مساء العسل ...
خيالي ...
البارت 13 الاخيييير
صحت بصوت عالي نبهته ...
آسر !!!
التفتت بسرعه بأتجاه السيارة الي جايه سريع بأتجاهي باوعلهه آسر وحاول يلوف بس الشارع سايد واحد واكو سيارات ...
بس لاف ولان جان يسوق سرعه ماسيطر ع السيارة حسينه السياره افترت بينه قوي و جان يحاول يسيطر عليها بس مكدر أفترت ووگفت مكانهه والسيارة متوجهه ناحيتي هو رأسا سحبني اله بقوة و نومني بحضنه و نام فوكايه حسيت وأنضربنه ...
الضربه كولش قويه من جهتي صارت مجنت فاقده الوعي بس مصدومه خفت على اسر اكثر من نفسي بس هو نايم فوكايه و ميتحرك واني ظليت نفس مكاني متحركت رفع جسمه عني لزم وجهي گالي تسمعيني هزيت راسي على كيف بمعنى اي كتله بيك شي كال مابيه شي نزل من السياره اجه من جهتي بالگوه فتح الباب السياره من الصفحه مالتي متعقجه عبالك ورقه من واحد يشوفهه يگول شلون هيج صاروگدرتي تطلعين سلامات والله لو ما اسر ساحبني لحضنه جان تعقجت ويا الباب ...
راد ينزلني من جهة الباب مالته مگدر رجلي محصوره من شفت منظرها يلا صحيت على وجعها شكد حاول ويايه ماكو متتحرك بس يعتها شويه اتأذه كولش لان من سحبني لحضنه ع السريع قبل لاتنضرب سيارتنه مااجه جسمي كوله عبرت رجل لجهته والرجل الثانيه بقت ومن صارت الضربه من جهتي وتعقجت الباب انحشرت رجلي وانحصرت بين جدار كرسي الصدر من جوة وبين باب الصدر الي دخل داخل السيارة من قوة الضربه ...
فتحة الفستان عمت عليه طويله جانت و من سحبني لحضنه الفستان انرفع والسحابه انفتحت ورجلي طلعت ...
الناس بدت تلتم علينه وهو نزع سترته و غطه رجلي بيها كال ...
دتحسين بيها حاولي تحركيها ...
اي داحس ...
ماشي لتخافين ...
مخايفه ...
لزم راسي حضنه جنت امثل القوه من سوه هيج بجيت شافني ابجي نزل يمي ...
هسه تجي الاسعاف لتخافين ...
انتبهت على ايده دتنزف مجروحه بس دم هوايه عليها مغطي كف ايده ...
اسر ايدك ...
مابيها شي حبيبتي ...
صرت ابجي أكثر ... منظر الدم يسويلي رعب ... هو عرف ليش داابجي والدم يزيد خوفي راح لفها بجاكيت مخليه بسيارته حتى لا اشوف الدم ...
الاسعاف طولت و الطريق انكطع رجلي بديت افقد الحس بيها وآسر ميعرف شيسوي كل شويه مخابر واحد من اخوانه اني بديت اتعب كولش ...
هي جانت دقايق بس صعبه كولش مرت عليه حسيتهه ساعات من شدتهه ...
شكلي و منظري و الناس كولها تباوع عليه ...
