الهيام القاتل

الفصل التاسع من الجزء الثانى

نزلت دمعات الجميع فى حفل توديع حار لمايا وسيلين
توبه ببكاء : هتوحشونا
سيلين : خلاص بقى يا توبه بقالنا سنين هنا ؛ لازم نرجع لبيتنا وازواجها
توبه بدموع : وانتى بتكلمينى كده ليه ؟ خلاص روحى وأنا مش هكلمك تانى
مايا : يا حبيبتى ما احنا هنكلمك فيديو كأننا معاكى
توبه : طب قولى والله كده
سيلين : يا بنتى عندك ولاد ولسه طفله
توبه : حد ياخد البت دى من وشى
ضحكوا عليها جميعا لكنها تعمدت صنع جو من المرح حتى يكون الفراق بسهل قليلا وإن لم يكن سهل عليهم لكن تهون على نفسها
إسلام ( طفل ذو 8 سنوات ) : ماما ! هو عمو قصى هيمشى ؟
توبة : لا يا حبيبى ! بتسأل ليه ؟
إسلام : عشان لو كان هيمشى يبقى هياخد حياه معاه
تطلعت توبه أمامها لتشرد بحديث الطفل ؛ نظر لها قيصر ببسمه لتفهم مغزاها ؛ نفضت الأمر سريعا لتقول : لا يا حبيبى هيفضلوا معانا هنا
ودعت كل من مايا وسيلين وداعا حارا لتقول عائشه : خلاص بقى بطلوا دموع قطعتوا قلبى
خرجت سيلين وهى ممسكه بابنتها حور التى تبكى على فراق صديقاتها ؛ أما سيلين فكانت تمسك بيد طفلها عنوة عنه لتقول بغضب : حازم ! أمشى
حازم : بس أنا عاوز أكون هنا
سيلين برقه : يا حبيبى مش هينفع عشان شغل بابا
حازم : طب هنرجع تانى ؟
سيلين : ايوه يا حبيبى هنرجع
حازم : وعد ؟
سيلين : ايوه وعد
خرج وهو مسلط نظره على صديقته ؛ خرج بقلب طفل ليعود يوما بقلب عاشق
ترى من هى محبوبته ، وهل يعود فى رحلة القدر أم يظل متشبثا بحياة بعيدا عما ملكت قلبه
..............................
اجتمعت الفتيات أمام الشاشه يتابعون إحدى برامج الطبخ لتقول عائشه : أنا جيت اعمل البيتزا زى دى كده طلعت مش زيها
سارة وهى تأكل خيار : لا يا روحى ، دى طلعت متتاكلش أصلا
عائشه : بس عدى قال جميله
سارة : يا عينى عليه وعلى شبابه بيقول كده علشان ميزعلكيش بس
عائشه : فين جبر الخواطر ؟ جاملينى حتى
سارة بغرور مصطنع : مش بحب المغامرات
توبه : ما خلاص بقى مش خناقه هى ؛ الواحد زهق من قاعدة البيت دى وطول الوقت بس يا واد بس يا بت
عائشه : البت دى معاها حق
نظرت لها توبه بغضب لتصحح غلطتها: قصدى توبه معاها حق
سارة : عندى فكرة !
عائشه : اشجينى يا أختى بأفكارك
سارة : كل واحده فينا تقول لجوزها إنها عايزه تشتغل
توبه : انتى أكيد اتجننتى ؛ طب والأولاد
عائشه وهى تعقب على كلام توبه : مستحيل عدى يوافق مش بعيد يطردنى انا والبت
توبه : وقيصر مش بعيد يطلقنى
سارة : يطلقك ايه بس وبينكوا قصة عشق أمال قصى هيعمل فيا ايه ؟
تابعت وهى تقول : احنا نقول لهم نبدل لمدة أسبوع ؛ ناخد احنا شغل الشركه وهم يقعدوا فى البيت
عائشه بعصبيه : بت انتى ! انتى شكلك حابه تموتى على ايدى
ساره : يالهوى عليكوا جربوا بس
توبه : انتى كنتى عاقله يا ساره ، ايه إللى جننك بس ؟ بس هنجرب ولو قيصر أتكلم أو زعق هقولوا ساره
سارة : وانا مالى ؟
عائشه : شايفه البت هى أصل المصيبه وبتخلع
