مساء العسل
خيالي ...
البارت 12 الجزء 2
ماگدرت اختصر الاحداث ببارت واحد لأن تفاصيل هواي وحبيت كولشي اذكر لان ماشاء الله من اقرة تعليقات البنات واسئلتهن مسويات دراسه شامله عن البارت نابشاته نبش 😂😂😂 فاليوم بارت وباجر لو عگبه بارت اخير أن شاء الله اذا ماطلعتلي ست نماء اضافات بعد ...
ها واليوم الچاي قضيتنا 😂😂😂 أقروا وتفتهمون اني اكتب وساعه اسوي هيج 😂😂 وساعه هيج 😲😲 ...
الخبال يقرا الففف ...
قراءة ممتعه ... نبدأ ...
استمر ألحاح ثائر حته يروح وياه آسر لسيد يشوف حل لنفسه وآسر نهائيا ممقتنع بالسحر ولا بالسيد ومتزمت برأيه هو سوة تحاليل وحارث عادله التحاليل وماطلع بي شي عضوي كوله سليم بس بقت الخنگه وبقى الم راسه وحالته من سيئ الى اسوأ ...
آسر بدة يفقد صوابه من الشيخ الي گام كلما يشوفه يفتح وياه موضوع يروحون للسيد واسر لو يصيح ويتعارك لو يعوف البيت ويطلع ... حرفيا ثائر خبله بسالفه العلاج يم السيد ...
من عجز ثائر من آسر جابله السيد للبيت ...
آسر جان نايم بالأستقبال ... هو من بدت سالفه السحر واني والتوأم استقرينه ببيت أهله آسر گام ينام هناك مو يمنه ...
فآسر جان نايم بالأستقبال گعد فاز من نومه ع روس داير مدايرة ...
من يتلفت ب عيونه بينهم عرف بس اخوه الشيخ
والباقين منو... سألهم ...
جاوبه ثائر هذا سيد فلان جبته ديقرا عليك ... گام يصيح آسر وطردهم كولهم من البيت وتفشل ثائر ورجعله عاتبه أسر گله بعد لتسوي هيج اني مو صغير و مو من حقك تجبرني ع شي مااريدة وماامن بي ...
بس ثائر مابطل محاولات وهم جاب لأخوه سيد وهو نايم للمره الثانيه بحيث يفز آسر من نومه يلگه ناس غربه داير مدايرة ...
باوع لأخوه وهو محذرة يكرر الي سواه قبل يومين وهم گبت العيطه وگام يصيح آسر وهو منا روحه طالعه و صارله شكم يوم بدون اكل وبدون نوم وتالي من ينام بالگوة يكعود يلگه ناس فوك راسه دتقرا عباله الملائكه 😂😂😂 ...
بيومها لزمهم كولهم طردهم تدفع دفعهم من البيت
عوزة بس يسحلهم سحل ليبرة و ظل يتعارك ويا ثائر
الي ظل باهت صافن منصدم من تصرفات اخوه العاقل الرزن ...
والله كولنه انصدمنه من ردة فعل آسر ورجع بالاستقبال فلش الدنيا تفلش ماخله شي گدامه صاحي شكو شي يصير گباله يكسرة ويصرخ بصوت عالي على ثائر ..
الي دتسويه ديأذيني اكثر ديخنكني اكثر من يقرا السيد دااختنگ ...
اني و هديه و البنات جنه بالمطبخ نخاف نروح للاستقبال ندخل و هو جان يصيح بخبال ..
