"على لسان أحمد"
_عاينتا ليها مسافة بعدين قولته ليها لا ماف داعي أنا بعمل كل حاجه بتخصني براي 💛،،ابتسمت لي وقالت طيب،،تصبح على خير،،،ختت تلفونا على الدرج ورقدت ناااامت،،انا كان عندي شغل باللابتوب محتاج اخلصو قبل بكرة،،شحنت اللابتوب وبعدها ابتديت اشتغل،،،لما خلصتا شغلتا التكييف و طفيت الانوار ورقدتا جنبها المسافة بينا كانت صغيرة وبقدر الإمكان كنتا بحاول أحافظ على المسافة دي،،بطبعي نومي خفيف أقل شي بصحيني،،صحيت لقيتا خاتة رجلها على رجلي،،براحه سحبتا رجلي وواصلتا نوم،،،كمان شوية تااني جرت الغطاا مني،،حاولتا اجرو منها مسكت فيهو قوي،،،خليتو ليها طلعتا لي واحد تاني،،،حاولتا انوم ابدا ما قدرتا لانو كل شوية رجولها بتكون فوق رجولي أو يدها على وشي،،عااانيت شديد،،قومتا وقعدتا اعاين ليها،،ما حاولتا اصحيها اصلا عشان يمكن تتخلع أو تتحسس اذا قولته ليها طريقة نومك كعبة،،فجأه تلفونها اتصل عاينتا للساعة كانت ١١،،،الغريبة شالت التلفون وردت،،افتكرتها صحت،،،قالت للمتصل امممم،،،مع ردها للتلفون الاسبيكر اتفتح لأنها كانت عاصراهو على جضوما،،،قالت اممممم،،،ختيتهم في التلاجه،،،البت فيما بعد عرفتا أنها تسنيم،،،قالت ليها نينا كيف يعني ختيتي تي شيرتاتك في التلاجه😑😒،،،قالت ليها في التلاجه ياااخي امس ختيتهم،،،تسنيم قالت ليها نينا ركزي معاي، إنتي نايمة،،قالت ليها ما نايمة،،التي شيرتات في التلاجهه،،،،انا اللحظة دي بقيت اعاين ليها واضحك بصوت عالي،،،اول مرة اضحك بالطريقة دي 😂😂😂😂😂😂😂😂،،،تسنيم بقت تقول الوو،،الووو،،ايناس الله يرضى عليك وريني محلهم بكرة وراي مشاوير وملابسي الهنا ما بتلبسني كبيرة شديد والجبتهم معاي من هناك كلهم لبستهم،،،في دولابك ماف،،وديتيهم وييين؟؟،،فضلت تقول ليها اوووف احلف ليك،،،في التلاجه ووو بكونو بردوا طلعيهم من الفريزر،،انا كنتا بضحك بس،،،شلتا التلفون من اضانها براحه وتسنيم شغالة الو الو،،قولته ليها الو،،قالت لي بحرج أحمد معليش متصلة عليكم في الزمن ده بس...قولته ليها والله إيناس دي نايمة،،،قالت لي لا حول ولا قوه الا بالله 😂😂 عشان كده بتتعولق فيني،،الحركة دي لسه ما خلتا هي🤦،،،المهم عليك الله اول ما تصحى خليها تتصل علي ضروري جدا،،،قولته ليها طيب،،،بعد قفلتا منها رجعتا التلفون محلو وانا بالجد بضحك شديد 😂😂😂كيف تتكلم وهي نايمة كييف،،،بعدها رقدتا وحاولتا انوم،،بلقى نفسي ابتسمتا غصبا عني 😂،،،،صحيت مع صلاة الصبح دخلتا الحمام وجيت طالع لقيتا بتحك عيونا.
