غصبوني بلمارحم بيه

البارت التاسع عشر

تلك اللحظات كانت تصيب قلبي بجميع الكوارث والامراض .

كان يجدر بهِ الاعتناء بي كان يجدر بهِ اللايخذلني ابداً………… كان يجدر !

جميع تلك الاشياء المذهلة ،لم تعد مذهلة باتت باهتة الان .

لقد كُنتَ سيئاً للغاية لدرجة انك احرقت كل مابجسدي .

                                                                            #لقد كان قلبي ياسيدي

                                                                            بقلم الكاتبة ساره احمد

ولأنك شديد التحمل ضنوا أنك لاتشعر .

وتعدلت من مكاني خلاص راح اموت روحي ،زين والله شون اموت كافره لا راح اقتل عباس لالا
لان اني ماكدر ياربي اريد حل روحي طكت واني افكر متت بمكاني شراح اسوي؟؟؟

اباوع علئ عباس شايفين الملاك جنه ملاك بس من يكعد ولا هذا عباس ،بيقت بمكاني وافكر شنو راح اسوي ياربي واني بشهر الثالث حامل مابقالي شي واطب بشهر الرابع شسوي ؟؟؟

مجان اكوم واكعد عباس من النوم

فاطمة : عباس عباس عباااس
عباس : شبيج ؟؟؟؟

فاطمة:  تعدل داحجي وياك

عباس :روحي نامي احسن والله

فاطمة : عباس شبيك الله يوفقك بس احجي وياك وارجع نام

عباس : والله العظيم اذا مارحتي ماتلومين الا نفسج واللله فهمتي لو لا

فاطمة : عباس الله يرضئ عليك والله تعبت بس احجي وياك

مجان يتعدل ويضربني ذاك الراشدي الا فر وجهي كال ارتاحيتي وهسه روحي نامي يالله بسرعه
ودير بالج مرة ثانيه اكولج علئ كلام من اول مرة وماتسمعي تمام

ودار وجها ونام واني مصدومة وميته قهر والله احس بلاعيمي يوجعني من الكتم حلگي احسه مجرح واريد اطك حتئ بجي اريد ابجي ما اكدر گمت علئ كيفي عالحمام واغسل وجهي حيييل بالمي وافركه حييييل الحد مابديت ابجي وافرك وجهي كل قوتي واني ابجي متت قهر كعدت بالحمام بالكاع واني بس اشهك وماكو احد يكولي شبيج مابيج

تمنيت ابويا هسه يتصل واحجي ويا واكوله انته شنو سويت بيه بس فهمني شنو سويت بيه جاني احساس اريد ارجع الاهلي اريد اررروح ما ابقئ هنا بالبيت ويا عباس بعد وشون ياربي اني اريد الطفل يبقئ عايش اريد اصير ام احس الطفل راح يحلي كل مشاكلي مع عباس

الساعه ضارت 4 الفجر واني كاعده اخر شي من التفكير نمت ،وماكعدت الئ ثاني يوم الساعه 12 الظهر علئ صوت عمتي باوعت عباس ماموجود وين راح ما ادري !!

عمتي : هايمه اكعدي نحسب متي

فاطمة : لا عمة اني ما اموت مكتوبلي اضل اتعذب