غصبوني بلمارحم بيه

البارت الاول

فاطمه: صباح الخير
العائله  : صباح الخيرات
تريكت وجنت مبدله داطلع للمدرسه لان جانت قريبه منه كلش فعادي اذا اتاخرت اندكت الباب
اخويا حمودي: منو منو
عمتي : اني عمه افتح الباب
فتح الباب حمودي وطبت عمتي وسلمت عليها وباوعتلي وطلعت رحت للدوام ومن رجعت طبيت سلمت وردو السلام
امي : تغدي وتعاي للغرفه
فاطمه: اوك بس خل اكمل
كملت تغديت وارتاحيت ورحت الامي
امي: عرفتي عمتج علئ شنو جايه
فاطمه : لا
لان جنت كلش صغيره مصاير عمري ١٤ سنه ضبط
امي : عمتج تريدج العباس
فاطمه: ماريد
امي : هاي هيه خطبتج بعد وهيه عمتج مانكدر نرفض

اجتي اختي الجبيره وحجت وياي و وافقي ومن هل سوالف وتتونسين وتصير عندج غرفه وتجين علينه وابويا يقنع بيه والقريب احسن من الغريب  المهم وافقت اني بس كلبي يدك بسرعه ومادري شبيه جاني شعور غريب حييل مادري شصارلي عبالي الزواج فستان ابيض وهاي هيه وضحك وسوالف وخلاص ماجنت اعرف شينتظرني.......

وعباس ابن عمتي صح بس ماعرف عنه ايي شي كمت وطلعت كملت درسي ونمت
كعدت الصبح علئ صياح امي وابويا
ابويا يريد يتزوج أثاري مكمل كل شي والعرس كالت اليوم امي لمت ملابسها وتبجي وطلعة من البيت زعلانه وتريكنه وابويا كال كلها تبدل تجي للعرس طبعآ كملنه شغل ورحت بدلت اني واخواني وطلعنه رحنا البيت العروس ( مرة ابويا ) وجبناها بس علئ غير بيت بغير منطقه ووديناها وتصفيك وهلاهل وكلها تركص طبعآ النفاق مال عمامي بدا ويركصون فرحانين وكمل العرس الدنيا صارت مغرب ورجعونه للبيت وراها بيومين رجعت امي للبيت ( لاتلمس الجروح ماعادت يداكه تاتمن ) والوضع طبيعي بالبيت دك التلفون علئ ابويا عمتي دكول راح نجي هذا الحجي الدنيا ستوها مصبحه كاللها كل الهلا

بعد نص ساعه واجوي بيت عمتي عباس واخوانه ثنين علي وهادي وعمتي وخواته ثنين وفوتنه جاي وينتظروني اطب بس جنت كلش خايفه ومستحيه حييييييل ومجلبه بالدرج ماقبل اطب ومرة ابويا وعمتي كالولي عيب وطبي ومن هل سوالف المهم طبيت وكعدت وبقو يسولفون اتفقو عالمهر جان حلقه وتراكي و(٥) ورقات بس تخايلو عروس هيج مهرها بس والدي جانت حالتو كلش زينه فعوضني  وكالو باجر النيشان صادف اول يوم بعيد الجبير النيشان مالتي وكملو غدا وشربو جاي وراحو كملنه سوالف احنه وعشا وهوسه نمت كعدتني امي علئ مود نروح للصالون كعدت غسلت  وجهي وتريكت وبدلت الصالون جان بيت جيرانه بظهرنا( ام ميلاد) فارحنه عليها ورحبت بينه وباركتلي المهم كالت امي لاتحفيها ابد حتئ يطلع وجها للعرس حتئ شواربي ماشالتهن وميكجتي وتسريحه وكملت رجعت للبيت

طبيت للبيت كامو يهلهلون ويصفكون وطبيت للحمام لبست الفستان وطلعت للاستقبال كعدت وبدت تجي الناس سمعت صوت سيارات عرفت اجوي فتحو الباب اهلي وطبو والهلاهل والهوسه والصياح طب عباس كعد بصفي بس كل شي ماحجه ولاكلمه وكلها تركص وتصفك والاغاني والهوسه وجابو الميز والكيكه والذهب لبسني الذهب وطعمني كيك  وشربت وهم دك وركص وراحو وعباس كلمه ماحجه ولا ايي حرف كال ورأحو وطبيت سبحت وارتاحيت وتعشيت وراسي طان يوجعني من والهوسه وكعدت يم امي وخواتي ومرة ابويا وجنتنه وبدو بالسوالف انتي كبرتي وهاي هيه وصرتي مرة وام مسؤاليه محجولي عن يوم العرس ايي شي ....