أبناء العم بقلم/هبة وجيه

part9

ضمها له بحماية وهو يراه يتقدم منهم حتي  وقف امامهم ، اقتربت منه أكثر بزعر حتي باتت ملتصقة به. 

_خير يا اسماعيل بيه

_مش خير واصل يا سياده المقدم

قالها اسماعيل بغضب  شديد  ازداد حينما رد عليه الاخر ببرود

_ ايه اللي حصل بس بسرعه عشان كلك نظر النهارده فرحي أنا ولوكه ومش عايزين نضيع وقت ف حاجات فاضيه

ازداد غضب اسماعيل حتي بدأ صوته يرتفع نوعا ما ولكن ليس بدرجه أن يستطيع أحد سماعه الا  القريبين منهم جدا

_ انت اللي قبضت علي عمار ولد ولدي

رد الاخر ببراءة مصتنعه ممزوجه بالسخريه

_ايه ده هو اتقبض عليه؟ اكيد عمل حاجه غلط الوحش ده

_ زين متستعبطش انت اللي خليتهم يقبضوا عليه بتهمة التجاره ف المخدرات

_هو كان معاه مخدرات لما لقوه صح؟ اشطا يبقي أنا كدا مليش فيه ماهو مش معقوله هغفله زي العبيط واحطله مخدرات مش معقوله طبعا ، المهم بقي روح كل جاتوه  عشان أنا عايز اكلم مراتي ف حاجه خاصه شويه

انهي كلامه بسخريه شديده جعلت الواقف أمامه يكاد ينفجر ولكنه لن يستطيع الحديث اكتر ولكن صبرا فهو لن يصمت أيضا ، هذا ما فكر به وهو يذهب من امامهم أما هي فبمجرد رحيله حتي التفتت لزوجها والقلق يكاد يقتلها

_ زين انت ملكش دعوه باللي حصل ده صح ؟!!

_ انتي عايزه ايه يعني ليه دعوه أو مليش ؟

_ زين أنا م صدقت بعدت عنهم الله يخليك مش عايزه حاجه تاني تربطني
بيهم انت متعرفش هما ممكن يعملوا ايه

_ أنا حاسس انك خايفه ولا كانك متجوزه سوسن واحساس يخليني فخور بنفسي اوي

انهي جملته بسخريه مبطنه بغضب استشعرته هي في كلماته فاقتربت منه حتي التصقت به تماما واحتضنت كفه وهي تميل برأسها علي كتفه وقالت

_انا بثق فيك جدا على فكره ومقصدش اللي انت فهمته بس قدر يازين اني مليش غيرك وانت كل حاجه عندي ف الدنيا كلها ف لازم اخاف عليك مش بس منهم لا أنا  بخاف عليك م الهوا الطاير

_ اوعي بس كدا والنبي لحسن جسمي بيقشعر م الكلام الحلو ده

نظرت له باشمئزاز وهي تقول

_اوعي طيب كدا بعيد عني أنا أقول دنيتي ومقدرش اعيش من غيرك وهو يقولي جسمي بيقشعر

_ خلاص خد يا ملبن انت تعالي خلاص بقي

قالها وهو يضمها وهي تحاول الابتعاد. عنه يبدوا انه نسي أنهم يقفون وسط حشد من الناس

_زين اوعي انت بتعمل ايه الناس