غصبوني بلمارحم بيه

البارت الخامس عشر

جميع البدايات جميلة الا بدايتك كانت سيئة للغايه.....

واحنا وبالطريق بعد ستونه وصلنه بغداد وكفونه السيطره ،وتحقيقات وكل شي و عمتي تدعي بس نصل بالسلامه واخير شي وصلنه بيت حماي ابغداد وثاني يوم طلعنه للموصل.

طبينه للموصل وخطبنا اختي واهلي انطو لان ابن حمايه كلش زين وخلوق وابويا يحب حمايه الجبير ويقدره كلش.

مرت الايأم ورجعنه الكربلاء بس صارت مشاكل بين عباس واخو ويا ابوهم لان هما جانو يشتغلون ويا ابوهم ،وعلاقتهم خربت ونقررنه نتحول للنجف ويشتغلون وحدهم .

مرت الايأم وتحولنه للنجف وعشنه هناك عيشه طبيعيه كلش ،ويوم من الايام عباس طب للغرفه بلع حبوب وطلع .

وكل شويه اكول هسه يجي عباس وهسه يجي وما اجا!!
شويه واجانه اتصال من الشرطة كالوا تعالوا على ابنكم اني كلبي جان حاس انوا راح ايصير شي كتلوا لاتتطلع ماقبل ضربني راشدي وطلع وكال لاتتدخلين.

راحت عمتي واخوا ديجيبوا طلع متعارك ويه الشرطة ومقبلوا يطلعوا كالوا الا يومين تاديب اله.

رجعت عمتي وكالت هيج وهيج الشرطة ايكولون ومقبلوا يطلعوا.

ظليت الوم بروحي عل يوم الجيت بي وشفت عباس

وراها بيومين صدك طلع عباس واجا للبيت وماجنت اتوقع هيج ردت فعلوا جان مشتاق كلش للحبوب وايدورلهن عمتي بقت تبجي ودكلوا يومه مابيه حيل اخسرك اتركهن وهو ولا يهتم بلعهن وكال لحد يدخل كلنه بقينه ساكتين ومحد حجى ولااحد كدر يردلوا كلام مشى اليوم عادي واتصل حمايه الجبير علينه وكال اريد اسوي نيشان تجون.

كعد عباس من النوم وكلته دروح ومقبل كتله هاي اختي عباس شون ماروح كال لاتعاندين خلاص روحة ماكو بقيت ابجي ودكيت على اهلي وكتلهم عباس ميقبل اجي كالوا احنه نحجي ويه لاديرين بال.

ودكو عليه وكالوله ماقبل وكال لا لان اني راح ابقى وحدي منو يظل وياي كالوله لاحتى انته تعال لان انته عم العريس ولازم تكون هناك هو رفض كلش واني سديت السالفه لان اعرف مايفيد بي والي يريدوا لازم يمشي فليش نتعارك

كلها راحت للموصل وحظرت النيشان وشفت صور اختي وكالت والله فرحتي ناقصه شكد تمنيتج وياي كتلها الله ماكتبلي احظر خطوبتج ان شاء الله حبيبتي بس يصير عدنه وقت اجي وانتي راح تكونين قريبه عليه ان شاء الله
مرت الايأم وقرروا ايسون العرس واني هاي المره راح اروح وتحضرت وحظرت غراضي ورحت لبيت حمايه الجبير لأن كالوا لاترحين العرس يصير اهنه واني رحت اختاريتلها بدله وحجزتلها يم صالون..

ثاني يوم جوي اهلي وطالعين من الفجر وبس ارتاحو رحنه للصالون وصدك طلعتها حلوة وفستان العرس ماجان منفوش وكلش حلو وانيق كملنه العرس واجوي عالصالون وزفوها للبيت وكلها فرحانه واختي جانت كلش خايفه.

طبعاً اختي نور عمرها ١٥ سنه وعيونها كبار وبيضه بس ابوي انطاها لان جانو يريدوها من زمان بيت حمايه واني ادري صغيره بعدها بس محد كدر يحجي لان اني اصغر منها وانطوني وتزوجت.

كمل عرس نور وخلصو كل شي بس اختي قلقه ومرتبكه كلش ،وكلنه هديناها وطمناها وخليناها تسترخي حتئ لاتهتم ولاتظل قلقه .