غصبوني بلمارحم بيه

البارت السابع

ملاحظه:

اكو بنت طبتلي وسالتني القصه حقيقه ؟؟؟؟
بنات والله اني صاحبة هذي القصه وهسه داحجيلكم الاحداث الصارة وياي والله كله حقيقي وخالي من اي خيال.

وراها تحسنت معاملة عباس الي، وياكل وياي ويطعمني ويدللني ،هوووايه تغير للاحسن ، هنا عباس صافن كتله شبيك؟؟؟ كال خل نطلع البغداد هم شويه نغير جو، وسالهم وكلها وافقة بس صادفة اخويا اجا من الموصل وبقئ يمنه كم يوم ،فماكدرت اروح البغداد وياهم ، هما راحو البغداد بس بقينه اني وعباس وعمتي .

هنا اخويا كال تعاي وياي للموصل صارلج هووايه مشايفه اهلي،وهم تغيرين جو ونتونس ، فرحت علئ عباس وكتله بالبدايه كال انتي حامل واخاف عالطفل وتعودت عليج بس بعد ماحجيت ويا وقنعته وافق كال روحي وعمتي كالت اني هم اروح وياج وراها بيومين رحنه للموصل واني حامل اول من طبيت علئ اهلي لكيت اختي زعلانه لان حامل ابنت وعيالها ميردون بنات. واني ضليت احجي وياها واوسيها علئ حظها.

رحت علئ عمامي وخوالي التهيت بالعزايم والطلعات وراها كعدة بالبيت وكلت الامي أريد اروح للدكتورة اشوف اني حامل ابنت لو ولد ؟؟؟

امي: يالله بدلي حتئ نروح
فاطمة: اوك

رحت للدكتورة واني كلش ملتبكه وخايفه مادري ليش بس أريد اعرف شنو جنس الطفل؟؟؟ واخاف لامصيري نفس مصير اختي.

الدكتورة: تمددي ماما خل افحصج
فاطمه: حاضر دكتورة
الدكتورة: الف مبروك حامل بولد
فاطمة: دكتورة اتاكدي عفيه
الدكتورة: ايي والله ولد
امي: كللللللليش
فاطمة: اتصلت علئ اختي وكتلها بشري عمتي اني حامل بولد
اتصلت اختي علئ عمتي وبشرتها وعمتي كلش فرحت واتصلت علئ عباس

فاطمه: الو هلو عباس
عباس: هلا بيج شونج
فاطمة: الحمدللله بخير جبتلك خبر بشدة
عباس: يالله فرحيني كولي شكو
فاطمة: اني حامل بولد
عباس: الله عليج احجي الصدك فاطمة
فاطمه: والله حامل بولد
عباس: باجر تجين خوش لو لا ؟؟؟
فاطمه: اوك ان شاء الله مع السلامه
عباس: مع السلامه

رجعت من االدكتورة واني فرحانه حيييل ، وامي توصيني انو الولد مو يوميه يجي ، ولازم اهتم بنفسي واكلي وماتعب روحي، رجعت الكربلاء بس جنت متوجعه وتعبانه من الطريق ، وعباس شافني وحظني وجان فرحان حيييييل، وعيالي كلهم فرحانين بيه ومداريني ، ومرة ايام وصرة حامل باربع شهور بس فجاة وكام ينزل دم مني هوووايه وكمت اصرخ من الوجع والالم،ابجي حيييل بحيث من الالم غمه عليه وشالوني للمستشفئ ، واني انزف والتمو الدكتوراة عليه ، فحصوني وطلع الطفل ميت ابطني وهذا اسقاط
ولازم يسولي عمليه ، واني دوب من الالم اسمع صوتهم ودوب مفتحه عيوني ، طببوني للعمليات

وسولي عمليه وطلعو الطفل من بطني ميت بس اني متت الم وقهر بحيث ماكدر اتحرك من الوجع

وراح عباس للنجف دفن الطفل وجان شبعان قهر وحتئ شكلو تعبان، واني وضعي تعب حيييل وتاذيت كلما اشوف الامور تتحسن ترجع حالتي تعيسه اكثر واكثر ، واني هنا صار بيه اكتئاب من شدة حزني علئ وضعي وحالي.