توبه : خلاص بقى مش هنتخانق
جلست كل منهم تفكر بداخل عقلها كيف ستقنع زوجها بذالك ؛ أتى عليهم الأطفال لتقول خديجه : يا ماما حياه أخدت منى العروسه
عائشه : شوفوا بقى أهو شغل كل يوم
إسلام وهو يركض تجاه توبه وهو ممسك أحد المسدسات اللعبه : ماما !
توبه : حبيب ماما
إسلام: أنا لما أكبر هكون ظابط ؛ وهلبس بدله وهمسك مسدس وهقتل الأشرار
توبه ببسمه : إن شاء الله
...........................
أتى الليل واجتمع الجميع على مائدة العشاء ليقول قيصر وهو يتطلع إلى نصف السفره الفارغه : مايا وسيلين كانوا مالين علينا البيت وأولادهم
توبه : كان لازم يجى يوم ويمشوا
عائشه : إللى يشوفك دلوقتى يا أختى ميشوفكيش وهم ماشين
نظرت لها توبه بغضب لتحمحم بخوف : احم احم
ذهب كل منهم إلى غرفته بينما الفتيات يشعرن بالتوتر حيال طلبهم
دخلت توبة أولا تفرك بيدها بتوتر بالغ
رأت قيصر وهو يخلع جاكيت قميصه لتساعده
أمسك يدها يستشعر برودتها من فرط ما تمر به من توتر ليقول : مالك يا توبه ؟
توبه : ها ؟ لا مفيش
قيصر : لا فيه ! قولى عايزه ايه
توبه وهى تتحدث سريعا وعينيها مغمضتين : هو انا ينفع انزل الشركه أشتغل فيها
صمت قليلا ليقول : طب وإسلام !؟
توبه بتلعثم : ما هو ....أصل ....
قيصر : أصل ايه ؟ كملى
توبه : أصل هنزل انا وساره وعائشة نمسك الشغل لمدة أسبوع وانتم عليكم الأولاد والبيت لمدة أسبوع
يعنى تبادل مهام عشان الزهق بقى وكده
قيصر بمكر : وانتم هتقدروا
توبه : إن شاء الله
قيصر : انتى فاهمه انتى طلبتي ايه ؟
توبه : بص خلاص انسى ؛ متزعلش نفسك
قيصر : لا يا روحى ، أنا موافق
توبه " بسهوله كده !؟
قيصر : وانتى مفكرانى هعارضك ؟ من حقكم تغيروا الروتين إللى بتعيشوه كل يوم ده ؛ احنا لو مكانكم هنزهق
توبه : متأكد إن الكلام ده من قلبك
قيصر وهو يضع يده على قلبه فى حركه مسرحيه : كلام نابع من الصميم
ضحكا الإثنين معا وتوبه تنظر له بحب ؛ يفهمها دوما ويحرص على إسعادها لتقول فجأة : عارف ! إسلام قالى النهاردة انه عايز يكون ظابط
قيصر بمكر : تمام يطلع ظابط ونخلف غيره يشتغل معايا فى الشركه
توبه : حتى لو خلفنا غيره لازم هم إللى يختاروا هم عايزين ايه
قيصر : وانا مديهم الحريه ؛ دى حياتهم ولازم يعيشوها
توبه : ربنا يخليك لنا يارب
...................
بغرفة عدى وعائشة
عائشه : عدى !
عدى بتعب: نعم
عائشه : خلاص شكلك تعبان ارتاح
عدى: قولى يا حبيبتى
عائشه : عدى هو انا يعنى.....ينفع ..
عدى : ما تنطقى
عائشه :انت بتزعق ليه ؟ خلاص مش قايله
عدى : يا حبيبتى أنا جاى تعبان قولى مالك بس
عائشه : عشان انت بتيجى تعبان كل يوم قررت أنزل اشتغل انا مكانك
عدى : واقعد انا اغسل واربى العيال صح
عائشه : طب ما احنا بنغسل ونربى
عدى : انتوا مين ؟ اه قولى بقى انها مش فكرتك
عائشه : يا عدى هو اسبوع واحد بس
عدى : مش هينفع
عائشه : أنا بزهق من قاعدة البيت وبعدين هو اسبوع واحده بس والله ؛ والا انت مش قد التحدى
