غصبوني بلمارحم بيه

البارت الرابع

وهنا صار عدنه حادث.....

قبل الحادث بخمس دقائق :

عباس : أريد انزل هنا روحو انتو واني اجيكم
عمتي( ام عباس) : لايمه وصلنه هسه وعود وين ماتروح روح
عباس : ديالله
واحنا وبالطريق تعرضنه الحادث إطلاق نار من مسلحين مجهولين وسلفتي وبتها كل وحده اجتي طلقه براسها، وتصوب حماي مخه طلع من راسه وابنه مصارينه طلعت  من بطنه كلها طالعه

واني من الصدمه بس اصرخ وتاكيه نفسي عالكشن مال السيارة  وابجي حيييل وابن حمايه صغير جان بيدي عمره ١٠ سنوات وعباس مصدوم ويصيح ياااالله ، بقينه اني وعمتي وعمتي تصرخ حيييييل،  وتلطم علئ وجها هنا مجان عدنه احد يسوق السيارة لان عباس ميعرف يسوق سيارة  بس من الخوفه والهبطه مالتنه عباس دار السيارة ومشه بيها مادري شون وبقا  سايق الحد ماخلصنه الشارع جان الشارع طويل وفارغ .

وكفت السيارة ماندري ليش واني وعمتي نزلنه علئ بيت كرايبنه قريب حيييل منه .
وعباس بس يسوق ويمشي وكف يم سيطره مال شرطه جان اكو يمها اسعاف مرة دجيب من شافو حالت عباس والسيارة والشي الي بيها نصدمو.
واني علئ نفس صراخي والبجي مالتي ومن الصدمه والدم وحالتنه محد سال حتئ شكو  وكفت عمتي واجت سيارة كرايبنه وبساع دنروح للمستشفئ شفناهم يم السيطرة وصعدت اني بالاسعاف وياهم وطبينه للمستفئ حماي وابنه فوتوهم بغرفه وحد بينة شغلتهم انو ميتين وسلفتي وبنتها بغرفه سلفتي الطلقه فايته براسها هيه وباردة ومسدود اللحم براسها وبتها نفس الحاله  هم بالراس بس متاذيه اكثر وأكثر  .

وشويه وطلعو حماي وابنه ميتين وملفوفين بجياسه سود اني بقيت واكفه بس اصيح وابجي وعمتي ادك وتلطم وملابسنه كلها دم من جوه لي فوك....

واهلي محد بعد يعرف اي شي عني  بس جنت حافظه رقم ابويا واتصلت بي من رقم ممرضه .....

ابويا : الو
فاطمه : اااالحك عليه علي مات وحسن(ابن علي) واني ابجي وادك والطم علئ وجهي

ابويا : ايي بنتي اعرف
نصدمت من ردة فعل ابويا وشمدري، شويه واجتي
تريد إفادة
الشرطه: ماشفتوهم شي ؟؟؟؟
فاطمه: لا جانو ملثمين
الشرطه: كم نفر جنتو بالسيارة
فاطمه: احنا ٧ نفرات بالسيارة ابجي واحجي اتذكر الصياح والموقف الصعب ترجع بيه عالالم والشي الي شفتو
الشرطي : حجيه لو سمحتي عدكم عداوه ويا احد؟؟

عمتي: اليوم الفجر كعدت اصلي ندكت الباب زلم ملثمين ويريدون فلوس منه ومادري شيحجون ويا علي بس الي فهمته احنا لازم نرجع الكربلاء منبقه هنا.
الشرطه: خير ان شاء الله
وراحو ورئ شويه صارت الدنيا ليل حيييل ورحنه بتنه ابيت سلفة عمتي ، ومن الصبح رجعنه للمستشفئ واهلي مامصدكين اني عايشه امي دكول الا اشوفها يالله اصدك هيه عايشه لان من الخبصه ابويا مكللهم حجيت وياها،  اجوي اهلي عالمستشفئ واخذوني للفاتحه وبقيت ايام الفاتحه بس خايفه مرعوبه بشكل لايوصف اتخايل الدم واتخايل شون حمايه مات جنت شبه مجنونه ومامستوعبه الصار ابد.

خلصت الفاتحه ورحة البيت اهلي ودوني للدكتور كال بيها صدمه وينراد راحه كللللش( ومن الخوفه النزيف مديكف يمي)  واحتمال بعد متخلف ابد، من سمعت هيج ضليت ابجي علئ حظي يعني عمري ١٤ سنه وكل هذا بيه احس كبرة ١٠ سنين ومابيه احجي ايي شي بس عيوني تحجي الضيم والقهر احساسي جان حييييييل صعب .

مرة هاي ٤ ايام بالموت واني مشايفه عباس خلاص ولاادري عنو اييي شي ولاهو يدري شبيه بسب الصار

التمو الزلم الكبار عالصار ديحجون وشون راح يرجعون بيت عباس الكربلاء؟؟؟؟؟؟؟
.........................