________________________________
جاتني صحية فجأه لقيت أحمد ماف عاينتا للساعة كان وقتها زمن الصلاة،،،احمد طلع من الحمام وبقى يعاين لي وعلى وشو ابتسامة،،قولته ليهو صباح الخير،،قال لي صباح الخير،،،نزلتا من السرير ودخلتا الحمام غسلتا وشي واتوضيت،،،لبستا توبي وكان في مصلاية على الكرسي شلتها وطلعتا برة لقيت أحمد بقيم الصلاة،،على طول وقفتا وراهو وصلينا جماعة 💛،،،بعد خلصنا صلاة قال لي إيناس شوفي تلفونك تسنيم قالت ليك اتصلي عليها،،قولته ليهو هو اتصلت علي يعني!،،قال لي امممم معاها ابتسامة،،فتحتا تلفوني لقيت فعلا في مكالمة،،اتصلتا عليها ردت لي المكالمة التانية،،،قولته ليها خير يا بت متصلة علي مالك بليل؟؟،،قالت لي اريتني ما اتصلتا💔،،قولته ليها أحمد رد ليك صح،،قال ليك شنو أنا عارفاهو سخيف،،قالت لي اسكتي اسكتي،،قولته ليها في شنوو للدرجه دي زعلتي من ردو 😳،،قالت لي إيناس،،،قولته ليها اهاا،،،قالت لي أنا أمس اتصلتا وانتي رديتي سألتك من التي شيرتات حقتك قولتي في التلاجه وكمان في الفريزر 🙂🙂🙂،،،قولته ليها اناااا،،يا بت أنا نايمة كيف ارد ليك وانا نايمة،،قالت لي والله رديتي وموتيني ضحك وغيظ 😂😂😂،،،بعدها أحمد اتكلم معاي وقال لي إنتي نايمة 🤦🤦،،،قولته ليها واااااااي 💔😭😭😭حسبي الله كيف ارد ليك وانا نايمة ووواي عشان كده هو ببتسم 😭😭😭،،،قالت لي المهم😂😂التي شيرتات ويين؟؟،،طالعة بعد الفطور أنا،،،قولته ليها في الادراج الفوق والمفتاح بتلقي في أول ضلفة تاني رف،،قالت لي مغيرة مكانهم ليه اساسا 😂😂،،قولته ليها كنتا عاووزة اشيلهم معاي فوفة رفعتهم مني،،قالت بتجي تشيلهم كلهم 😂😂 وبعد العقد ورتني محل المفتاح،،،قالت لي اهااا،،طيب طيب وتاني يا ريت تقفلي تلفونك وانتي نايمة يعني 🙂🙂،،،قفلتا منها ومشيت على جهه الغرفة لقيت أحمد بطلع ليهو في لبسة،،،كنتا مراقبة حركاتو وكل حاجه بعملا وبرسخها في ذهني،،من لما دخل الحمام لحدي ما لبس وجهز لنفسو القهوة وشال اللابتوب بتاعو وكان طالع،،،قولته ليهو ااا بعد الشغل ح تمشي لناس بيتكم؟؟،،قال لي أيوة ما ح اتأخر،،،قولته ليهو طيب سلم عليهم،،،بعد طلع،،،طلعتا التوب اصلا نسيت أني لابساهو،،،مشيت رتبتا غرفتنا بس اساسا البيت كان نضيف،،لما مشيت المطبخ لقيت أحمد غسل كباية القهوة وكل حاجه اتوسخت،،،عملتا لي كباية شاي طبعا عانيت لحدي ما القى محل البهارات 🤦واعرف محل اي حاجه،،،فتحتا التلاجه لقيت فيها كل حاجه ممكن أحتاج ليها 💛،،بعد خلصتا من الشاي،،فكيت بخور في البيت وطلعتا برة لقيت ماسورة وخرطوش مرمي بالطرف وصلتو ومليت الشجر،،رجعتا جوه عملتا لي فطور،،،قعدتا مع نفسي وقولته يا إيناس اذا كان هو بارد وطريقة حياتو جامده وعجباهو،،انتي ما ينفع تغيريها خالص بس ينفع تجمليها 💛يعني ما ينفع هو يكون بارد وانا كمان اكون باردة،،ح اركز على اهتماماتو والمواضيع البحب يتكلم فيها علشان القى دخلة اتونس بيها معاهو و يكون مرتاح اثناء ما بحكي،،طبعا أنا عارفة إنو ما ليهو في جو المكالمات ده بدليل انو ما حصل ولا بالغلط اتصل علي،،لاحظتا ليهو بميل اكتر للرسايل 💛وانا ح احترم الحاجه دي،،بعد صليت الضهر شلتا تلفوني ورسلتا ليهو عاوزة أعمل الغداء تحب تتغدا بشنو؟؟،،كنتا خاتة نسبة ٩٠٪ انو ح يقول اي حاجه 🤦😂،،،عشان كده عملتا حسابي ورسلتا لرهام رسالة محتواها "يا بيبي اكتبي لي قائمة بالاكلات البحبها أحمد ممكن❤️"،،،طبعا عملت لي موضوووع حتى بعدها قالت لي اكتر حاجه بحب ياكلها كبسة بالفراخ وسلطه جزر واسود و بطاطس شيبس،،يعني هو بطبعو بياكل اي حاجه بس ديل بركز عليهم اكتر وبحبهم،،،قولته ليها طييييب تسلمي❤️،،،قولته لنفسي اكيد ما ح اعملهم كلهم لانو كده ح يعرف اني سألتا زول من اهلو،،،قررتا بس اعمل كبسة وبطاطس شيبس وزمن الغداء اقطع سلطة،،،لقيتو مرسل لي اي حاجه ما شرط شي محدد،،،،م رديت على رسالتو قفلتا الشبكة وابتديت اجهز في الغداء كنتا حريصه انو الكبسة تطلع حلوة 💛.
