خيالي

البارت 16

مساء الخير ..
خيالي ..
البارت 16

نماء الورد ..

ثاني يوم جنت نايمه .. حسيت هديه دتاخذ ابنها من الغرفه وآسر ماكو .. انتبهت عليه كاعده ..

- اسفه كعدتج بس اجيت اخذ مصطفى ..

- عادي خليه يمي .. بس قبل مطلعين اريد احجي وياج ..

اجت يمي كعدت ..

- آسر شبي البارحه ؟

- لتشيلين هم ..

- احجيلي اريد اعرف ..

- آسر انفصل من دوامه لان صارله فتره ماكو و راد اجازه الولد الي يداوم هناك يصير كرايبنه من بعيد ميقبل ينطيه اجازه واحد حقير و حسود ..

- هسه انفصل ..

- اي انفصل ...

كلش ضجت و اختنكت  ليش هيج ديصير ويايه .. ماكو شي ديمشي عدل ..

هديه طلعت ..  شويه دخل آسر ..

- ها كاعده صح النوم ..

- اني صرت احسن اكدر اظل وحدي ارجع لدوامك ..

استغرب من كلامي .. هديه حجتلج ؟..

- .. مااريدك تتأذه بسببي اكثر عفيه ارجع لشغلك اجه كعد يمي..

-مو انتي السبب اني تركت الشغل لان معاجبني ..

-لتكذب آسر ..

- اني اريد ارتاح اول متخرجت بديت اشتغل اريد اخذ فتره راحه بس احس نفسي مستعد ارجع لدوامي و مالج علاقه بالي ديصير .. اشر بأصبعه على راسه  ...

عقلي براسي و اعرف شنو داسوي ارتاحي و لتفكرين بغير شي باس كصتي و كام .. رجع اندار عليه ..

-هذا الموضوع مااريده ينفتح مره ثانيه و لا اريدج تفكرين بي  ماشي ؟

سكتت عيوني عليه مختنكه  ..

رجع كعد لزم خدودي بين اديه .. ماشي ..؟

-هزيت راسي  تمام ..

اتذكرت فلوس المهر..

- آسر فلوس المهر هوايه و اني ماريدها كافي الي صرفته من جنت بالمستشفى ..

- اذا متريديها انطيها ل اهلج هذا حقج ..

- حتى اهلي ممحتاجين ..

- فلوس الفديه مالتج تكسر الظهر .. حاولت اساعد ولو بجزء صغير ..

-بس اهلي ملعبوا بيها و مخليها بحسابي عفيه اخذها  حتى ارتاح ..

- عوفيها بالحساب هذا حقج مثل كل بنيه  سدي الموضوع

سكتت ..

رجع كال .. مو ردتي تسبحين بس لازم الجرح ميطخه مي كال خلي اشوف هديه تكدر تساعدج ..

وگام طلع من الغرفه يشوف هديه فارغه لو عدهه شغل علمود تفرغلي شويه و تساعدني ..