خيالي

البارت 24

مساء النور ..
خيالي ..
البارت 24

جانت أخر محاوله اليه ويه آسر علمود يغير رأيه من بعد مامنعته عني ذيج الايام او هو وعدني ميتقربلي ابد الى ان اتقبله فتقربت اني وانطينه الضوة الاخضر ان نعيش ليله حلوة ...

.....

.. جنت نايمه على ايده ساكته ..

- بشنو دتفكرين ..

آسر خلي نعيش مثل اي اثنين متزوجين   لحد الان احبك .. ابتسم ..  و رجع كعد ..

- والله ؟ ..  حضني ‎

.. آسر اترك رفل  و خلي نعيش سوة بعيد عن هنا ... ابتعد عني

تعرفيني مااكدر انطيتهم كلمه لازم اتزوجها و زواجنه بعد كم يوم   شَــلون ترديني اعوفها و تعرفين هي حتى انتحرت بسسبب هاي السالفه ماكدر والله اتحمل خطيتها بسبب اخطائنه  ...

سكتت مجاوبته و هَــمم سكت  وره شويه .. كال ..

-جنت اتمناها تطلع منج و اخيراً طلعت  ... مو بكدي أحَبّـج ..

احبج لدرجه مستعد اسوي  ايــّي شَي علمودج .. ‎ الا هذا الموضوع  مااكدر  عليه انطيتهم كلمه

تَــمآم انسى ...

سحبت روحي منه وسحبت حته كلامي ...

انسى الي كلته هَــسة انت اخذتني علمود تسكت اهلك و تحميني وهايهيه ..

خليني اتواصل ويه اهلي اكيد هسه كملوا جوازي ...

انتي كل عقلج ارجعج لأهلج من بعد ماصرتي زوجتي لو اخليج تسافرين ماكووو انسي ...

بس هذا كان اتفاقك ويه بابا ...

‎ظل صافن بوجهي ...

- اللّٰـه يخليج انتي شكد انانيه ..

- مو انانيه بَــس اني احبك ومااكدر اتحمل وحده ثانيه
تشاركني بيك ‎..

- بكل الاحوال رآح تشاركج و انتي موجوده هنا وراح تشوفين هَـــذآ ..

- صح بَــس من آني مبتعده عنك مَــآ حس ‎بنفس الوجع الي احسه وآني قريبه عليك ..

- شَــلون يـعني فهميني ..

- تجي يمي  وتتقرب و قبلهه جنت يمها وتحجي وياهه نفس الكلام الي تحجيه اليه وتسوي وياهه نفس الي تسويه ويايه مااكدر اتقبلك هيج افهمني ما أكدر ...

‎- من عرفتج لحد الان بَــس تفكرين بنفسج و المصيبه هَـــذآ كاتل نفسه عليج .. يحجي ويأشر على گلبه‎ ..

- هاي مو انانيه خلي نفسك بمكاني ترضاها واحد ثاني يشاركك بيه ؟؟

من حجيت هَــيچ حسيته بده يفقد اعصابه و كف و بالكوه كامش ايده حتى لا يضربني ‎..