خيالي

البارت 27

مساء الخير ..
خيالي ..
البارت 27

نماء الورد ...

اتحرك اشتغل بالمطبخ وهو  كاعد مخلي ايده جوه حنجه .. صافن عليه ..  كل متجي عينه بعيني يبتسم ...

‎قدمته اله قطعه من الكريب .. اكلها ..

- ها شلونها ..

-طيبه حبيتها ..

- لتجاملني احجي الصدوك ..

- والله كولش طيبه  عاشت ايدج .. هو اكو شي يطلع من هل ايد مطيب ..

طلعت البيتزا   و هم اجه اخذله قطعه اكلها ..
-  والله طلعتي نادره ...

-اي نيالك عليه ...

-باجر اجيبلج باجه علمود تنظفيها وتطبخيهه لان اني احب الباجه ..

- لا عفيه  مااعرف ونفسي تلعب منهه ...

-تعلمي من النت  ..
معليه اسر والله اذا جبتها والله مااطخها .. حتى ماادخل المطبخ بعد ..

‎ضحك .. اشاقه وياج حبيبتي ..

دخل ثائر وحارث سلموا عليه .. انتبهت على آسر منزل راسه ياكل و من جاوب على اخو مباوع بوجهه ..

  سأل الشيخ و عينه على آسر .. البنات رجعوا ؟

آسر مرفع راسه و باوعله مدنج راسه و دياكل .. جاوبته اني ..  لا بعدهم  ثائر ..

حجه ويا حارث .. خابر عليهن خلي يرجعن لايتأخرن  .. و حاچه آسر .. گاله .. تعال  ‎وياي للديوان اريد احجي وياك ..

-جاوبه دون ميباوع عليه .. جاي سيد ..

طلعوا ثائر وحارث راحوا للديوان من طلعوا رفعت   الشال شويه .. نزلت  خصلات من شعري على وجهي ..

- لج شعرج ظميه ...

خنزرت بوجه ...
لدكول لج ...

بووويه ...  باع العيون .. اسف نسيت .. 
تقرب يضم شعري يحجي ويايه و عيونه مركزه على الشال شلون يعدله   ... مره ثانيه ‎مااريد اكول شعرج انتبهي ...

- والله اختنك مَــنة ...
ميخالف اختنكي ...
برودك مرات يموتني ...

ابتسم گال ... مو مثل برودج الي اشوفه يوميه ...
جاوبته بوجه بدون ملامح وعيوني بعيونه ...

لازم هيج والا جان صار بيه شي ...

تنهد  .. ضاج من ردي .. عافني وراح لحگ اخوه للديوان ...

شويه اجوي البنات وراحن لغرفهم يبدلن ويرتبن غراضهن ...

نزلت لي هديه اول وحدة ...

- سويت بيتزا وكريب  و انتي كملي الباقي ...

‎
و صدوك هديه كملت الباقي .. اني  رحت صعدت لغرفتي  .. شف  اسر ‎ديدخل لغرفه رفل .. سويت نفسي مشفته بس هو ظل يباوع عليه لحد مدخلت غرفتي ...