غصبوني بلمارحم بيه

البارت الثالث عشر

عالخير اذا كلبك رجف،وتونس ولاتنقهر،تستاهل انتَ الونسه💔

نصدمت من كالت الدكتورة انتي حامل!!!!!

وصدك فرحت وعمتي كلش فرحت واتصلت علئ عباس وكلتله مرتك حامل ، وحتئ عباس نصدم
بس بقئ بالنه انو هل تكمل علئ خير ماعرف ؟؟؟

رجعت للبيت وكلها تضحك وتباركلي ،وكلها متونسه
لان اني حامل،مرت ايام ووحملي طبيعي حيييل
ابداية شهر الثالث ورحت للدكتورة وهم سوتلي عمليه وربط للرحم ونطتني علاج وكالت هاي المرة صدك ايي شي مايصير تسوين ،بقت الدكتورة توصي عمتي عليه

ورجعت للبيت ، وراها بسبوع بدت تتغير معاملة سلفتي وياي ،من عباس موجود تجيبلي اكل ،ومن يروح ابقئ بدون ايي اكل لحد مايرجع عباس

فمرة من المرات ابنها اسمع صوته رسم ولد ديلعب بالسيارة ويريد يطب يشوفني الرسمه وهيه صوتها
تكله ماتفووت عليها وابنها مصر يطبلي وهيه صيحت
عليه وخلته يرجع،جانت ايي طفل من اطفالها ماتخلي
يطب يمي ،وصدك اذتني بحيث اني شفت الويل بحبلي ، ومن تجيبلي الاكل دكلي تفضلي ست
جانت من تروح اضل ابجي ودوب اكل بس شسوي
والله مو بيدي اني هم مايعز نفسي احد يوديلي ويجيبلي خاصتاً بمانيه ،دوب جنت اكوم ابدل وعلئ كيفي امشي لان اخاف لايصير بالطفل شي...

طبيت بشهر الرابع ورحت عالدكتورة وشافتني واخذت سونار طلعت حامل ابنت ، كلش فرحت والله و عمتي حيييل فرحت كلت لعل وعسئ الله يكملها عليه بخير

رجعت للبيت وبشرت عباس وحيييل فرح واتصلت علئ اهلي كلش فرحو بالخبر هذا وخاصتاً بنت كلها فرحت .

بقئ وضعي ويا سلفتي علئ هذا الحال ،ولابيه اشكي
ولابيه احجي بس ابلع واضل ساكته،طبيت بشهر الخامس واجا كاظم واهله يمنه ،وتونست اول يوم وياهم كلش ،وراها بيومين اجا عمي باليل علينه
وكال اخبارنا كلها دتطلع من البيت وبس فاطمه توصلها
عباس كاله انته مو ويانه اصلاً حتئ هيه توصل الاخبار واني مرتي اثق بيها ازيد من امي وخواتي
نصدم عمي من الحجي مال عباس وكال كلها تشيل
الموبايلات ومحد يبقئ شايل موبايل ،كلها شالت الموبايلات بس عباس حلف كال ماتشيلين موبايلج انتي ،جانت عمتي من يروح عباس للشغل تخليني اشيل السيم كرت ومن يرجع عباس ارجع السيم كرت

واجا عمي اخو ابويا الجبير من الموصل لان سمع
عمي شاد وياي وعباس متصل عليه وكايله ويتهموني
انو ابويا كتل علي الله يرحمه ،اجا عمي وعباس يكله خالو لان عمي يصير اخو ام عباس يعني اني اكله عمو وعباس يكله خالو،واجا علينه وتونست بي وحل السالفه وشويه وكف عمي عني ،مر شهر الخامس عليه كوه وسلفتي معاملتها تسوء وياي ماتتحسن واريد
بس اكوم بالسلامة ،طبيت ابداية شهر السادس

الدنيا صارت ظهر،واني بغرفتي بس سمعت صوت عمتي تنوح وتلطم
علئ وجها كل قوتها تلطم وتملخ شعرها ،واسمع صوت
سلفتي تبجي واريد بس افتهم شصاير جمدت من الخوف والرعب ،انوب من سمعت عمتي شكت ثوبها تخبلت بالزايد وكومت نفسي من الفراش كووه
واني ارجف خوف ودوب احجي وكتلها

عمه شصاير بس احجي؟؟ ؟؟؟

جان دكول كاظم مات وتلطم علئ وجها ودكول ابن بنتي مااات ولج مات محروك الحد ما يبس ومات
ووولج مااات وتنوح وتلطم

مباشرةً بجيت لان جان أخ و صديق اليه وكعدت بالكاع وابجي واتخايله شون مات واتخليه شون محروك كدامي احس روحي من الخوف بردة
صدك جمدت من البرد اجا عباس وحمايه للبيت
لان سمعو بالخبر وبجو علئ كاظم لان جان صديق الهم مو ابن اخت ،وكومو عمتي وكلولها تحظري وروحي الموصل واخذي عيلة هادي وياج وعباس كال اني ماراح اجي ابقئ يم فاطمه،بدلو وطلعو للموصل وصلو باليل ،واني يم عباس وبس ابجي لان بعده مشاف شي من حياته شبعت قهر عليه وبقت رجليه بس ترجف
من الخوف الي شفته

مرت الايام واني مرحت للموصل وعباس هم مراح
ورجعو عيالي وحماتي جايه وياهم ،وكلها موجودة
طبيت بشهر الثامن بيومين وصار عندي وجع كلش
قوي ،وكمت اون من الالم واجتي حماتي كالت عادي
هاي تقلصات ومدري شنو بس اني اعرف هذا الم
مو طبيعي ،صيحت عمتي واخذتني للدكتورة وكالت
وضع الطفله كلش زين ،ونطتني مسكنات وابر
رجعت وطمنت عباس وراح للموصل ،علئ مود يشوف
اختو ويروح علئ قبر كاظم ،راح عباس وثاني يوم هم نفس الوجع والالم،بقيت يومين بالالم ورحت عالمستشفئ ،وكالت الدكتورة ابقي تحت المراقبه
وصعدوني الممرضات فوك مع الي تحت المراقبه بس اني متت من الالم بحيث ماكدر اثبت من الالم الي حسيت بي .

صعدت الدكتورة وفحصتني وسولفتلها علئ وضعي
وانو اني مسويه ربط نجنت كالت انتي منو صعدج
فوك انتي هسه تجيبين ،وكتبت حاله خطره ،نزلت
والممرضات نكرو انو هما الي صعدوني فوك.
ولادتي كلش صعبت وحيييل داتاذئ واتالم.......