خيالي

مفاجأة

صح اتفقت وياكم اليوم ماكو نشر بس لعيون المتابعات الي طلبن بارت يطمأنون بي ع آسر حنزل هالبارتوت الصغيرون وباجر ان شاء الله تكمله باقي البارت ...

استمتعوا بالقراءة 😚😚

مساء العافية ...
خيالي ...
البارت 4 الجزء 2

الي صار ويا آسر ... جانوا دازيلهم تهديد علمود ارض زراعيه ثائر مشتريها و مسجلها بأسم آسر و هو اكثر من واحد يريد هاي الارض لان مكانها للزرع كولش بيرفكت ...

المهم هاي العشيره اصلا جان بينهم و بين عشيرة آسر عداوة يعني مو على صلح المهم الي صار دازين تهديد و آسر عرف عن طريق مرتضى لأن بوقتهه علاقة آسر وثائر خربانه كولش بحيث انتهت بطرد الشيخ لاسر واسر بعد لاحضر كعدة ولااجتماع عشيرة لان الشيخ لاخابرة ولادز عليه من عرف اسر بالتهديد طلب يخلون حمايه لثائر بس ثائرجان رافض هالشي لذلك جان آسر دائما وراه وراه يتبعه مثل ظله من يطلع هو يحميه بدون ميحس ...

فد يوم سيارتين كطعوا الطريق على ثائر ونزلوه من سيارته و ضربوه على راسه وماگدر يقاومهم لان فقد الوعي ورادوا ياخذوه هنا آسر نازل عليهم بالسلاح ومانعهم ياخذون اخدوه بس همه هوايه وجايين وجايبتهم نيتهم الموزينه كولهم شر وخاف لايكتلون اخوه و هو وحده كال الهم اخذوني الي و عوفو ثائر ميفيدكم لان الكاع بأسمي اني فأخذوا آسروتركوا ثائر الي جان مغمى عليه ...

كولها جانت واگعه براس آسر من جهه يفكر بيه و بمشاكلي و شلون يرجعني ومن جهه رفل و مصايبها و من جهه مشاكله ويه ثائر لحد ماوصلنه لنقطه خطفه ...

أنكلبت الدنيا ع الشيخ والي صار بأخوه مصايرة عدهم هاي واحد هيج يتجاوز الحدود بالاستهتار والعفرته ويخطف اخو الشيخ ...

أذوه ل آسر هوايه ضاربيه لان مقابل يبيعلهم الكاع اني أعرفه كولش زين من يعاند لو يوصل للموت المهم حقه ميضيع ...

الي خطفوه يعرفون نقطة ضعفه صدره وكل شويه و خانكينه ...

الرجال الي خطفه عندى ثار ويه آسر من قبل وهو يكرها لاسر لان بسبب آسر ابنه دخل السجن لان أغتصب بنيه ورادوا يزوجوهه الي اغتصبهه ومفضوح الخبر و واصل الموضوع للشيخ وآسر متدخل و بيومها اجوي على عشيرة اسر حته يصير الحل بين العشيرتين و آسر رافض حل زواج المغتصب من البنيه ومدخل الولد السجن ...

فهو أذه آسر بسبب هالقصه وأذاه اكثر من شافه هيج قافل ميقبل يتنازل عن الگاع آخر شي الرجال مخابر على الشيخ وگايله قنع اخوك يتنازلي عن الكاع لو اقتله و ثائرظل يتوسل بآسر بالتلفون ينطيهم الكاع متسوا وخلي تولي وگاله اعوضك گاع احسن منهه و آسر كل هالكلام مو بعينه ولاهامه نفسه اصلا جان يجاوب الشيخ يگوله نماء مااريدها تعرف لاتخبروهه هي حامل ليصير بيها شي و اني ماكو يمهه ...