غصبوني بلمارحم بيه

البارت الحادي عشر

تلك الليله اتذكرها جيداً ،لقد تساقطت فيها دموعي كالمطر الغزير، وشعرتُ بحرارة تكاد تذيب قلبي،لقد كنتُ ضعيفاً للغاية ،لابكي بعمق الذي يود ان يخرج إنساناً احبهُ من قلبه💔

(هذا البارت إهداء الئ نوووشه 😍)

وصاح عباس بكل صوتو فااااطمه......
ماحسيت علئ روحي الا واني بالمستشفئ ودوب افتح عيوني وبس ارمش احس بالدموع علئ رموشي
فتحت عيوني وعباس اجا عليه ركض وكال تتوجعبن ؟؟؟؟؟

هنا بجيت بكل قوتي حسيت نار بكلبي،تعبت كلش وصدك ماريد افتح عيوني،تمنيت الموت مادري شكو وليش حسيت روحي بغير عالم ماريد كل شي من الدنيا بس تعوفني بحألي أريد اعيش وضليت ابجي من كل كلبي ....

اجت الدكتورة وكالت:الحمدلله عالسلامه والله يعوضج ان شاء الله والدنيا ماخلصت وان شاء الله تكومين علئ حيلج ولاتشيلين هم لان مايصير هيج وحالتج كلش تعبانه والله تموتين اذا ضليتي هيج وبعدج صغيره تلحكين والله يعوضج يااارب.

راحت الدكتورة ونعاد بيه شريط حياتي من جنت بنت ومن تزوجت واكتشفت أنو اني ماعندي ذكريات هوايه بسبب اهلي وضليت ابجي بحيث من البجي احس مابقئ عندي دموع ،اجت عمتي تسكت بيه وعباس يسكت بيه ، بس اني حتئ مابيه حييل للنصيحه وفجاه صار وضعي عادي مادري ليش حتئ سكتت وكان الوضع طبيعي ليش مادري؟ ؟؟؟

صار عندي برود وحتئ ردت اطلع للبيت وأكوم أريد اطلع واكوللهم كل شي مابيه ولاتشيلون هم ،بس عمتي وعباس بس يباوعولي وميحجون ايي شي فكتلهم شكو ؟؟؟

جان تحجي عمتي كالت: دخلتي بصدمه ومايصير نطلع اليوم الئ ماتصيرين زينه ودكومين علئ حيلج بقيت صافنه مامصدكه شدتحجي شددكول ؟؟؟؟

كتلها عمه عمه بس اني هيان مقابيلج مابيه ايي شي وداكوم ارجع للبيت هسه علي يبجي ممرضعته بعد عفيه خل نروح صارة بيه حاله شبه نجنيت لان التمت عليه المشاكل من كل الجهات......

عمتي تبجي علئ حالتي واني اتوسل بعباس أريد اروح للبيت ارضع علي وارجع للمستشفئ بس هو مايقبل وصدك وجها بين مخنوك يكول بس ارتاحي ونروح.

ارجع ورئ شويه اتذكر ابني مات ارجع ابجي وادعي الله يصبرني ويكومني بالسلامه ،وضليت علئ هيج حالتي صعبه حيييل وشويه شويه تعبت وصار عندي انهيار عصبي بسبب الوضع الي مريت بي .....

صح قصير بس والله اعذروني الشغل والبنات والعشه.😂😂 اعذرروني كلش💗