A CoLLectiOn of HOrrOr StOrieS (kyrayle23)

CHAPTER 13

CHAPTER 13

             Naalimpungatan si Krisha nang gabi’ng iyon dahil sa kakaibang alulong ng kanilang aso na si Jaguar. Bumangon sya upang pumunta ng banyo gayung naiihi din naman sya at ayaw naman nya iyong pigilin kahit naramdaman nya na parang kinikilabutan sya.

              Nang matapos iyon ay dali-dali sya’ng bumalik sa kanyang kwarto upang ipagpatuloy ang kanyang pagtulog. Sinulyapan nya ang kanyang braso habang naglalakad pabalik ng silid. Nananayo pa din ang kanyang mga balahibo. Bakit nga kaya? Minsan naman, kahit umaalulong si Jaguar, hindi naman nya nararamdaman ang ganetong pakiramdam ngayon.

               Papasok na sya ng silid nang naisipang silipin si Shanaiah sa loob ng kwarto nito. Gayun na lamang ang pandidilat ng kanyang mga mata nang malaman na wala roon ang kanyang anak.

              “ Shai? Shai nasan ka?” tawag nya sa pangalan nito na walang pakialam kung magigising ang kanyang mga magulang.

             “ bakit ba tinatawag mo si Shai? Wala ba sya sa kanyang silid?” tanong sa kanya ni Anita nang magising ito. Naririnig din nya na umuubo-ubo ang kanyang Ama na si Felipe at mukhang nagising din nya ito.

              “ Ma! Wala sya sa loob ng kanyang silid”

             “ ei saan nagpunta ang bata’ng iyon sa ganetong disoras ng gabi?” nakakunot na tanong ni Anita habang nakapako ang mga mata sa orasan na nakasabit sa dingding. Alas dose na ng mga sandaling iyon.

             “ Ma! May nangyayari na naman siguro kay Shanaiah! Nasan natin sya hahanapin ngayon?” umiiyak na si Krisha, alam nya na may kaugnayan na naman roon ang Ama ng kanyang anak.

            “ tumahan ka muna dyan, baka naman may pinuntahan lang? at hindi na nakapagpaalam dahil alam nya na tulog na tayo!?” si Felipe.

            “ iba ang kutob ko Pa! hindi umaalis ng bahay ang anak ko na hindi nagpapaalam! Kahit pa tulog na tayo, magpapapaalam iyon dahil ayaw nun na mag-alala tayo!” at sabay-sabay sila’ng huminga ng malalim sa sobrang pag-aalala.