فاقت من غيبوبتها المؤقته لتكن عيناه الحزينه هي أول ما تشاهد ...
نظر لها بعتاب والحزن يمزق قلبه على ما وصلت له بدون سبب من وجهة نظره
_ينفع اللي خلتينا نوصله ده من غير اي سبب يستاهل كل ده اصلا؟
قال بعتاب لترد وهي تحاول أن تحبس دموعها حتي لا تحزنه أكثر
_ يعني انت شايف انك متبقاش اب دي حاجه متستاهلش
خرجت نبرتها مخنوقه ليرد عليها بعصبيه شديده
_ انتي عايزه تجننيني يابنتي هو ايه اللي مش هتبقي اب ومش هتبقي نيله انتي خلاص قررتي انك مبتخلفيش من نفسك كدا حتي دكتوره مش عايزه تتنيلي وتروحي تشوفي احنا لسه مكملناش ست شهور متجوزين عايش نصهم نكد بسبب ايه ! ان الهانم محملتش زي الباقي انتي اصلا خلتيني المسك غير كام مره ميتعدوش ع الصوابع !!!!!! انتي المفروض هتبقي دكتوره ياهانم يعني فاهمه كويس بس انا شايف حماره قدامي منكده على نفسها وعليا من غير اي سبب وبتطلب مني اتجوز أنا زهقت بقي اقسم بالله ده انا متهنتش معاكي شهر علي بعض بسبب عمايلك دي !!!
نظرت له وهو يغادر الغرفه بدهشة كبيره فهي و لاول مره تراه بكل هذا الغضب هي لم تراه غاضب من قبل فهو دائما هادي بارد الأعصاب لا يمكن لشئ أن يغضبه بسهولة....
انتفضت بذعر وهي تسمع صوت باب الشقة يُغلق بعنف ..
لم تمر لحظات لتسمع صوت جرس الباب
مسحت دموعها وقامت سريعاً لتري من ، وما أن رأت والدتها حتي انفجرت في البكاء مره اخري وهي ترمي نفسها بين احضان والدتها لتقول
_ ماما أنا عايزه أطلق
قالتها ببكاء شديد لترد عليها الاخري بزعر
_ اهدي يابنتي مالك بس احمد ضربك
لتهز رأسها بالنفي سريعاً ، لتقول والدتها مره اخري
_ قالك حاجه ضايقتك؟
لتعود وتهز رأسها بالنفي مجدداً
_ اومال مالك يابت الهبله عامله مناحه وعايزه اطلق يا ماما ليه
_ أنا مبخلفش يا ماما
تماسكت والدتها بشده حتي لا تبكي وهي تقول
_ يعني ايه يا حبيبتي اكيد فيه امل واحنا هنغير الدكتوره ونروح لغيرها متيأسيش وبعدين هي الدكتوره قالت ايه بالظبط؟
عقدت مي حاجبيها وهي ترد
_ يا ماما هو أنا هستني لما الدكتوره هي اللي تقولي الموضوع واضح زي الشمس اهو أنا بقالي اد ايه متجوزه ولسه محصلش حمل
نظرت لها والدتها وهي تدعوا الا يكون ما فهمته صحيح
_ مي هو انتي مروحتيش لدكتور صح؟
أنت تقرأ
أبناء العم بقلم/هبة وجيه
Romance_زيجه تقليديه خاليه من الحب هل ستبقي هكذا كثيراً ام للقدر رأي آخر _عشقها ولكن عشقهم مرفوض لصغر سنها مقارنه به هل سيدوم إصراره عليها ام يتأثر باخري؟ _ قدمت له كل شئ وهو لم يعطيها شئ بل تجاهلها ودق قلبه لاخري هل ستبقي تحبه ام يتبلد شعورها نتيجه تجاهل...
