خيالي

مشهد مستقبلي

نماء الورد ...

مر أسبوعين من طلعت من المستشفى والوضع نفس الشي ‎لا  مَــل مني و لا آٌنّــي دا اتقبل الوضع ...

بطني بدت تبرز شويه صرت حامل اربعة اشهر ونص تقريبا وحته سالفه الحمل لحد الان ممتقبلتهه ...

خلصت عشه و آسر اخذ الصينيه و طلع ... سمعت صوت تلفون دك ناسيه بالغرفه رحت ؏ــليه ركض جنت اريد بَــس اوصل ل اهلي چَـــآن المتصل حارث سده ...

لازمته بيدي بس انتهت الدگه رأسا دخلت ؏َــلىٰ الارقام دا اريد اتصل ؏َــلىٰ ياسر وصل مسج مَــن حارث مكتوب " ابشرك التحليل متطابق " ...

رأسا اجه أبالي اسر مسوي تحليل dna حته يتأكد مَــنْ الابوه ذبيت التلفون حتى متصلت ؏َــلىٰ اهلي و رجعت گعدت بمكاني احاول اتماسك بس اني منهارة وتعبانه وعقلي يريد يوگف من التفكير آسر شنو يدور براسه معقوله لسه ممصدگني معقوله مصدگهم ووصلت بي يسوي تحليل ابوة حته يتأكد هو اب اطفالي لو لا ...

دخل هَــو اخذ تلفونه جنت كولش مركزه بملامحه فتحه شفته ابتسم عافني و طلع قفل الباب وراح ...

بيومها كرهت نفسي و كرهت اسر اضعاف كرهي اله وصلت بي يسوي تحليل أبوة لو مَــآ هَــو يدري الخمس سنوات الفاتت مباوعت ؏َــلىٰ غيره وهو مو يمي ولا مرتبطين بعلاقه يعني مَــن صرت اله اروح ادور ؏ــليه ...

گمت وگفت گبال المرايه ... وين جنت قبل كم شهر ‎و هَــسة شَــصآيـر بيه شَــلون جانت حَــيآتـيٰ اتمنيت لو ميته بيوم الي انضربت طلقات لو مجايه للبصره وشنو ذنب هل طفلين يجون لهيج حياة و لهيج اب ...

اذا اسر هيج يفكر لعد العالم شلون راح تفكر بيه والله اموت احسن ...

ظليت الوب بالغرفه كولش اختنكت اليأس و الاحباط الي جنت عايشه بي اكلني اكل ...

كمت ‎ضربت العطر بالمرايه انكسرت صارت اشلاء شلت قطعة صغيرة من القطع المكسورة مال المرايه ...

بيومها مااعرف شَــلون وليش فكرت هَــيچ بَــس ردت ارتاح ... فكرت بالموت هو وسيلتي الوحيدة للخلاص من هالظلم ... فكرت اقهر آسر و أأذيه مثل مديسوي بيــه ...

صدوگ جنت ناويه اتخلص مَــنْ هَـــذآ الوضع حسمت أمري و كمشتها القطعه و ايدي ترجف خليتها ؏َــلىٰ ايدي قوي ‎انجرحت وبلش الدم يطلع ...

جنت اباوعله واحز بالگزازة ع الجرح لان مجان عميق وجنت احاول اتعمق بي ... ماحسيت بألم فاقدة كل أحساس مادي بالالم عدى الم روحي الي أدت بيه لهنا لهذا الموقف للانتحار ...

فززني صوت ... صوته ...

هاي شدتسوين ؟؟

گالها مفزوع وبصوت عالي راد يتقرب يمي ...

هددته واني اشوفه شلون حاطه الكزازة ع ايدي واني اصلا جارحه نفسي ودمي يجري ...

ابتعد لتتقرب ...

ديشوف الدم وديشوفني جادة بتهديدي بس بعيونه نظرة اعرفهه ... يريد يتقرب ياخذ الگزارة من ايدي ... يدري بروحه جسديا هو اقوى مني ويكدر بثواني ياخذهه من ايدي بس اني ماريد ... اريد انهي حياتي ... اريد ارتاح ...

شلت الكزازه خليتها ؏َــلىٰ رگبتي حته يعرف اني جادة وميتقربلي ...

هَــو شكله چَـــآن ‎خايف ظل واكف ...

لتسويها نماء اروحلج فدوه ...

صرخت بحرگه گلب حبه مثل حب طفله لأبوهه ...

كوله بسببك آْنَــْتُ متصدكني والله مو فوني اني جنت احبك الك شلون تفكر بيه ممكن اخونك والله مو فووني ‎...

مصدكج والله بَــس ذبيها للكزازة الله يخليج ...

يحجي و عيونه ؏َــلىٰ ايدي التنزف ...

كذاب والله ...

ابجي و أحچَــيٰ ...

مصدگني و تروح تسوي تحليل الابوه حته تتأكد ذوله اطفالك لو لا ...

‎ كولش استغرب ...

يا تحليل والله ممسوي شلون اسوي هيج أسف لان اذيتج و ضربتج و اعرف والله مو انتي مسويتها ...

لتكذب ... صرخت ... لتكذب اني شفت المسج الي وصلك من حارث ... بَــ؏ــد مااريدك شكد جنت احبك هَــسة بكد حبي الك  اكرهك ...

اوك كرهيني ‎بَــس ذبيها خلي نحجي وربج ممسوي تحليل مفتهمه غلط ...

يا آسر الا أأذيك و أحرك گلبك مثل متأذيني مو تگول لاتعوفيني مثل ماأهلي عافوني اني ماريدك بعد اريد اعووفك ... أكرهك ...

خليت الگزازه كولش  قوي ؏َــلىٰ رگبتي ......

يتبع ...

هلاو شلونكم ... مشتاااقتلكم كووومات ...
هذا مشهد مستقبلي عن الجزء الثاني للقصه  والمشهد كارثه نوويه واي خبيثه ادري بنفسي

هواي سألوني عن وقت نشر الجزء الثاني ما عندي وقت محدد اريد هالغمه تفض ع خير ونرجع لدوامنه وحياتنه الطبيعيه يا له وراهه انطي موعد لان اشتراكي 3جي وشغله ثانيه ماريد اتورط بقصه برمضان وحتلو الله هداني  ورة رمضان ومو أكيد گلت اذا الله هداني ...

تصبحون ع خير ...