_بعد مشيت مكتبي حسيت إنو حمل كبير جدا انزاح مني،،انا ما افتكرتها تفهمني،،تفهم نظراتي ليها،،،،هي ما عارفة بكلامها البسيط ده ريحتني كيف وخلتني ممتن ليها❤️،،ممتن أني ما اتضطريت ابرر أو اشرح أو اعتذر اعتذار طويل عريض،،حسيت براحه ما طبيعية......
فارس جاا وجاب معاهو فطور،،،قال لي اتأخرتا عليك!!،،،قولته ليهو لالا،،،اا أحمد كان هنا من شوية،،،قال لي اممم كان عاوز شنو!؟،،،قولته ليهو تقريبا كان جاي يتكلم معاك في الشغل!،،،قال لي ما اتكلمتوا!؟،،،قولته ليهو اتكلمنا،،،قال لي طيب ح تضايقي لو جاا فطر معانا؟،،،قولته ليهو لالا،،،،قال لي طيب ثواني،،شال تلفونو واتصل عليهو،اتكلم معاهو شوية وبعدين قفل،،قال لي جاي،،،ارح نبدا ناكل،،،بجي اسي،،فعلا بدينا نفطر وهو جاا قعد وبقى ياكل معانا،،،،دي كانت المرة الأولى الاشوفو فيها من قريب وادقق فيهو واشوفو بتكلم كتير،،صح إنو الكلام كلو عن الشغل بس كان بتكلم 😂💛،،،،بعد خلصنا فطور قال لينا ح اعمل قهوة،،عاوزين!؟،،،فارس قال ليهو ده كلامك اي جيب بس إيناس أعتقد بتشرب عصير،،قولته ليهو لا قهوة،،،قال لي طيب وطلع،،،،قولته لفارس هو بعمل القهوة براهو؟،،،قال لي أيوة أحمد متعود على كده،،م بحب يكلف زول بحاجه بتخصو مهما كانت بسيطه 💛،،فضل يسألني عن أمي وإيڤا واتناقشنا في جانب دراستي وكذا،،،بعدها أحمد جاب لينا القهوة وقال لفارس لما تخلص تعال لي عاوزك،،قال ليهو ظابط،،،،فارس قال لي المهم يا ستي أنا عاوز أعرف عنوان تسنيم وين بالظبط في دبي،،،قولته ليهو هي ما قالت ليك،،،قال لي ما سألتها علشان عارف ما ح توريني،،،انا عاوزك إنتي توريني مكانها،،،قولته ليهو ليه عاوز ترسل ليها حاجه؟،،قال لي لا عاوز امشي اشوفا 💛،،،قولته ليهو فارس أنت جادي،،،قال لي طبعا،،،قصة سفرها ماشة لتلاتة شهور وأنا جد كده اشتقتا ليها،،المفروض أنها تجي بعد كده 💔،،،قولته ليهو ايوة المفروض،،، قبل كم يوم كنتا بتكلم معاها بخصوص انها لازم تنزل السودان بس شكلها لسة محتاجه وقت،،،قال لي برجع والوم نفسي،،،قولته ليهو لا أنت ما عندك ذنب في القصة دي،،،وتسنيم فاهمه كده،،هي المتحسسة أنها اتنرفزت عليك والله،،،وحكاية انك تسافر ليها دي صعبة وهي يمكن تعتبر ده تطفل منك 💔،،،هي أكيد اول ما تحس نفسها كويسة ومرتاحه ح ترجع،،،بس أنا اسفة ما بقدر اديك تفاصيل زي دي هي نفسها ما ح ترضى تديك ليها 💛قال لي طيب م مشكلة.
_____________________________
غسان وصل الحي بتاعنا وكان بسأل عن بيت العزاء،،،لقى شباب متجمهرين قدام الدكان قبل يسألهم جاهو اتصال من أحمد أثناء ما بتكلم معاهو سامع الشباب بتكلموا واحد قال بعد كده اقنعوا بيتهم ده بكرة ببقى بيت دعارة عديل والعياذ بالله💔،،،التاني قال ليهو اصلا غيرهم هم ماف زول جاااايب لينا الفقر في الحي ده الابو الكان شوية ساترهم خلاص مات،،،غسان بعد خلص مكالمتو،،مشى سلم عليهم وسألهم من بيت عزاء في المنطقة دي وكده،،اتبادلوا النظرات مع بعض وبعدها وصفوا لي البيت بنفور كده،،،غسان مشى وضرب الباب فتحت ليهو نون،،اتفاجأت بجيتو دي،،اداها الفاتحه وضيفتو،،عملت ليهو شاي وسألها عن حالها وكذا قعد شوية وبعدها قام ماشي،،،قالت ليهو ثواني اطلع معاك،،عاوزة كم حاجه من الظلط،،،قال ليها طيب،،،،طلعت معاهو،،،ونظرات ناس الحي عليهم،،،واحد قال ليهم استغفر الله بس متين اسي ابوها مات،،،واحد قال ليهو يا ابراهيم ما تخوض في اعراض الناس بعدين يمكن ود اهلها أو معارف،،،،قال ليهو ياخ اهل شنو هم ديل عندهم اهل،،،نون دموعا نزلت وما حاولت حتى تبرر لغسان الحاصل شنو أو ديل مالهم،،،،،قنعت من فكرة إنو يجي زول يتقبل اهلها وخاصة طريقة حياة أمها واخواتها💔.
