مادري شلون اعبر كل ذيج الذكريات……
قامو بقتل جميع احلامي ،امنياتي ،وحتئ ضحكتي…
روحي عقلت واختلف قانونها… .
اسفه عالتاخير حيييل بس والله جنت يم اهلي والبارحه رجعت الكربلاء وان شاء الله ارجع اكمل وياكم مرة اسفه كللللش واعرف البارت قصير بس والله اوعدكم البارت الجاي يكون اطول بارت تعويض الكم بس حبيت اشاركم واكوللكم انو الطفل انولد ..
صحيت علئ روحي بالمستشفئ ومشكله مغذي وحالتي كلش تعبانه وعمتي يمي وبيداء وعباس مادري وينه
عمه الطفل ابني شبي
لايمه بس كومي بالسلامة كل شي مابي الحمدلله
عمه عليج الله احجي بي شي طفلي وابجي واشهك وامسح دموعي
دنكت عمتي علئ راسي وباسته ومسحت دموعي وكالت.. والله مابي شي الطفل بس انتي وضعج خطر
بگلبي كلت هم زين عباس يهدا شويه
عمه وين عباس ؟؟
هسه يجي يمه خابرني كال بالطريق
ايي زين ماجان تحجي سلفتي
الحمدلله عالسلامة وتنطقها من خشمها
تعيشين
طبت الدكتورة… ماما هاي شصاير بيج عودة صايره لازم تاكلين وتشربين علئ مود يصير بيج حيييل وتتقوين وراج ولادة والطفل ابطنج كلش تعبان وهم شي لازم ترتاحين وتبتعدين عن الضغط والتوتر الي انتي عايشه بي
بس هزيت راسي يعني اي ورديت سالتها يمته اكدر اطلع
ان شاء الله ب10 باليل طلعي بس اخذي علاج
ان شاء الله دكتورة
طلعت وعمتي كالت… تردين شي ؟؟
سلامتج عمه
شويه وطب عباس… الحمدلله علئ سلامتج واني هسه رحت اتفاهمت وياها ونعلة والديها لاتشيلين هم
وسلفتي تباوع صفح ماعاجبها الوضع
واني من داخلي طرت من الفرحه وطلعت من المستشفئ رحت للبيت
راحت ايام واجت ايام وطبيت بشهر التاسع رحت للدكتورة ماكلتلي...تتركين المثبت ورئ سبوع تجين نفتح الربط
ورئ سبوع رحت فتحتلي الربط ورجعت للبيت لان كالت مامعلوم شوكت تجيبين سبوع عشر ايام مامعلوم
من رجعت من الربط نمت كبل كعدت ثاني يوم عندي الم شون الم الدورة وعمتي راحت للسوك
وعباس طلع للشغل
فاكلت بيني وبين نفسي راح ارجع انام اذا راح الالم هاي هيه واذا بقه اكول العمتي
فبقئ الالم وزاد وكلت خل اكوم اتريك اخاف لا عندي ولادة حتئ يصير عندي حييل
فكمت حضرت الجنطه ستوني بديت احضرها الالم موتني وخابرت عمتي كتلها هسه تجين من السوك الالم موتني
اجتي وجايبه تكسي وياها وصعدنه بالتكسي ورحنه للمستشفئ واتصلنه بعباس كال مسافة الطريق واني يمكم
اني بالطريق والالم موتني ححيييل كمت اصرخ
طبينه للمستشفئ بسرعه دخلوني للاستشاريه علئ مود الفحوصات
فحصتني وكالت للمعينه كالتلها طيري بيها الصالة الولادة هاي مفوله هسه راح تجيب
فطبيت وعمتي راحت تسوي الطبله لان مالحكنه نسويها وهم مايقبلون احد يجي وياي
من طبيت راسا بصالة الاولادة كالولي لازم علئ كيفج تجيبين لان مايصير يصير عليه ضغط
صارت الساعه ١١ واني الحمدلله وادت بنوتي وكالولي صار عندج تمزق بعنق الرحم ونزيف لازم نخيطو فخيطوني لل١٢ هما يالله كملو وكالولي الطفله كل شي مابيها وماتحتاج خدج فرحت حييييل
وامي واخوااني اثنين اجوي عليه بالطريق واني فرحانه وبس ادعي يعيش هذا الطفل وعباس اجا ويدعي وياي وفرحان حييل الحمدلله وحتئ هو يدعي الطفل يعيش
صحيت اني وكلها تباركلي الطفل مخلينه يمي
وين بنتي…
عمتي ..الحمدلله عالسلامة
عمتي ..بنتج بخير يمه الحمدلله
عباس .كام يبجي وحضني ويدعيلي الله يكمل فرحتي
…… ..يتبع
أنت تقرأ
غصبوني بلمارحم بيه
Misterio / Suspensoحينَ تجد نفسك في وحدة وبلا مأوى ، حين تنكسر جميع اضلاعُك ويٌكسر ويتحطّم قلبك من عدوك في سريرك حين تجهش بالبكاء ولاتجد لك ملاذ!!!!!!! القصه بيها اشكال الاحداث الزينه والموزينه الجرأة الفرح الحزن الانكسار وكل شي ، احداث حقيقية وواقعية والكلام والاحدا...
