أبناء العم بقلم/هبة وجيه

Part5

بدايه ظهور الشمس كانوا جميعاً يخطون اولي خطواتهم داخل هذا المنزل الكبير او لنعطيه حقه فهو ليس بمنزل بل شبيه بقصر رائع وجميل تحيط به الخضرا من كل مكان وخارج اسواره الأراضي الزراعيه التي يمكن رؤيتها من خلال شرفه  القصر

"نورتونا والله يا چماعه"

قالها كبير هذا المنزل وهو الحج اسماعيل ابن عم سليم الاسيوطي وصديقه الأقرب  وهو من يتولي اغلب الأمور  نيابه عنه  هنا

...احتضن الاصدقاء بعضهم بشدة ف بسبب كثره مشاغل سليم الاسيوطي قليلا ما يأتي الي هنا

قضوا قرابه الساعه وهم يلقون السلامات ما بينا نساء ورجال العائله
واخيرا تركوهم بعد تناول طعام الإفطار الذهاب الي الغرف حتي يستريحوا من عناء السفر

تجمع الفتيات في غرفه كبيره نوعا ما برغبتهن

تسنيم بغضب" أنا مش فاهمه ليه كل مره بيقنعونا نيجي هنا ونوافق  ليه اصلا نيجي !"

مي بسخريه وهي تقلد اسماعيل " ايه ياسليم اللي مخلي بناتكم تلبسه ده مش ملبسهم جلبيات ليه عاد والصغيره دي بشعرها ليه "

حور بغضب لاول مره يروه" أنا لا بابي ولا جدو ولا اي حد من اخواتي اتكلم معايا علي الحجاب ودايما يسبونا براحتنا لحد ما نلبسه عن اقتناع هو ماله بيا بقي"

رهف"لا بس جدو احترم أننا واقفين ورد بهدوء عشان ميكسفوش "

حور وهي تنظر لرهف" اهو جدو اسماعيل نسخه من اخوكي ماشاء الله هو وجاسر فوله واتقسمت نصين 
جاسر كل ما يشوفني يقولي ايه ياحور هانم مش هتتحجبي ولا ايه"

رهف وهي تؤكد علي كلامها"عند حق يابنتي والله كل ما اعدي من قدامه يقولي ايه يا استاذه رهف مش ناويه تغيري البناطيل دي ولا ايه  مع أن كل بناطيلي واسعه جدا بس انا اصلا قررت اعمل زي تسنيم واغير البناطيل "

لم تشارك تسنيم في الحوار لأنها وببساطه ما أن سمعت اسمه حتي شردت فيه وفي كلامه وشخصيته  وقلبها الخائن يشتاق  له بعد أن قررت نسيانه

*****★****★******

_ طب احنا اتكلمنا ف الموضوع ده قبل كده بس الاصول اني اتكلم ف بيت اهلها برضوا ف إحنا بنطلب ايد حفيدتك ل زين
يا اسماعيل

_  وانت عارف اني موافق من وقت ما كلمتني

_ نتكلم ف المفيد بقي طلباتك ايه

_قبل اي حاجه أنا عايز اشوفها واتكلم معاها لوحدنا

نطق بها زين بجديه لا تقبل النقاش

_   حقك طبعا

_ حقه ازاي يعني ياسليم مينفعش وبعدين ايه يتكلم معاها لوحدهم دي

_اها حقي ياحج اسماعيل وبعدين سهل جدا يعني أننا نقعد ف اي مكان مفتوح هنا ونتكلم عادي والارض قدامنا اهي وممكن تبقي ف البلكونه وهتبقي شايفنا