لم يسبق له الشعور بالخوف في حياته ، ولكنها تجعله يعيشه لاول مره الان كما جعلته يعيش اشياء كثيره لاول مره معها... يشعر وكأن شئ ما يقبض علي قلبه حتي كاد أن يخلعه من رعبه عليها الآن ، ساعات مرت عليه وهو جالس أمام غرفه العمليات يتذكر كلمات الطبيب وهو يسلمه أبنائه وعندما سأله على زوجته لم يقل سوي أنها تحتاج للدعاء فقط وعاد لغرفه العمليات مره اخري.... هذه كله بخلاف جميع أفراد العائلة الذين ينظرون له باحتقارٍ شديد دونًا عن جده ونظراته الناريه ،، تنهد بثقل و هو يحول نظراته تجاه غرفه العمليات مره اخري ... مرت دقائق اخري عليه شعر بها كأنها سنون حتي قطع عليه تفكيره خروج الطبيب وهو يتقدم باتجاههم ، تقدموا جميعا منه ولم ينتظروا أن يصل هو لهم اولا ، اما عنه فلم يستطيع التحرك من مكانه يشعر وكأن ساقيه من الهلام إذا وقف سيقع على وجهه...نظر للطبيب بتيه غريب عليه فدائماً ما كان "زين الاسيوطي" منتبه لكل ما حوله بنظراته الواثقه ولكن لكل شخص وقت ...
نظر لهم الطبيب بشفقه لمظهرهم ثم حزب نظره لزين وهو يقول بأسف
_ حضرتك المريضه جايه بإصابات كتيره ومش سهله خالص غير الولاده والنزيف بتاعها ، ثم أخذ نفس عميق وهو يقول مره اخري
_ بس الحمدلله يعني قدرنا نسيطر على الموقف و إللي ساعدنا في ده أن فصيله دمها موجوده بكثره ف المستشفي ف قدرنا نعوض اللي نزفته ...هي حاليا اتخيط جرح رأسها بس هيبقي ليه اثر يتعبها فتره بس أن شاء الله يخف ، اما رجلها اليمين اتجبست عشان كان فيها كسر وكمان في ضلعين مكسورين ،اما بالنسبه للطعن اللي ف جنبها اتضررت الكليه اوي بسببه واحنا حاولنا كتير ننقذها بس للاسف مقدرناش ف تم استأصالها بعض أمضة الباشا
قالها وهو ينظر لزين ليصمت وهو يري الصدمه على وجوههم وزين اللي هربت من عينيه دمعه خائنه ، ليزفر بثقل وهو يكمل
_ احنا حاليا حطيناها في العنايه تحت رقابة شديده عشان نتابع أداء الكليه التانيه اللي هنعتمد عليها دلوقتي ... احنا هنمشيها على كام حاجه كدا تساعد نشاط الكليه وهي من الوقت نشاطها هيزيد لوحده أن شاء الله ومش هتبقي محتاجه لحاجه ، بس هتفضل ف العنايه لأربع ايام كدا ومن غير اي زيارات خالص عشان صعوبه الإصابات وبالخصوص الكلي اللي سهل جدا يحصلها تلوث أو التهاب وان شاء الله الكليه التانيه تستجيب للجسم بسرعه وتقوم بكل اللازم و ده مش هيخليها تتعب .... اما بقي بالنسبه لنزيف الولاده اللي كانت جايه بيه ف بصعوبه قدرنا نسيطر عليه والا كنا هنستأصل الرح....
لم يستطيع أن يكمل كلامه بسبب جمله مصطفي الوقحه
_ اايييه يابومه في ايييه انت لسه هتكمل وتقول نشيل تاني هي البت بقي فيها أعضاء اصلا ، امشي يعم انت من وشنا امشيي
نظرت له والدته بغضب وهي تنظر للطبيب بإحراج فقال لها
_ مالك بتبصيلي كدا ليه انا مغلطتش هو انقذ الموضوع زي م بيقول ف خلاص بقي مش لازم ييجي يوجع ف قلب اللي جابونا اكتر ماهو موجوع
أنت تقرأ
أبناء العم بقلم/هبة وجيه
Romance_زيجه تقليديه خاليه من الحب هل ستبقي هكذا كثيراً ام للقدر رأي آخر _عشقها ولكن عشقهم مرفوض لصغر سنها مقارنه به هل سيدوم إصراره عليها ام يتأثر باخري؟ _ قدمت له كل شئ وهو لم يعطيها شئ بل تجاهلها ودق قلبه لاخري هل ستبقي تحبه ام يتبلد شعورها نتيجه تجاهل...
