أبناء العم بقلم/هبة وجيه

part 2

"وياعيني ع اللي كان بيحب التاني اكتر "

بخطوات واثقه دلف الي غرفة المكتب الخاصه بجدهُ

ثم تحدث ببسمه لعلمه بحب جده له رغم أنه يحاول أن يظهر غضبه عليه "قالولي انك عايزني يا جدي في حاجه؟"

الجد "اقعد يازين "

تحرك حتي وصل للمقعد المقابل لمكتبه "اديني قعدت اهو"

ظل ينظر له إلي أن تحدث اخيرا" انت عارف يا زين أن انت اكتر حد ف احفادي تاعبني من صغرك؟
عنيد و  أن فضلت اتكلم معاك من  هنا لبكره تقف تسمعني من غير م تتكلم لحد م احس اني أقنعت واتفاجئ ف الاخر انك عملت اللي ف دماغك برضوا  "

نظر زين لجده بعد أن. انهي حديثه

زين"وطبعا حضرتك عارف اني مقصدش بأي شكل من الأشكال اني اعند معاك أو اكسر كلمتك وأقل منها كل الموضوع اني عارف اني لو عملت حاجه أنا مش حاببها لا
و مش مقتنع بيها عمرها م تنفع وحتي لو كانت كويسه أنا بفضل كارهها عشان كدا رفضت اني ادخل هندسه او اداره اعمال زي م حضرتك كنت عايز عشان حتي لو دخلتهم عمري م كنت هقدر اتفوق فيهم واهو حضرتك شايف اسمي بقي ايه ف البلد عشان دخلت حاجه أنا حابيتها ولقيت نفسي فيها"

الجد بهدوء"عارف وعشان كدا ساكت يازين بس انا جايبك دلوقتي مش عشان نتكلم ف ده  انا المره دي مش هغصب عليك ف حاجه أنا هقولك رأيي وانت شوف اللي يريحك"
ايه رايك في بنت خالك بنت غلبانه ومتربيه وعائشه ف بيت جدك اسماعيل اخوي من يوم م أهلها اتوفوا وانا اضمنهالك برقبتي ولا هتعند معايا برضوا المره دي"

زين"هو انا اصلا مش فاكرها البت دي اخر مره شوفتها  كانت 11سنه تقريبا "

الجد"لا هي بنت كويسه ومحترمه وهتنفع معاك"

زين ضاحكاً"مُصر علي جوازي اكتر من ابويا انت"

الجد"ابوك!وهو انت حد بيعرف يتكلم معاك اصلا"

زين بضحكه عاليه"شايل مني اوي انت ياجدي عموما يعني اللي تشوفه اعمله طالما هي كويسه أنا مش معترض  ثم أكمل ضاحكا اهو خلي الواحد يستقر بقي'"

الجد بدهشه لم يستطيع إخفائها "وافقت؟ اول مره متعندش معايا كنت فاكره هتقولي لا مش هتجوز غير اللي بحبها والكلام ده"

زين وهو يشير. علي قلبه"هنا مفيش حب ده مش بتاع حب اصلا"

الجد ضاحكا بقوه"فكرني بكلامك ده كمان سنه بعد الجواز عشان ابوك كان قبلك"

زين بضحك" طب امشي أنا بقي عشان ورايا مشوار "

هز الجد رأسه وتركه زين واتجه للخارج