أبناء العم بقلم/هبة وجيه

part 11

مرت عدة أشهر على زواجهم وها هي تجلس
بجواره حزينه شارده في حياتها معه ، هو لم يفعل لها شئ يحزنها و منذ أن تزوجها وحياتهم هادئه لكنها تشعر في بعض الأحيان وكأنه مجبور عليها ... منذ زواجهم وهي لا تدري كم عدد المرات التي اعترفت له بحبها ودائما ما يكون رده ابتسامه بسيطه وقبلة لكن ولا مره عبر فيها هو عن مشاعره

فاقت من شرودها على نبرته التي يظهر بها الحزن بشده

_ قومي يا تسنيم البسي عشان تروحي مع البنات

_ لا أنا هفضل هنا معاك وهلبس من هنا اصلا انت مش عايزني احط ميك اب ف ملهاش لزمه اني اروح

لثم جبينها بقبله حانيه وهو يقول بصدق

_ تسنيم انتي فاضلك ڤولت وتنوري اصلا ف ملهاش لزمه الالوان إللي عايزه تحطيها دي

_ والنعمه انت اللي قمر وعنيك حلوه ومدوخاني

وكعادتها منذ أن تزوجها كلما فكر في شئ يحزنه تُخرجه منه دون شعور منها وكم هو ممتن لها على ذلك
_ اصلا اصلا أنا كلمت مي و رهف وقولتلهم اني مش هقدر اروح معاهم وهما معاها حور و صحابهم و طنط و مامتك وملك

هز رأسه بموافقه  ثم انتبه لشئ ما وهو يتذكر يوم زواجهم

_ بقولك يا تسنيم هو أنا ليه يوم فرحنا مشوفتش حد من اصحابك خالص

_ ماهو انا معنديش صحاب خالص

ظهر الاستغراب على ملامحه بشده فقال وهو يشدها لتجلس على قدمه مره آخره

_ و معندكيش صحاب ليه بقي يا هانم

_ عشان أنا بخاف اتعرف على ناس جديده او أنا بخاف من كل الناس برا عيلتنا

_ ليه كدا يا ماما انك يبقي عندك صحاب دي حاجه حلوه مش تخوف

_ قالها بحنان واصابعه تمر بين خصلاتها

_ يا جاسر انا مش بخاف من الناس ولا من الصحاب أنا بخاف من جرحهم  أنا بخاف اني اتجرح عشان حتي لو الجرح ده جه من حد مش قريب مني هيوجعني أنا قلبي بيتعلق بالناس بسرعه جدا وبيحب بكل طاقته و اقل حاجه ممكن توجعه  وانا مش عايزه كدا ف خليني بعيده ومرتاحه احسن

_ طب والكلية قضيتي السنين اللي فاتت فيها ازاي لوحدك الموضوع مكنش رخم عليكي

_ كان صعب وخصوصاً زي م انت عارف اني بخاف م التجمعات ومبحبش ابقي لوحدي بس كنت بحاول اشغل نفسي لحد م اخلص واروح وأغلب الايام مكنتش بحضر اصلا

أنهت هي كلامها وصمت هو يبدوا انه لم يعلم شيئاً عن زوجته ابدا ، تلك الشقيه المزعجه في أغلب الأحيان بداخلها طفله وحيده خائفه ...تنهد وهو يلثم شفتاها بقبله سريعه وهو يقول

_ قومي يللا شوفي هتعملي ايه قبل م تمشي عشان الوقت خدنا واحنا قاعدين ومش عايزين نتأخر