بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
_قولته ليهو طلعني من هنا لو سمحتا 💔،،،قال لي اطلعك كيف م فهمتا؟،،،قولته ليهو ما عارفة ياخ 😭😭امشي الصالة بتلقى واحده إسمها فيحاء ناديها خليها تطلعني طيب دامك ما عارف تتصرف كيف،،سكت شوية بعدها قال لي الباب عاصي،،،زحي لورا علشان ح اكسرو،،،قولته ليهو طيب،،،زحيت لورا وهو بقى يحاول يفتح الباب،،بعد مسافة حتى قدر يفتح الباب من غير ما يكسرو تقريبا بس لزاهو شديد،،،،اول ما فتحو ما لاحظتا لاي شي قدامي طلعتا وبقيت اخد في نفسي،،،،رفعتا راسي عاينتا ليهو قال لي إيناس😳،،،بتعملي شنو هنا،،،قبل ارد جات فيحاء قالت لي نينا،،،فجأه وقفت وقالت لي جيت اشوفك اتأخرتي،،،قولته ليها باب الحمام ما فتح معاي كنتا ح اموت 💔،،قالت لي اووبس نسيت اكلمك انو ما بفتح من جوه الا من برة،،،قبيل عمل لي نفس الحركة بس ايثار كانت معاي،،،بقت تعاين لي وتعاين لأحمد،،احمد قال لي إنتي كويسة؟،،قولته ليهو أيوة شكرا 💛،،،وسقتا فيحاء من يدها ومشينا،،،،لما قعدنا فيحاء قالت لي ده منو الكنتي واقفة معاهو ده؟؟،،،قولته ليها علاقتي بيهو معقدة،،قالت لي كيف،،،قولته ليها شفتي مرت ابوي،،يلا هو ود اختها،،،قالت لي اهاااا،،،اسمو منو!؟،،،قولته ليها أحمد،،،بس ياربي الجابو هنا شنو!!،،قالت لي ما محتاجه ذكاء اكيد يا من اهل العريس أو واحد من اصحابو،،،المهم عايني الشباب البفتحوا النفس ديل 😻😻😻،،،قولته ليها كده خليك من الشباب،، اديني موية والله من حبسة الحمام حاسة نفسي مسخنه شديد،،،،قالت لي طيب،،ناولتني كباية موية شربتها،،،بعدها بشوية إيثار جات نازلة مع أمها واخواتا❤️❤️،،،،فوفة بقت تزغرد ومعاها كم بت،،،انا شلتا تلفوني وبقيت اصور❤️❤️❤️،،،،راجلها ماشاء الله سماحه الدنيا كلها فيهو 😂❤️،،،فوفة قالت ليها اقسم بالله إنتي كنتي غانجهه بيهو صح،،مستحيل اصلا فجأه كده الموضوع ده يتم،،،اصبري بقرصك بعد الخطوبة 🙂🙂،،،،بقيت اضحك عليها 😂😂،،،بعد لبسوا الدبل❤️ مشينا باركنا ليهم❤️اصحاب العريس شغلو اغاني زنق،،،الناس الكبار اتلموا بجهه والشباب في جهه،،،،وايثار طول الوقت كانت منزلة راسها 😂😂،،قولته لفيحاء عايني ليها الخسيسة عاملة خجلانة 😂😂😂،،،قالت لي اي اي بأدبها بس استني علي 😂😂😂،،،،قبل الخطوبة تخلص بشوية اتصلتا على مازن كذا مكالمة ما رد علي،،،لحدي الخطوبة خلصت وتقريبا معظم الناس مشوا،،،فيحاء كانت طالعة جاها اخوها قالت لي عايني لو ود خالتك ده ما جاي ارح بنوصلك معانا،،،قولته ليها لالا المكان بعيد ليكم وانتي بيتكم من هنا قريب،،قالت لي يا بت بعيد شنو ياخ بنوصلك والله اطلعي،،،قولته ليها لا ح يجي،،قالت لي طيب لما تصلي