بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
"أنا أعلم أن لكل قصة،بداية ونهاية،لكن قصتنا مختلفة بعض الشيء لا أعلم كيف بدأت ولا أظن أن لها نهاية 💛"
_كنتا قاعده في غرفتي طافية النور وبراجع المسجات بيني وبين "مازن" وببكي بحرقة 💔،،فجأه حسيت بحركة في الباب،،،مسحتا دموعي وختيت التلفون جنبي،،،كانت "إيڤا" قالت لي يا بت إنتي من جيتي من برة قاعده في غرفتك،،،قومي و...فجأه عاينت لي في وشي،،قالت لي نينا مالك؟؟ بتبكي ليه؟؟،،قولته ليها ماف حاجه،،،قالت لي وشك المورم ده كلوو وماف حاجه،،،لا في يلا احكي لي،،قولته ليها زهجانة بس،،،قالت لي كده؟،،طيب ثواني انادي ليك امي،،بقت تقول يا أمي تعالي شوفي بتك،،يا امي،،،قولته ليها إيڤا خلاص خلاص ح احكي ليك،،قالت لي ها قولي،،،قولته ليها أنا أنا،،،قالت لي إنتي مالك؟؟،،،قولته ليها أنا ومازن انفصلنا اليوم 💔،،،عدلت قعدتها وقالت لي كيف كيف!!،،قولته ليها كده عديل،،،،قالت لي وانتي بتبكي عشان كده 💔،،،قولته ليها أيوة 💔😭😭،،قالت لي هبلة يا نينا،،الببكيك شنو هو الخسران على فكرة،،،ولا يهمك بكرة ترتبطي بسيد سيدو يا عسل انت يا مكسرهم💛،،،قولته ليها م عاوزة ارتبط تاني أنا خلاص كفاية 💔الحب غير وجع القلب في الآخر ما بعمل شي علشان كده خلاص ما عاوزة ارتبط ولا يحزنون،،،قالت لي كلام ساي بكرة تقعي وقعة 😂😂💛،،المهم قومي معاي نعمل لينا موضوع أنا زهجانة،،،قولته ليها وين تسنيم،،،قالت لي نااااايمة زي البقرة 🙊💔😂مش على أساس عاملة ريچيم وبتاع 💔😂اليوم جابت ليها كيلو باسطة مع كباية لبن ووقعت فيهم 😆،،،قولته ليها ما جاده 😂😂😂😂ده الريچيم الكم تكسرو،،،الله يعينا بس،،،قالت لي أنا قولته ليها وهي كلمبوظة احلى بس ما صدقتني،،،قولته ليها ما قادرة اتخيلها ضعيفة خالص والله،،،قالت لي حتى أنا بس يلا ما علينا،،،ان شاء الله يجي يوم وتوصل للوزن المثالي البتقول عليهو ده❤️،،،يلا قومي قومي،،،قمتا معاها وطلعنا برة،،،لقينا أمي في المطبخ،،،قولته ليها مسا مسا على الناس الكويسة 🙊❤️❤️❤️❤️،قالت لي يسعد مساك،،تعالي حمري البطاطس،،قولته ليهو طيب،،،إيڤا قالت ليها وانا اعمل شنو ولا اراقبكم بس 😂🙊،،قالت ليها إنتي قطعي لينا السلطه وصحي تسنيم من النوم،،البت دي بس سموها نوم،،،قالت ليها طيب،،،انا بقيت احمر البطاطس وسرحتا شوية فجأه أمي ضربتني في يدي قالت لي يا بت سرحانة وين حرقتي البطاطس،،،عقلك ده نهائي مافيك،،قولته ليها النار عالية شكلها،،قالت لي م عالية،،،اديني المقصوصة دي،،شالتها مني وقالت لي امشي اسقي الشجر والقلل يعني أنا لو ما سقيتهم واحده فيكم بتشتغل بيهم ماف،،،طلعتا الحوش وصلتا الخرطوش وبقيت اسقي القلل بعدين طلعتا الشارع رميتو في الشجرة الكبيرة ودخلتا جوه،،مشيت الحمام وبقيت ابكي 💔بعد حكاية 10دقايق حتى غسلتا وشي وطلعتا من الحمام،،مشيت جبتا الخرطوش من الشارع ودخلتا جوه،،،لقيتهم رصوا الغداء،،،قعدتا جنب تسنيم،،،طبعا كانت بتتثأب،،،قولته ليها إنتي لسة نعسانةة،،،قالت لي وجعانة وحاتك،،،امي قالت ليها يا بت العذاب ليك شنو،،،ما ياني سمينة والحمد لله،،لا فكرتا اضعف ولا شي،،،قالت ليها يا أمي الله يسألك اسي وزني ووزنك واحد؟؟،،انا تعبتا من تشغيلات الناس لي،،خصوصي اولاد اخواتك ديل عذبوني واقفين لي في العزيزة 😒💔،،،امي قالت ليها تقومي تقولي عاوزة تضعفي؟،،يا بت ها الضعفة دي شلهته ساي وعولاق،،،إيڤا قالت ليها شنو شنو،،،لا معليش يا ماما الضعفة حلوة وبعدين بتساعدك تلبسي اي شي 😌❤️،،المهم يا تسو انتي ما تضعفي عشان زول فهمتي،،،قالت ليها خليتا،،ضعفه شنو والله اليومين الفاتوا ديل قربتا اموت من الجوع 💔😂😂😂😂😂،،،قولته ليها إنتي م عندك عزيمة بس،،قالت لي يا زولة هيي الشغلة دي صعبة 💔😂😂😂😂،،،خلصنا الغداء وعملتا ليهم شاي ظريف،،،طول قعدتي معاهم كنتا سرحانة،،،تسنيم قالت لي وصلتي وييين؟؟،،قولته ليها شنو؟،،،قالت لي كنا بنقول أننا بكرة ماشين لناس أبوي علشان خالتو سعاد عملت عملية زايدة قبل كم يوم،،،قولته ليها طيب تمام،،،امي قالت لينا كان تخلو يوم تاني بس،،،إيڤا قالت ليها لا بكرة الجمعه وقت زيارة وانسب وقت،،لانو أنا شغالة السبت وما عندي طريقة تاني،،،وتسنيم كمان،،،وايناس طلعاتها مع صحباتها م بتخلص باقي الايام،،،قولته ليها ياخي،،الاسبوع الجاي كلو ح اكون قاعده في البيت رايك شنو؟،،قالت لي إنتي وصحباتك كملتوا الاماكن كلها عشان كده عاوزة تقعدي في البيت بس 😆😆،،،قولتهة ليها شبه كده 😂😂💔،،،،امي قالت لينا سلموا عليهم❤️،،،انا ماشة لخديجه دي من بتها ولدت مشيت ليها مرة واحده بس،،،قولته ليها ماشة يدك فاضية كده؟؟،،قالت لي لا عملتا نشا،،،تسنيم قالت ليها دقيقة طيب البس توبي وامشي معاك،،احرك جسمي شوية من الصباح راقدة،،،قالت ليها طيب يلا،،،تسنيم مشت لبست توبها وجات،،،امي قالت لينا ما ح نتأخر،،،بعد طلعوا إيڤا جاتها مكالمة قالت لي بعد اذنك 😁،،،ردت وطلعت الحوش،،،،مشيت غرفتي شلتا تلفوني فتحتا الشبكة لقيت بروفايل مازن ما ظاهر لي ولا حالتو 💔،،عرفتا إنو حظرني،،،قعدتا أبكي وكل دقيقة افتح صورنا اعاين فيها بهبل كده وابكي 💔.