عدى : استفزاز ده صح ؟
عائشه بضحك : حاجه زى كده
عدى : موافق يا عائشه
عائشه : شكرا يا حبيبى
عدى : بلا حبيبك بلا بتاع أنا غاير أنام فى حته
عائشه بعد اما خرج : ماله ده ؟
....................
فى غرفة سارة
قصى : ما تقولى عايزه ايه بدل ما انتى راحه جايه كده
سارة: بص يا قصى ؛ انا اخترعت فكره النهاردة وعملت فيها أسد قدام توبة وعائشة بس انا دلوقتى خايفه اقولك
قصى : اوعى تكونى حرضتيهم على ازواجهم
سارة : لا طبعا ؛ استغفر الله العظيم ؛ بس هى يعنى حاجه شبيهه بكده
قصى : استر يارب
سارة : احنا هننزل نشتغل فى الشركه انا وتوبه وعائشة لمدة أسبوع وانتوا تقعدوا فى البيت لمدة أسبوع
قصى : نعم يا أختى!
سارة : ها موافق ؟
قصى : أوافق دا ايه ؟ هو انا مجنون عشان أوافق
سارة : يا حبيبى لازم تكون عارف ان المرأة لازم يكون لها شخصيه وتشتغل
قصى : ماشى يا سارة ، وابقوا ورونى هتمشوا الشغل إزاى
سارة : لا تتحدى امرأة قويه قد تفتك بك
قصى : تفتك بك ؟؟!
سارة : ايوه ومتنساش ان فتكت قلبك قبل كده
قصى : طب انا خارج ، نامى انتى وارتاحى وانا هروح انام بعيد
......................
التقى عدى وقصى فى الممر وكل منهم يحمل بطانيته
عدى : خارج ليه يا قصى فى الوقت ده ؟
قصى : خارج اشم شوية هوا
عدى : بالبطانيه؟
قصى : ايوه عشان يمكن الجو يبرد ؛ وانت خارج ليه ؟
عدى : احم احم لنفس السبب
نظر كل منهم لبعضهم البعض لينفجروا ضاحكين ليقول قصى : بلاش كذب بقى ؛ الحقيقه أنا زهقت وخرجت
عدى : وانا كمان ؛ تصور انهم عايزين يشتغلوا
قصى : واحنا نقعد فى البيت
عدى : نفسى اعرف مين إللى قوم الفكره فى دماغهم
قصى : سارة !
عدى : مش بعيد تلاقى قيصر جاى بعد شويه
قصى : لا يا عم دا مستحيل ، تعالى نتخمد
عدى : احنا ننام مع الأولاد أحسن كل واحد يروح ينام مع بنته؛ عشان لو قيصر شافنا فى الصالون الصبح هتبقى فضيحه
قصى : معاك حق ! انت بقيت ذكى
عدى : قصدك ايه ؟ يعنى انا كنت غبى
قصى : يا ابنى اخلص فى أم الليله دى
بدأ الجو يبرد قليلا
أحست عائشه بالذنب والخوف معا ، خرجت من غرفتها ثم اتجهت إلى غرفة ابنتها فقد استنتجت انه سينام بها ، ابتسمت على هيئته وهو ينام إلى جانب خديجه ؛ غطته ببطانيه أخرى وأحكمت غلق الشباك
كانت على وشك الإنصراف فسمعته يقول : متزعليش ، كنت تعبان بس فزهقت فقولت اخرج أحسن
ابتسمت له ثم أغلقت الضوء قائله : تصبح على خير يا حبيبى

بينما سارة حملت وسادة وذهبت إلى غرفة ابنتها حياه ؛ وضعت الوسادة ثم تمددت إلى جانبه
لاحظ حركه جانبه ليقول : جايه تتسحبى شبه المجرمين كده ليه ؟
سارة : مفيش حاجه
قصى : ايه خايفه تنامى لوحدى
سارة : لا ! بس متعودتش أنام بعيد عن حضنك
نظر لها بعشق جارف ليغط كلاهما فى نوم عميق وهى متشبثه بأحضانه

........
انتهى البارت
رأيكم ؟
انتظروا المزيد من الهيام القاتل بجزئها الثانى

ندى عماد
نادووو
الماسه اللامعه