ابقي اتصلي علي❤️،،قولته ليها ظابط،،،،بعد ما مشت ما كان فضل غير اهل اسماعيل واحمد وتاني معاهم واحد،،،وانا كل دقيقة بتصل وماف رد،،،،في الآخر لما رد علي قال لي إيناس أنا عربيتي في الورشة وماف طريقة اجيك 💔،،اتخيلوا بالبساطة دي،،،قولته ليهو بتبالغ والله طيب كنتا ع الاقل ترد علي،،،قال لي تلفوني كان بعيد،،اركبي ليك امجاد ولا اي حاجه وانا ح اكون بتكلم معاك لمن تصلي،،،قولته ليهو لا تتكلم معاي لا اتكلم معاك،،،اقلاها كنتا تتصرف وتجي بأي حاجه،،المهم مع السلامة،،،قفلتا الخط في وشو وقفلتا التلفون بالمرة،،،،شلتا شنطتي ومشيت اودع ايثار،،،سألتني اذا مازن جاا و كده،،،قولته ليها لالا بركب امجاد بس،،،قالت لي ما جاده،،،الوقت ده براك تركبي امجاد لا طبعا،،،ثواني،،،قولته ليها ح تعملي شنو،،،مشت وقفت جنب خطيبها مسافة،،بعدها جاتني قالت لي عندو اصحابو اتنين اسي طالعين،،،امشي خليهم يوصلوك،،،قولته ليها يا ايثار،،،اسماعيل قاطعني قال لي امشي معاهم يا ايناس تقريبا إنتي في نفس طريقهم،،،تعالي بكونو لسة ما اتحركوا،،،كان مصر علي على طول مشيت معاهو،،،طلعنا برة لقينا واحد واقف وبتكلم بالتلفون،،،شوية وشفتا أحمد نزل من العربية وقال يا فؤاد أنت ما ماشي ولا شنو يا زول،،قال ليهو لالا ماشي،،،ارح،،،أحمد عاين لي مسافة وقبل يتكلم اسماعيل قال ليهو عليك الله يا ابو حميد وصل معاك البت دي في طريقك وو....المهم بقى يشرح ليهو الحاصل،،،،احمد قال ليهو دي بت اهلي❤️،،ارح يا ايناس اطلعي،،،اسماعيل قال لي طلعتوا اهل،،يلا كده إيثار ما ح تقلق عليك،،،قولته ليهو شكرا وسلم عليها❤️،،،ركبتا ورا وصاحب أحمد ركب قدام،،،كانو مشغلين أغاني غربية،،،وصلنا حتة كده فؤاد نزل،،طبعا قلبي بقى يضرب،،ايوة أنا مطمنه أني راكبة مع أحمد وهو ما زول غريب،،بس إحساس اول مرة اركب معاهو وبراي،،،كان في قلق حاصل،،اتحرك وخفض صوت الاغاني شوية،،،كنتا كل ما أعاين ليهو بلقى بعاين لي بالمراية 😂😂لمن خجلتا،،،،قولته ليهو اممم ما كنتا عارفة انو العريس صحبك،،،قال لي وانا ما كنتا متوقع انو العروس صحبتك،،،قولته ليهو ربنا يتم ليهم على خير،،،بعد مسافة قال لي امين عقبالك،،،،فضلنا ساكتين لحدي ماجا بالظلط حقنا،،قولته ليهو ممكن تقيف لي هنا ح أواصل براي،،،قال لي الشارع البوصل لبيتكم فاتح؟؟،،قولته ليهو أيوة،،،طوالي نزل من الظلط ودخل الحلة،،،قال لي م مستحضر بيتكم كويس،،،وصفي لي،،بقيت اوصف ليهو لحدي ما وقف جنب الباب،،،،قبل انزل قولته ليهو شكرا،،،قال لي عفوا،،،نزلتا وبقيت اضرب في الباب وهو كان لسة واقف،،اتحرجتا ما قدرتا اقول ليهو امشي،،،امي فتحت الباب وبقت تعاين لي وللعربية الوصلتني.
