غصبوني بلمارحم بيه

البارت السادس

هنا كلها بقت مصدومة !!!

وعمي ابو عباس يتهم ابويا بموت علي بقيت مصدومه لا اكدر ارد ولا اكدر احجي، بقيت حايره شراح اسوي....
هنا بقيت ابجي علئ حالي ووضعي الي اني بي .
ضليت احجي وياهم ومحد يصدكني واختلف تعامل الكل وياي ومحد يحجي وياي صرة شون الفصليه، اباوع الروحي بالمرايه ومقهورة علئ عمري وعلئ طفولتي حسيت روحي تعبت بعد ماكدر لهنه وبس، عباس يعاملني علئ انو اني خدامه وغصبن عني اتحمله بكل احواله ولازم ماحجي ولا اكول و لا ابداً، مر هذا الوضع واحنا ابيت الناس الي طلعو اصدقاء عمي من زمان وصار٤ ايام وطلعنه ابغداد ابيت حمايه الجبير كلش هذا من زمان ابغداد عبالك من غير عائله ، وبقينه يمه ٥ ايام وبعدين عمي كال راح نسكن بالنجف حالياً الئ ما الوضع يهدا ونروح الكربلاء كلها وافقت محد حجا كلمة، بس اني وضعي تعب كلش كام يبين عليه ألتعب وجهي صارة بي ملامح الحزن ، وعباس كلش التعامل مالته وياي صار سيء لدرجة يشرب كدامي ويضم حبوب الكبسله يمي واني ساكته ماحجي ، راحو الولد وكملو ايجار البيت مالنه بالنجف لان احنا بيتنه وحد وبيت عمي وزوجتة الثانيه وحد ، استقرينه وغراض قليله وغرفتي مال الاخشاب راحة وغراضي كلهن راحن فاشتريت دوشكين وبطانيات ثنين ومخاد ثنين وانام بالكاع وسله مال ملابس اخلي بيها ملابسي وملابس عباس سوه ستمر وضعنه ورجعو الولد يشتغلون بالنجارة في سبيل بس نكدر نطلع الاكل مالنه ونفط للصوبه وبس، وهذا حالنه وستمر وضعي وتعبت هوووايه ولا شايفه اهلي وسامعه صوتهم ابداً ...

كعدت الصبح واني احس بالم ابطني وضليت اتلوه ، كمت من مكاني وسويت ريوك العباس تريك  وطلع وهيه هاي الطلعه وراح، برئ البيت مايريدني ، وكلها تصنف ويقلدون عليه ، وهو ضل زعلان ٤٠ يوم ضبط اني مشايفته ويوميه اتعذب لان هو ماكو ، حتئ ماتصل بيه ولا حجا وياي ولا حاول يطمئن عليه معقوله الهاي الدرجه مايريدني لو شنو؟؟؟؟ ، رحت العمتي.
فاطمه: عمه
عمتي: ها يمه بيج شي؟؟
فاطمه: عمه بطني تموتني حييييل
عمتي: يمه صارلها كم يوم الدورة ماجتج ؟؟؟
فاطمه: ٤٠ يوم مع هذا اليوم
عمتي: يالثوله مادكولين ماتحجين يمكنج حامل
فاطمه: لا والله عمه يعني يصير احبل؟؟
عمتي : ايي الله قادر علئ كل شي هس ه اخابر عباس واكوله واخذج للدكتورة
فاطمه: هزيت راسي بمعنئ ايي
عمتي شالت الموبايل ودكت علئ عباس ، وكالتله راح اخذ فاطمة للدكتوره يمكنها حامل وكال اخذيها ، رحت لبسة عباتي واني متوترة وخايفه شون احبل يالله والله خايفه ، طلعنه من البيت ورحنه للدكتورة ، وفحصتني وكالت....

الدكتورة: الف مبروك انتي حامل وماييصير تتحركين فاطمه: ان شاء الله اخذت العلاج وطلعت للمغرب  ماحسيت الا عباس جاي وجايبلي دشاديش وملفع وعطور والندم يبين بعيونه وملامحه حزينه حيييييل ، وصالحني وفرح لان دره بيه حامل.....