مساء الحب ...
خيالي ...
البارت 31
نماء الورد ...
ثاني يوم الصبح صعدت الريوك ليفوك .. شفت ثائر داخل للغرفه وديحجي ويه آسر ..
جان ديكوله رفل بالفتره الي وافقت عليها انت جان اكو كعده و ابن خالتي طلبها منه و انكال ابن عمها حاجزها يعني گدام العالم ردوه من خطبهه ..
زين انت تزوجت بغداديه لان تحبهه محجينه شي بعدها تريد تترك بنت عمك و تسافر مترهم اسر مترهم ..
اني وياك هنا تفكيرهم غير تفكيرك و اني دا افهم تفكيرك اني هم نص عمري عشته ببغداد و اجيت هنا مجتمع عشائري ..
اني وياك تفكيرنه غير منكدر نغير الباقين من تصير عدهم بنيه ابن عمها عافها بدون سبب تظل يم اهلها طول عمرها ..
محد يتجرأ يتقربلها بعد لا غريب ولاگرايب لان مادام عافهه ابن عمهه معناهه معيوبه .. اي يا به انت تعرف واني اعرف هيج يفكرون ...
اني من قبل جنت احب هديه و عمك اجه للگعدة و حجه كدام العالم وگال شهلاء محجوزه لثائر ...
مكدرت اعارضه لان اذا كلت لا هناك كدام العالم ميكولون هو ميحبها يكولون شمسويه هاي من مصيبه ...
شوف ابوك الله يرحمه اخذ امي و رجع لبغداد رغم هو رجع العلاقه ويا عمامي اخوانه وابوه بس خاف لا يذبون وحده براسه و ميكدر يرفضها ...
اعرفك حياتك هسه صعبه و ممرتاح بس الي دتفكر بي مااكدر اساندك بي .. وزوجتك صار عدهه حمل لو جانت يمكن ترهم هسه ابد ماترهم ...
اسر انت شيخ ابن شيخ ونسلك يرجع لرسول الله هاي مو شيمنه ولا اخلاقنه نغدر بمرة احنه نحارب الظلم والعادات الي تظلم المرة مو عاد نسوي الظلم بعينه ويه بت عمنه ...
جاوبه اسر و هسه بأعتقادك هي منظلمت ؟ .. هسه اني ظالم اثنين مو وحده ...
ثائر ظل يحجي وياه هوايه .. آسر اغلب الوقت ساكت .. دخلت اني للغرفه وويايه الريوك ...
صبحت ع الشيخ وآسر كال لثائر .. تفضل ويانه ..
- سبقتك يابه بالعافيه .. ترخص و تركنه وطلع ...
كعدنه ناكل اني وياه جبت تلفونه خليته يفتحه الي
كتبتله .. "شصار البارحه ؟ "
-اكو واحد اعرفه مهزم يمه مجرم ارهابي ... واني بلغت عليه ضابط صديقي و اجوي اخذوهم المجرم والولد الي مختله ببيته ...
واثنينهم انسجنوا الولد هم أ نسجن بتهمه التكتم ع مجرم ارهابي ...
اهل الولد عرفوا اني الي بلغت و جايين يريدون يكتلوني ...
مااعرف شلون عرفوا الموضوع جان كولش سري لان الولد صديقي ممعقوله ينطي اسمي ...
دازين مسج لثائر و بنفس اللحظه مفلشين الصيدليه بالرصاص ..
