خيالي

البارت 19

مساء المانوليا ..
خيالي ..
البارت 19

نماء الورد ..

شنو اگدر اگول ظليت ساكته و هو هم محجه شي بعد .. بس ايده يحركها على شعري خلاني اغفى بهاي الحركه كعادتي  ...

فزيت على كابوس .. هو هم فز ويايه .. جان حاضني من رجف جسمي حس ..

ظليت ابجي يمكن اكثر ليله بجيت بيها  .. و هو يمسح بدموعي ويهدأ بيه و يريد يسكتني ...

اني اشوفه هيج يسوي ويايه ابجي اكثر .. حسيت بالذنب تجاهه ..

لو اني بمكانه و صار بيه هيج  وعيرني لو اموت مااسامحه ...

اخر شي تعب خطيه  فنام و نومني بحضنه ..  خله راسي على صدره ووجهي مواجه لصدرة يعني صرت مااشوف شي ..

ايده على راسي  .. تركني براحتي ابجي .. و هو ايده يحركها بشعري ..

كل شويه ادفن راسي اكثر بصدرة لو اشهگ ويقرالي ايات قرآنيه همس فوگ راسي  لحد ماغفيت ..

نايمه و حسيت بي   كعد  راد  يگوم  .. جلبت ايدي بملابسه  قوي .. و اني مغمضه شبه گاعده ..

تعلگت بي مثل ما تتعلگ طفله بأبوهه وهو عنده فيض حنان ...

رجع نام تقربت منه اكثر .. ظلت ايده على شعري يمسد بي .. رجعت غفيت .. حسيت على صوته يحجي ويايه على كيف ..

-گمري خيالي كافي نوم لازم تكعدين تاكلين علمود تاخذين علاجج ..

فتحت عيوني نايمه على نفس وضعيه الليل .. رفعت راسي باوعتله صارت عيني بعينه .. ابتسم ..

-صح النوم يابه ..

رجعت راسي اله دفنته بصدره و عبرت ايدي من يم ظهره ..

- بويه انتبهي الكانونه لتشوغ روحج ..

سألني .. نمتي زين .. ؟

هزيت راسي اي ..

- احلى نومه نايمها اني .. باس راسي ..

-يلا حبيبتي گومي وراج علاج و عندي طلعه رفعت راسي رأسا ...

-وين حتروح ؟ تطول ؟

-رايح لبيت عمي علمود موضوع رفل ..

رأسا ابتعدت عنه .. عبالك جنت ناسيه هذا الموضوع او اني دا أتناسى ..

حس عليه .. سألني ..  شبيج ..؟

- ماابيه شي ..

سكت بس ظل يباوعلي بحيره .. انداريت عليه .. 

- جوعانه ..

- صار .. هسه اشوف هديه مجهزتلنه الريوگ ..

گام لبس تراكسودة لان جان لابس بس الداخليات ..

ربع ساعه هيج ورجعلي وبيدة صينيه الريوك ..
تريگنه و رجعت ذبيتها سايلنت و هو شافني هيج هم محجه شي ..