غصبوني بلمارحم بيه

البارت 21

لاتؤذي قلبي ارجوك انتبه انته به✋ 😔.

حسباله يجيني الخبر وانهار ،سبع سنين اضل عايش الصدمه...............

مابين شوقي وكبريائك هناك الف شي يحترق 🔥

والله ادورله بالعيادة. ماكو عاد طلعت برا العيادة وشفته واكف يم وحده ودايره ظهرها اليه و وجها علئ عباس وعباس يضحك

شافني واشرلي عود تعاي واجيت وشفتها طلعت اخت سلفتي بيداء وسلمت عليه

ها فاطمة شونج شخبارج تحجي ورافعه خشمها

الحمدلله بخير و وكفت يم عباس

عباس يالله عود تعاي للبيت نتونس وتعاي عالعشه ماشي

ان شاء الله اجي ادلل عباس وتحجي وتضحك

وراحت مشت واحنا هم مشينا اني وعباس

نطلع للسوك لا

اي نطلع ليش لا واني ضايجه كلش من شفتها اعرفها تضوج مني

ورحنا للسوك ونزلت يم محل ملابس 👚 اطفال واشتريت داخليات وملابس كامله مال اطفال

ورجعت رحت للمحل مال ملابس 👚 نسائيه اخذت كم غرض وطلعنه تغدينه وشويه كعدنه بالمطعم وهو يتصلون عليه كل شويه جماعته

صارت الساعه 2 ونص الظهر

رجعني للبيت وهو غسل وطلع ،واني شلت ملابسي ورحت الغرفتي كعدت بيها شويه ارتاح

واتصلت علئ امي وخواتي كتلهم الدكتورة ماتقبل ومن هاي السوالف وسديته ما الي خلك

تمددت وكعدت اريد ارتاح حتئ ما بدلت احس روحي تعبانه كلش والله مادري ليش وافكر عباس ليش جان يسولف وياها وشيريد منها ؟؟؟

شويه واجاني اتصال وجاوبت وطلعت ثريا اخت سلفتي

ها فاطمة شونج ؟؟؟

الحمدلله بخير علئ الله

اكلج شو عباس يريدني ادورله علئ مره

بقيت مصدومه وجاوبتها لاديشاقه يمعودة

والله شبيج يريد مره واني كتله ادلل

وانتي شكو تدخلين بيني وبين رجلي هذا شي مايعنيج

شوفي فاطمة والله اذا مازوجت عباس عيب عليه واصبريلي وسدته بوجهي

واني دمي يفور واريد احجي كل شي واملخها تملخ الهاي ثريا الحيه حييل ضجت منها والله يربي شسوي اخابر عباس لو اطلع واكول الاختها

لا لا خل اتصل بعباس اول شي وبعدين اشوف شيصير ودكيت عليه واني دمي يفور

الو

الو عباس وين انته ؟؟

شتريدين

وين انته

الو عباس

سده بوجهي بسيطه اني اعلمك عباس ومسكت اكتبله رساله

ايي عباس خل يفيدنك الساقطات اني بشنو قصرت وياك والله دقيقه وحده ما اضل بالبيت هسه اتصل علئ بيت اهلي واروح

دزيتها وسديت الموبايل قفلته طلعت علئ سلفتي

بيداء وينج ؟؟؟

ها اني بالمطبخ

طبيت وبيداء دتسوي زلاطه شوفي خلي اختج تبتعد عن رجلي لا والله افضحها والله العظيم

مجان تزت السجين من يدها وتتخصر وتحجي وياي

ليش انتي منو حتئ تحجين عن اختي هيج هااا والله اذا سويتها مرة ثانية اذا ما اخلي عباس يطلكج عيب عليه

شوفي بيداء اني ولا مرة ادخلت بيج انتي هم لاتدخلين بيه ابد لا انتي ولا اهلج اني مناقصني مشاكل ابد

فاطمة تعوذي من الي راكبج وارجعي الغرفتج

طبت عمتي شافتنه نحجي

شكو شبيجن

عمة تقبلين فاطمة تطعن بشرف اختي

والله عمة ماطعنت بس كتلها خل اختج تبتعد عن رجلي

شبيجن فهمني يا اخت ، اني حجيت كبل

عمة ثريا خابرتني ودكلي عباس يريد مره واني راح الكاله هيه شدخلها صح لو لا

ايي صحيح وانتي بيداء ما اسمعلج صوت خوش لو لا

مجان تنزل الدموع بيداء وكامت تلطم وتصيح يحجن بشرف اختي ، وعمتي سدت حلگها بسرعه
ويتصضاربن هيه وعمتي بهاي الاثناء طب عباس للبيت وشكله كلش معصب واعصابه مبينه تعبانه

واجا ركض وضرب بيداء راشدي وهيه تصرخ لك تضربني الا اخلي اخواني يشكوك

وهو انجن من سمع هيج

ايي خل يجون يشوفون خواتهم الساقطات شديسون وين يفرفرن

وعمتي تبجي كعدت بالكاع وتصيح بس واني متت خوف وبطني من الخوف توجعني جمدت بمكاني

اندار عليه عباس وضربني راشدي كل قوته خدي صار نار 🔥 من الضربه اذني ونت ومسكني. من زندي كل قوته ويسحل بيه للغرفه

وعمتي تصرخ حامل حامل استر علينه وتمسك بي من يدينه وسلفتي سكتت وتصيح حييل بيها هاي الماتسحتي

دفع عمتي وقفل باب الغرفه ودفعني للكاع اني كلت خلاص راح يموت الطفل

هو يفتر بالغرفه ويفرك بوجها وطلع جكاير ويدخن ويباوع عليه يتنهد بس بقوة

كال ليشش هيج سويتي فاطمة واريد شي يقنعني سولفي وبسرعه اختصري

ادك عليك وانته تسدة بوجهي وهاك شوف انطيته الموبايل وكتله هاي ثريا هاي رقمها واني عندي تسجيل مكالمات وسمع التسجيل وشبع قهر

عافني وطلع واني بطني موتتني من الالم وكمت اصرخ كل صوتي من الالم عمتي اجتي تركض وسلفتي اجتي تركض تحسب سوالي شي ودكلي حتئ تسكتين مرة ثانية واني من الالم.راسي اخس الدنيا ادور بيه وصارت الدنيا سودة عبالي عيوني عمن

وماحسيت الا غمئ عليه وكل شي ما اسمع واخر شي سمعته صرخت عمتي......

يتبع............

هلو حبايب اعرف البارت قصير بس رالله عدنه خطار ابيت اهلي وحيييل مشغوله هل اايام ان شاء الله اعوضكم .