مساء القرفه ...
خيالي ...
البارت 7 الجزء 2
😁😁الدرج قضيتنا 😁😁 أقروا وهسه تعرفون ليش 😘
آسر ... والباقين راح اطلع حقج منهم ...
منو همه الباقين ...
انسي هسه مااريد ينفتح هذا الموضوع اكرهه ...
سكتت واني افكر ... آسر ابد مدايحجيلي تفاصيل عن الي ديسويه وكل الي عرفته سابقا هديه سولفته اليه وهو سولفلي رؤوس اقلام بس ودائما يتهرب من تفاصيل الموضوع ...
ظليت افكر بالموضوع وگلت بس تجيني هديه اسألهه هم اكو شي جديد بالموضوع هو قاطع تفكيري ...
اكو كلمه مرة گلتيها الي من جنت حابسج لحد الان ادوگ بگلبي ...
شنو هي ...
گلتيلي جنت دائما تكول الا انسيج الي صار و صدوك اذيتك نستني ...
مو من گلبي حجيتها انت صح اذيتني و هم كولش اذيتني و مجنت متوقعه اوصل لهاي الحاله وياك بسر الي حجيته من حركة گلبي ...
بس موقفي مچان سهل ... حطي نفسج بمكاني ..
يمكن لو اني شايفه المسجات بتلفونك جان تركتك اني اتحمل كولشي الا الخيانه ...
عيوني متشوف غيرج ...
افكسهن ع شافن ...
خزرني ... لججج احجي ويايه بأدب ...
ابتسمت حضنته ... اسفه ... خلي ننسى اتمنى انسى كولشي ...
تنسين حبيبي بمرور الوقت تنسين كولشي ومادام اني يمج ابد لتشيلين هم شي ...
...
و مرت هاي الفتره على خير مجنت ابد اشيل شي ثكيل علمود ايدي كم مرا كال خلي نروح دكتور و اني ماارضى و هو مخليني ع راحتي مضغط عليه ...
بيوم اجاني مقهور و ضايج كولش سألته ... شبيك ...
جاوبني .. ماابيه شي ...
تتغدا ؟..
متغدي ببيتنا حارث مسوي ثواب ...
سبح و بدل و هو ساكت .. و بسرعه نام معرفت شنو بي .. كعدته داريد ارضعهم و طلبت منه يساعدني لان اثنيهم كاعدين سوه ...
كعد .. اخذ علي مني .. كاعده ارضعهم .. خله راسه على جتفي ...
شبيك ضايج عمري ...
مشتاق لاهلي ...
من حجاها متت قهر عليه .. عمري لحد هسه مناسيهم و يفكر بيهم ... معرفت شنو اجاوبه ...
اوووف حبيبي اني اهلك ...
باس خدي و رجع لوضعيته ...
ابد مااحلم بيهم ابد و اخواني دائما يشوفوهم بمناماتهم خصوصا امي دائما تجيهم بأحلامهم واني عمري كوله بس اربع مرات حلمت بيها و بهاي الاربع مرات بس من اكون بمصيبه ...
