راشدي وبدا يكتل بيه......