غصبوني بلمارحم بيه

البارت الثالث

كعدت الصبح حالي حال ايي عروس طبينه سبحنه وتريكت بالغرفه اني وعباس واجوي اهالي اصدقاء عباس يباركولنه واجا الغده وكالعاده تغدينه بس جنت كلش ضايجه ومخنوكه لان مادري اصلاً شكو ومر ثاني يوم وثالث يوم ورابع يوم رحت علئ اهلي وبتت يمهم ازيد اوقاتي صارة يم اهلي ومرة الايام واني احسبها وعده عليه شهر علئ زواجي واجا اليوم الموعود وتغيرت حياتي للأسوأ........

عباس : السلام عليكم
العائله : هلا بيك
فاطمه : متعشي؟؟؟
عباس : ايي

وكمت دانام اني وعباس وتقربلي وشميت ريحته والله شعور ياذي لان اني مامتزوجة عن حب حتئ اخلي يتركه ولا يسمع مني وعلاقتنه كلش عاديه شميت ريحته كلها مشروب واعصابو صارة نار كعدت الصبح علئ عمتي وكتلها عالاقل جان كتيلي وكالت ابوج مو يشرب طبعاً تعيرني باخوها وهنا بجيت وكعدت عباس وسبح وتريك وكتله ليش عالاقل جان اهلي لازم يعرفون وكال نفس الكلام ابوج مو يشرب؟؟

الساني انعكد وسكتت عرفت شكو وشينتظرني من هم وضيم وقهر بس بقيت ابجي ومر اول يوم وهم شرب وهم ضيم وقهر وكعد فد يوم داعزل البيت وعزلة غرفتي ولكيت جوه ميز المرايه حبوب ورديه ماعرفت شنو من حبوب طلعتهن علئ عمتي كتلها شنو ذني كالت عوفيهن بمكانهن كتلها ادري شنو ؟؟؟

سكتت وكالت من يجي عباس اسألي اجا عباس
فاطمه : شنو ذني الحبوب ؟؟؟
عباس: عوفيهن من يدج
فاطمه: شبيك عباس؟؟
عباس: ذني حبوب كبسله وزتيهن من يدج
فاطمه: زين شسوي بروحي ابجي الطم اصيح بس كولي عباس شسوي بروحي ؟؟؟؟

شعوري جان صعب الئ أبعد حد وأكثر الم بس صدك حجيت اكو شي بداخلي يوجعني ورئ كم يوم رحت للشيخ لان تعبت من التفكير وحتئ اهلي لاحظو هل شي بيه طبعاً اني هنا تمرضت كلش والشيخ كال عندج تابعه ورحت عالدكاتره علئ مود بس اعرف شبيه وصار عندي كل فتره انزف وارجع اخلي بطلين دم وعباس علئ حالته حبوب وشرب بهاي فتري رحت يم اهلي لان مريضه وحتئ خواتي يداروني وامي توديني للدكاترة ويوم من الايام وضعي شويه استقر ورجعت علئ بيت عيالي وكال عباس خل نطلع سفرة وبدلنه وترتبنه وطلعنه وتونسنه بالروحه ولعبت اني وعباس ونتشاقه ونضحك صدك فرحت شفتو وياي ويضحك ويسولف وشالني واصيح نزلني واهلو يضحكون وتعشينه كباب ويوكلني بيده واني اندمجت كلش هم اوكله بيدي

( تلك الليله أتذكرها جيداً لقد تساقطت دموعي فيها كالمطر المنهمر )

ورجعنه واحنا وبالطريق هنا نقلبت كل حياتي هنأ ادمرت وخسرة هنا بجيت حيييييل حيييييل......