خيالي

البارت 12

مساء الامان
البارت 12
خيالي ..

الكاتبه .. راح تحسون اكو نقص او فراغ بالقصه بين الوقت الي انضربت بي نماء وانشمرت وبين وجودهه بالمستشفى هذا الوقت مو نقص بالاحداث بس محد يعرف شنو صار..

ولا احد يعرف منو نقل نماء للمستشفى ومنو لگاهه واتوقع هالشي راح يبقى مجهول لان بالعراق الي يساعد احد يبتلي فاتصور الي ساعد نماء نقلهه للمستشفى واختفى حتى لايتورط بمسؤوليه وسين وجيم ..

الاحداث والتفاصيل وصلتني بس الي واعيه عليه نماء .. حته بفترة التعذيب مانذكر بالتفصيل .. لان اكو اشياء متتذكرهه لان جانت تفقد الوعي ساعات .. وترجع تصحى ..

نرجع للقصه ..

نماء الورد ..

گعدت بالمستشفى .. عيوني تتفقد المكان .. صوت الاجهزه مخيف .. الالم الي احس بي ابد مو طبيعي ..

شويه .. و رجعتلي  ذاكرتي بالي صار ويايه .. من تشاهدت وانضربت طلقتين .. بعد ما حسيت بشي ..

دموعي صارت تنزل بهدوء .. دخلت وحده ممرضه .. كالت .. الحمدالله على السلامه  .. شلونج ؟ ..

- اريد ابويه ..

- شَــلون نكدر نوصله ..

سكتت عاجزة .. نفس الموقف تكرر .. ولا رقم حافظه .. ماكو تبخرت الارقام .. حاولت اعصر دماغي واطلع برقم واحد من اهلي .. مالكيت نفسي غير بس حافظه رقم آسر ..

بالكوه رديت رقم آسر بعدها غفيت ..

گعدت على شعور احد لازم ايدي .. فتحت عيوني آسر لازم ايدي .. عبالي حلم .. بس من كال .. خيال .. خيالي ..

دموعي نزلت .. فتحت عيني  ..

- داتأذه ..

جنت مخدره كجسد .. اعصابي راخيه كولش .. حتى من جنت ابجي .. بَــس دموع تنزل من عيني ..

ماكدر اعصرهن .. حته بدون اي تعابير بوجهي .. بَــس احس بالالم فضيع .. وعيني كل شويه قافله .. و افز ؏ ع الوجع .. هَــو يحجي ويايه غفيت ..

فزيت بألم قوي ..

- اريد اموت ..

- تحملي .. شكد متكدرين تحملي .. اني محلمت هَــيچ .. بعدج مصرتي مرتي .. ام بيتي  .. مدخلتي غرفتي ..

عيوني  عليه و هو يحجي  اريد اشبع مَــنة ..

- رآح نكمل الي وكفنه  عنده ماشي ..

-..

-جاوبيني ..

- هزيت راسي أي  ..

دخل الدكتور كله اطلع  خليها ترتاح .. لزمت ايده بضعف ..

- لتعوفني ..  بعدني مشبعانه مَــنك ..